Taraji Express

⛔نقطة نظام...✍️
يا مكشخين مشروع بناء ترجي قوي يرجع للسيطرة المحلية و الإفريقية و الاقليمية كيف ترجي من 2009 الى 2013 و ترجي 2016 الى 2019 تحبلو برشا صبر

🔸يا مكشخين راهو الخدمة توه لازمها برشا عقلانية و انتظار لعصارة جهد و عمل رئيس الفرع و رفقائه
معناها ما وصلنا عندنا فريق كبير 2018 الا ما بدينا الخدمة من 2016 و عملنا تقرقيشه من العضم و خاصه بعد نكسه 2015 ضد المريخ و 2016 ضد بجاية الجزائري في الكنفدرالية الإفريقية وقتها جبنا #الروج و #البدري و #الف*جاني و #الرجايبي و #كوليبالي و #كوم و #الذوادي و غيرهم و كان النجاح قاريا بعد 2 سنوات

🔚 توه نفس السيناريو مازال قدامنا شانطي كبير تنظيفة و غربلة الفريق كليا و استقطاب اللاعبين السوبر الكبار و تطعيم الفريق ببعض الشبان من الترجي الي يستحق التواجد في القائمه الموسعة للفريق كيف #منتصر الصيد و #هيثم ضو و #اشرف الجبري و غيرهم للحفاظ على هوية الفريق و عدم اثقال خزينة الترجي ..💰🫰

⛔ ناقفو مع رئيس الفرع الي تنقصه الخبرة الإدارية لكن تحدوه الرغبة في النجاح و التطور و العمل 🏆✌️
🔸 قدامنا برشا خدمة و كسب اعتراف من فرقائنا و خصومنا و اخص بالذكر سيئي الذكر بقايا ما بقي في المستنقع و الزيڨوات من فرق تونس التعيسة و كسب الاعتراف من المرتزقه الي ضرو الفريق سابقا كيف ولد النعجة 🐑 و اللنزة و الرتال و شناقريه و بوشوشه و بوهم بولونات 👓 السمسار..

🔸 محمد الأندلسي ✍️

⛔ شانطي كبير 🥴🤷
🔸خلينا نكونو واقعين و بصراحة حسب ما شاهدته اليوم في الفريق و ما شاهدته في اخر لقاءات الحقيقة تقال الترجي فيها برشا شهارة و ملاعبيه عاهات متوسطي الأداء مستحيل نجمو نمشيو بيهم لبعيد🌍🏆 و الحقيقة تقال مسؤولية رئيس الفرع ستكون صعبة في تشبيب الفريق أو في تعويض الكم الهائل من المغادرين لو صارت غربلة تامة لهم ...

🔚 حسب ما نشوف نصف الفريق يجب مغادرة الكثير من المفلسين فيه لكن الي يغيضني ما تنجمش في ليلة و صباح تنحي الكل و تجيب ملاعبية جدد🤷..
🔸 أظن الأمر صعب و سيكون على مراحل و في مركاتو او اثنين يقع تسريح البعض و تعويضهم بالأفضل ...

⛔ ربي يكون في عونك يا شكري لأنه الشانطي كبير ، تدحرجت كرة الثلج للاسف و خلفت التعاسة هذه و ذلك نظرا للسياسة العرجاء الفاشلة للفترة السابقة الي خلاتنا نقاسيو في كوكبة من أشباه اللاعبين الي تخلص في الملاين🫰💰 بدون روح و عطاء في بطولة ما يسواش الأجر الشهري للاعبيها 2 ملاين فقط..
🔸توه اعطينا نجيبو الكأس🏆🤲 و بعد يعمل الله و برك..✌️

الترجي تعيش 🇧🇪✌️

🔸 محمد الأندلسي ✍️

🔸 رغم الأداء المتوسط و الباهت لبعض لاعبي الفريق فإن الترجي يحقق الأهم مع #براكوني و يمر إلى نهائي كأس تونس ليلاقي ترجي الجنوب في لقاء يوحي بندية و تنافس كبيران نظرا للمستويات الكبيرة التي يقدمها ابناء #العكارة منذ سنتين توجها بالتواجد ضمن Top 5 في البطولة التونسية مع المرور للنهائي على حساب الصفاقسي التونسي و تأهل بإستحقاق إلى كأس الكنفدرالية الإفريقية الموسم القادم..

