Pour les Etoilistes seulement

ملف اوميغا 👋⭐✅
و بالتالي رفع المنع من الإنتداب
الملف لي بعدو يا رجااال

بادرة محترمة من البريقاد روج

ادم الورتاني يغادر النجم الساحلي و يتنازل على كامل مستحقاته المالية
ربي يوفقك ادم

الورتاني راجل في زمن كله قلة معروف و غدرة ..

السيد هذا ينجم يكون ضيع مسيرة محترمة و ما عطاش برشا لليتوال لكن فما برشا برشا برشا أسباب خلاتو يخسر برشا وقت ..

آدم لا عمرو لا قدم شكاية ب ليتوال .. كل عام يسامح في فلوسو .. تصور إنت طفل صغير و ما عملش فلوس جملا و كل عام يخلي مبالغ محترمة و يسكت ..

في الصيف ولاد الحرام طلعوا لغة آدم قال "ليتوال طلعت من خشمي" ..
هي الحكاية غالطة أما فرضا تقالت .. شكون منا في لحظة غش ما قالهاش !
السيد تعاقب جراء الأكاذيب و الخزعبلات و الجمهور دار عليه و ماعادش قابلوا ..
عمناول في رمضان منتصر طردو من hôtel و خلاه يبات في الشارع .. في رمضان يا عباد الله !

اي ملاعبي مبعد الي صار فيه من مسؤولي ليتوال و الجمهور يدوان و يعملهم الكل ..

لكن آدم غير .. خير مغادرة ليتوال في صمت و سلم في كل شيء !
الورتاني كان قادر يفسخ و يطالب ببقية عقده و هوني نحكيوا على مبلغ قيمته 250 ألف دينار !

ربع مليار بالنسبة لملاعبي مازال كي بادي حياتو برشا فلوس لكنه راعى وضعية ليتوال و تنازل على كل شيء ..
عام كامل واخذ 3 شهريات و حمد ربي و مشى ..

في نفس هذه الظروف لولو شكى و ضرب 200 مليون و زاد غرق ليتوال ..

يا آدم الحمد لله ما كنتش غالط فيك .. راجل من ظهر راجل و un vrai Etoiliste ..
و جماعة تو يشكي و إندرى شنوا .. وثيقة التنازل عن المستحقات ريتها بعيني ..

ربي يوفقك في تجربتك الإحترافية و رانا كلاسيناك مع بن وناس و كشريدة 🇭🇰

سلام يا صاحبي ..



💉💊

⭐⭐⭐⭐⭐

العيب فينا مش فيهم ..

2018 يهرب للبرتغال بعد رفضه إمضاء عقود إحتراف مع النجم ..
الوكلاء هبلوه و وعدوه بالجنة في أوروبا فإصطدم بالواقع و إتضح أنه مغرر به ..

هي أشهر قليلة و يعود للنجم الذي غفر له ذنبه و فتح له الأبواب من جديد ..

مع أول عرض جدي ليتوال تمنح للاعبها الشاب فرصة الإحتراف ..

سنوات و جمهور ليتوال تتغنى بلاعبها و تدافع عليه بشراسة و فرضته في المنتخب ..
في أي تربص للمنتخب شغلنا الشاغل هو الحاج محمود و حاربنا تونس كاملة من أجله ..

النتيجة ..

إتبع طريق المذلة .. خذى طريق إلي يهز ما يرجعش .. عادى جمهور له فضل كبير عليه و خان الألوان إلي عطاتو كل شيء ..

الحمد لله العباد الكل غلطت فيه و في والده إلا العبد لله و ما كنتش نرتاحلوا جملا و كنت عارف إلي ولاءهم للفرنك ..

حمدي النقاز بعد سنوات من الخيانة سأل عن أكبر خطيئة في حياته .. حياته و ليس مسيرته .. أجاب دون تردد حمل ألوان الغريم ..

ليتوال إدق و لو بعد حين ..

100% مرابيح للجمعية
مش وقت نقد مريول باهي ولا خايب ... الي احب جمعيتو يعرف ثنية المغازة منين ⭐❤️

منتخب أقل من 20 سنة ينتصر ودّيا على منتخب ألمانيا لأقل من 18 سنة بهدفين لصفر🇩🇪🇹🇳
اللقاء شهد مشاركة لؤي الغضبان وياسين الشعباني صاحب الهدف الاول ولؤي الغضبان صاحب الهدف الثاني 🇭🇰