15/08/2024
رزنامة البطولة بالنسبة للنادي الصفاقسي (الذهاب) :
الجولة 1 : مستقبل قابس - النادي الصفاقسي ✈
الجولة 2 : النادي الصفاقسي - إتحاد بن قردان 🏠
الجولة 3 : شبيبة العمران - النادي الصفاقسي ✈
الجولة 4 : النادي الصفاقسي - قوافل قفصة 🏠
الجولة 5 : النادي الإفريقي - النادي الصفاقسي ✈
الجولة 6 : النادي الصفاقسي - ترجي جرجيس 🏠
الجولة 7 : النادي الصفاقسي - الأولمبي الباجي 🏠
الجولة 8 : الأتحاد المنستيري - النادي الصفاقسي ✈
الجولة 9 : النادي الصفاقسي - إتحاد تطاوين 🏠
الجولة 10 : مستقبل سليمان - النادي الصفاقسي ✈
الجولة 11 : النادي الصفاقسي - الملعب التونسي 🏠
الجولة 12 : نجم المتلوي - النادي الصفاقسي ✈
الجولة 13 : النادي الصفاقسي - الترجي الرياضي 🏠
الجولة 14 : النادي البنزرتي - النادي الصفاقسي ✈
الجولة 15 : النادي الصفاقسي - النجم الساحلي 🏠
24/09/2023
التشكيلة الأساسية :
قعلول - غرام - نصراوي - مهذبي - سايحي - فودي كمارا - موسى كونتي - نابي كمارا - شادي الهمامي - الحبوبي - ديبي بيرينجيه
إن شاء الله مربوحة 🔥🔥
23/09/2023
لا ليتوال لا ترجي .. بطولة صفاقسيّة 🥁
بقدرة ربي العالي .. نزهيو الجمعية 🔥
إن شاء الله مربوحة في كلاسيكو الغد ضد الترجي .. لن نرضى بغير الثلاث نقاط ✅
23/09/2023
مخرجات إجتماع لجنة الدعم :
المنذر بن عياد رئيس جديد للجنة الدعم
مواصلة الهيئة التسييرية الحاليّة لمهامها إلى حين تعيين جلسة إنتخابية جديدة في أقرب الآجال
21/09/2023
[ رسالة واضحة ]
700 إشتراك تباعوا اليوم في أقل من ساعة .. و الجماهير تطالب بالمزيد
هذي رسالة واضحة من جماهير السي آس آس إلى سلطة الإشراف .. النادي الصفاقسي يستحق ملعب جديد يليق بحجم الفريق و بتاريخو .. على الأقل 40 ألف متفرج ‼
غيرنا عندو شهر منجمش يبيع أكثر من 3000 إشتراك رغم أنو ملاعبهم تتجاوز سعة ملعب المهيري ب4 مرات أو أكثر ..
شكرا لجماهيرنا على الدعم المتواصل .. العام هذا عامنا و بقدرة ربي البطولة ما تبات كان في باب الجبلي 🏁
20/09/2023
نهاية المباراة الودية :
النادي الصفاقسي 1-1 المحيط القرقني
سجل للنادي الصفاقسي حازم الحاج حسن 🏁
المصدر : نادي المحيط القرقني OCK
19/09/2023
يا خويا محلاه الأكحل و الأبيض ⚫⚪
عاش النادي الصفاقسي 🔥🔥
19/09/2023
المباراة القادمة :
النادي الصفاقسي 🆚️ الترجي الرياضي
الأحد 24 سبتمبر بداية من الساعة 15:30 بملعب الطيب المهيري
إن شاء الله نشوفوا ردّة فعل من اللاعبين و ننتصروا 🏁✅
19/09/2023
[ ديوان فم ]
تدور حاليا جلسة تجمع بين هيئة النادي الصفاقسي و موسى بالا كونتي رفقة وكيل أعماله .. من المنتظر الإتفاق مع اللاعب و وكيله على تحسين عقد الشاب الغيني و إنهاء المشكل نهائيا .. بالنسبة لعودة اللاعب إلى التمارين من عدمه فهو من مشمولات المدرب نبيل الكوكي 👍
إن شاء الله يتم إنهاء هذا المسلسل .. بالرسمي مستحقين الرصيد البشري كامل ✅
18/09/2023
[ الكلاسيكو ]
نطويو صفحة مباراة المتلوي و نصبّوا تركيزنا على مقابلة الترجي الرياضي هذا الأحد بملعب الطيب المهيري ..
المنافس نعرفوه و يعرفنا ، النتائج متساوية في آخر 10 مباريات في البطولة الوطنية :
3 إنتصارات لكل فريق و 4 تعادلات ✅
بما أنو المباراة في المهيري ، آخر 10 مباريات في صفاقس :
5 إنتصارات للصفاقسي ، 2 إنتصارات للترجي و 3 تعادلات ..
فريقنا يقدم في بداية موسم ممتازة ، الحمدلله وجه الفريق تغير مقارنة بالموسم الماضي و قاعدين نشوفوا في كورة مزيانة و حجم لعب محترم .. المنافس القادم ميخوفش و عندو برشا نقاط ضعف نجموا نخدموا عليهم .. الإنتصار باش يكون حاجة عادية في صفاقس بالذات 👍
مباراة الأحد لازم تكون festival ، نحبوا نشوفوا لوحة فنية في المدرجات و كذلك فوق المستطيل الأخضر .. لن نرضى بغير الثلاث نقاط على أرضنا و أمام جماهيرنا .. 👊
بالمناسبة ، إن شاء الله الهيئة تسرع في طرح ال2400 إشتراك إضافيين خلي على الأقل 70% من طاقة الملعب تكون حاضرة ..
17/09/2023
صحيح حبينا نربحوا اليوم و تمنينا نكملوا سلسلة الإنتصارات لكن قدر الله و ماشاء فعل .. هذيكا أحكام الكورة ، ساعات تجيك مباراة تصنع فيها 20 فرصة سانحة و متسجل حتى وحدة .. مثل مباراة الإتحاد المنستيري الموسم الماضي ..
الهزيمة هذي لازم نبنيوا عليها .. مازلنا في مرحلة ماقبل البلاي أوف يعني الخطأ قابل للتدارك ..
أهم شيء منطيحوش معنويات الفريق .. عندنا كلاسيكو الأحد القادم نحاولوا ندعموا اللاعبين عملوا اللي عليهم اليوم لكن الله غالب .. عكست .. كان تمركات كورة من الفرص اللي جات راهو تو حديث آخر ..
و باللاهي يا مسؤولين حاولوا تضحيوا شوية و تقربوا من بعضكم في الفترة القادمة .. هاكم شفتوا النكد و المشاكل وين يوصلوا 😊
20/09/2023
19/09/2023
19/09/2023
19/09/2023
18/09/2023
17/09/2023