☺ Objectif: 5OOO Fans ▬ Bonne Visite ▬ [Designed By Nahrawess ©]
11/08/2013
نجمة الليل والنهار "
في عيد من أعياد الصغار "
تهدي كاس بعد مجهود جبار "
من رادس إلى سوسة قلب الدار "
إلى السوحلية وباقي الأنصار "
إلى جماهير من نار "
إلى شوارع تسمع الراد ستار "
بعد أن طال الانتظار "
كل يوم يزدم نبار "
بعد إن إفتكت بطولة العار "
يذهب الكاس إلى بوجعفر عز البحار "
بروح بدم نفديك يا لتوال"
05/08/2013
يوم الاحد 4 اوت 2013 أمام المغازة العامة - سوسة
أيا يا جماعة قولولي اش رايكم في الناس هاذم ؟؟؟؟
لا مكلا و لا شراب !!!!
عايشين فل شارع ؟؟؟ ناس هبطا تشري في لبسة العيد و هوما قاعدين يستناو في رحمة ربي باش تهبط عليهم ؟؟
راجل بطولو رقد تحت حيط ؟؟
مرا بزوز صغار مطايشا الذبان داير بها ؟؟ نورمال هكا يا ناس ؟ وينوا رجلها ؟ معندهاش دار ؟ هكوم ولاد شكون ؟؟
بدون تعليق حال بلادنا ليوما :(
الحل عند بجبوج :D
31/07/2013
أكثر واحد فاهم اللعبة ...
30/07/2013
ويني الزّغاريط ... شبيكم ساكتين ...
ڨوموا حظروا الدّنيا شبيكم ڨاعدين ؟...
هيا ڨوموا و كمْلوا الحوسة ...
قبل ما يجيوا دار العروسة ...
لـمّولوا فرشو و بيتو ...
حدّدولو سروالو و سوريتو ...
حظرولوا عشاه ...
و حطّوه فوڨ الطّاولة بش كي يجي يلڨاه ...
ما تطيبولوش عشاء حار ...
حطّولوا في صحفتو البلاّر ...
يحب في السلاطة الكبّار ...
هيّا يا بنات ...
ڨوموا يزّيوا مالسّكات...
حطّوا الطواول و الكراسي ...
ڨوموا عاونوني مالتعب تـڨطعت أنفاسي ...
هيّــا خليّ نعملوا جوْ ...
و اجبدوا الأطبقة متاع الحلو ...
الدّنيا ظلامت شعلونا الضّوء ...
ڨوموا ڨوموا العريس جابوه ...
على أكتاف بوه ...
وسعولهم الطريق يدخلوه...
و يغسْلوه ...
في أحلى كفن يلفّـــوه ...
و بأحلى ريحة يطيبوه ...
بعدوا خلّي يعملولوا الحنّة ...
ولدي ماشي للجنّة ...
زغرطوا... يا نساوين ...
زغرطوا ... على ولدي الحنين ...
اليوم موش كيما كل نهار ...
اليوم عرس زينة الدّار
30/07/2013
في وطني يموت من لايستحق الموت ,علي يد من لايستحق الحياة
بالله تفرجوا يا سياسيين و يا عسكرين و يا شعب تونس ...
الله يرحمهم يا ربي
كي سمعت ب8 مالجيش إستشهدو دموعي هبطت وحدها ... تخيل إنت براس أمك عبد مات و هو يخدم فيك ... يا عباد ربي راهم خلاو عايلاتهم تحرمو من لمة العايلة من النوم مالراحة من كل شيء ... و مشاو يدافعو على هل بلاد ، ياخي ما عندكمش ذرة إنسانية ؟ ما تحسوش ؟ ماكمش بشر ؟ بلاش قلب ؟ حاولو تنساو السياسة و إمشيو بإنسانيتكم ... هاذم عباد ماتو يدافعو على تونس الكل ... على الشعب الكل سواءا يميني يساري إسلامي قومي ديمقراطي ... هاذي قضية أكبر من إنها تكون سياسية هاذي قضية متاع شعب الكل الزوالي و الغني و الكبير و الصغير و النساء و الرجال ... أخطاك مالميولات الحزبية و الإنتماءات الضيقة إللي تجري وراها فماش ما تشد بلاصة ... حاول تعيش راجل في لحظة البلاد تحتاج فيها الرجال و الله شي يحزن والله نكتب في كلام خارج من عروق قلبي !! الله لا تربحكم الله لا تربحك الله لا تربحك سياسيين إشتروا المناصب بدماء شعبهم !! و حسبنا الله و نعم الوكيل .
يا حسرة علي عهد بن علي كي كان يبعث بوليس بوشلطة علي 103 يجيب الإرهابين الكل و يجي.
يا طحانة
بكيتو تونس الليلة
بكيتوا الشايب و العزوزة الي ما فاهمين حتى شي
بكيتوا الصغار و الكبار الي ماهيش عارفة آش اتحبو من ها البلاد
بكيتوا رجال قلوبها ما تعرفش الخوف آما تعرف الحب..تعرف الشرف..تعرف شنوة معناها زميلها يموت خاطرو يحب بلادو..خاطرو يدافع على بلادو
يا طحانة بكيتونا في شهر فضيل و على باب عيد
قسما بالرب الي هز الجبال بلا عمد
الي ما نكتبوا على جبينا "مشروع شهيد"
الا ما نضحوا برواحنا و بصغارنا و بعايلاتنا و وراكم وراكم.
كلنا مشروع شهيد
عاشت تونس و المجد للشهداء
إستعمل الغاز المسيل للدموع بكثافة في مظاهرات سوسة !!
جندي مجروح و رصاصة مزالت في يدو و يقول ناقفو لتونس يد واحدة و أنا ما عنديش مزية ..
ووزير يقول لصحافي أنا وزير رغم أنفك ..
رغم جروحنا سنصرخ بأعلى صوتنا "نموت نموت و يحيا الوطن"