المسؤولية كبيرة الآن أمام أبناء الأحمر و الأصفر و ما علينا إلا التركيز قادم الأيام ..
التحضير يجب أن يكون بسيكولوجي بالدرجة الأولى بضرورة إنقاذ اللاعبين لهذا الموسم بتتويج محلي #كأس تونس🏆 على أمل العودة للمراهنة القارية🌍 العام القادم في ظل ما أظهره رئيس الفرع الحالي من إستعداد تام للإصلاح و فتح أبواب التشاور بينه و بين جميع الفرقاء من المكشخين حسب تصريحاته و وعوده الاخيرة...

🔚و معاها ربي الترجي 🇧🇪✌️

🔸 محمد الأندلسي ✍️

⛔ العودة مرفوضه و لازمك تخضع لنظام العقوبات الداخلي للفريق وقت اخللت بجانبك التعاقدي معنا
🔸نحبو نعملو فريق شباب من اللاعبين الصغار في السن و الملاعبية السوبر الي تاكل الڨازون..
خرجت من الباب الصغير و وقت حاجتنا بيك جبدت روحك و قلت امور نفسيه بعد وفاة والدك رحمه الله علما و انه و بعد وفاته بأسبوعين نشوف فيك تحوس على الكواد و تلعب و لاباس ماكش لنا جملة و الي ما عندوش شاهد كذاب🤷😉...
رجوعك الآن مرفوض خليتنا وقت الغصرة و جبدت روحك وقت الشدة و حتى كي رجعت طميعة باش ترجع للمنتخب و تلعب كأس عالم معناها عاملها الترجي قنطرة
لدى خلينا نحبوك و نحترموك عندنا توه هيكلة جديدة و رئيس فرع جديد يسعى لتشبيب الفريق و يرجع فيه الروح
زد على ذلك فقدت كل مؤهلاتك الفنيه و البدنية و انتهت عندك الرغبة في اللعب و على اعتاب الاربعين لذلك ضررك اكثر من منفعتك للفريق
بالتوفيق في حياتك العائلية بعيد عن مشروع الترجي الحديث و لك كل الإحترام و التقدير

🔸 محمد الأندلسي ✍️

⛔ رجل الخفاء في فرع كرة اليد 🤾...
🔸مرة اخرى نحب نتوجه برسالة شكر لأحد أساطير حراسة المرمى في الترجي الرياضي التونسي لكرة اليد و ذلك على الدور الي قاعد يقوم بيه في الفريق و خاصة من ناحية تأطير .

🔸كلنا نعرفو إنه أصيل حارس كبير و لكن عنده التخميرة و الهبلة👹 الزائدة و الي خلاته سابقا يدخل في فترة فراغ و مشاكل كبيرة مع إدارته أو تجاه الفرق الاخرى..
🔚 لنا يبان العمل الكبير متاع خونا سليم وين خذا على عاتقه تأطيره و التنبيه عليه و اعاد فيه الروح و دربه على اعلى مستويات و شفنا البارح اصيل وقت شد ضربة جزاء #الرميكي أول شخص فرض عليه الإلتزام و السكوت سليم الغالي ❤️ الي يعرف انه النملي يمر بفترة انتعاشه لازم يقع توجيهها للربح و الانتصار عوض التخميرة و الخروج عن النص لا قدر الله ...🤷 و نفس الشيء قام به #الزهاني مع اسامة البوغانمي من فرض للانضباط و التركيز التام على اللقاء ✌️

🔸سليم الزهاني موش غريب عليه الشيء هذا لأنه كان مثال يحتذى به في الأخلاق و اللعب المزيان ..
🔸 الزهاني القاب كبيرة مع الترجي أو المنتخب و حقق عدة ألقاب كلاعب ثم كمدرب حراس، و من أبرزها:
البطولة التونسية لكرة اليد 🏆
كأس تونس 🏆
البطولة الإفريقية للأندية البطلة 🏆
كأس الكؤوس الإفريقية 🏆
السوبر الإفريقي 🏆
المشاركة في كأس العالم للأندية “السوبر غلوب” 🌍
كما كان ضمن المنتخب التونسي في أولمبياد سيدني 2000.
🔸مازلنا معولين عليك داخل هذا الفرع و ربي يبارك في صحتك يا باهي..

نحبوك برشا ❤️

🔸 محمد الأندلسي ✍️

⛔ أخيب عيشة تنجم تعيشها عيشه الزنطور🤧😷🐀
برشا هدرة و حديث و الفعل يجيبو ربي ، برشا شياح و حرمان و مبالغه في انتصار او اثنين بعد سنوات قمع ..
شوف اكا حالة الفوضى و الهمجية و الغبن الي يعيشو فيها .
فريق البلاغات 📝و الاحترازات و البكاء 😫و البهامة الكبيرة في صفوف حماهيره حقيقة برشا مساسية🫴 و ذل و ماشين مع الي جاي و الي ماشي 🏃
برشا استهلاك للعلفه 🌿🐑و يعطيو للذل كاره اخرهم راجل ستيلا العفيفه💃
الحاصيلو بقايا ما بقي في المستنقع و الزيقوات 🐀 .

🔸 انس المالكي ✍️

♦️رئيس جامعة كرة اليد الي تساهل مع الزناطير من اول العام و كاينه جاي بمهمة عرقلة فريقنا بنوايا خبيثة و قوانين على المقاس ،خدمهم ما عاقبهمش رغم وضوح النصوص القانونية في ذلك ، عملهم الكل من سياسة المكيالين و ضرب القانون عرض الحائط الي ما يطبق كان على الترجي ...😉
🔸في الاخر كي العادة الترجي الترجي الرياضي التونسي 🇧🇪 في نهائي كأس تونس كرة اليد..
🔸 كرة اليد التونسية و تراجعها الرهيب سببه هذا الشخص الذي يعشق الكرسي و حب الظهور و محاباة الزنطور..

🔸 انس المالكي✍️

♦️الترجي الرياضي يتأهل الى الدور النهائي من كأس تونس بعد فوزه على النادي الجبريقي في دربي العاصمة
الترجي يفرض سيطرته المحلية الدائمة على زنطور تونس
اللقاء شهد نديه كبيرة بين الفريقين مع تألق كبير لحارسنا اصيل النملي الذي كان سدا منيعا كعادته
ان شاء الله الفوز بالثنائية و بحول الله يجب العمل على العودة للكأس الإفريقية التي غاب عنها الفريق بسبب التداخل بينها و بين لقاءات البطولة مع ضرورة عمل رزنامه من الجامعه المنبطحة للزنطور كي تراعي مشاركتنا في هاته المناسبات ..

⛔فقط ملاحظة صغيرة يجب معالجتها في الفريق وقت نكونو عاملين تفوق في النتيجة ندخلو في فترات فراغ و نعطيو المنافس الفرصة للرجوع
دفاع الترجي يحتاج تدعيمات و قبوله لعدة أهداف امر تعاود برشا هاته السنه
البوغانمي ركز عيش خويا في ماتشاواتك و نقص بلا تخميرة قدام الزناطير ما عندهم ما يفيدونا

🔸 محمد الأندلسي ✍️

🚫 حسان القابسي شايخ 🙂🇧🇪✌️
هذوما اولاد الترجي الي نحبو نشوفوهم في الفريق ...لازم الروح ترجع

♊ سليم شيبوب واحد منا ✌️🇧🇪
يارب في هاته الأيام الفضيلة ف*ج كربه و اعده لعائلته و جماهيرنا الوفية بيننا ✌️🤲

⛔ بربي السيد هذا إذا مشا معاه الزهر بفريق افريقي مقحول بعد سنوات ما غير ما تبداو تتبكاو عليه في كونه خسرناه و فلتة زمانه
🔸 هو نفسه الي قال عندي أفضل ملاعبية و دانهو رأس حربة ما صارش و انه جاي للألقاب
🔸تي أضعف سلسة متاع لقاءات و اخفاقات شفناها معاه وبعد لبسها في رأس الملاعبيه
🔸 عجز حتى على الإنتصار على فرق تترانا فوق السطح في تونس و ما عنده لا حلول فنية و لا تكتيكية ..
⬅️ بنفس الملاعبية براكوني شد فرق تونس المڨحولة يخبط فيهم ب 3 كل ماتش 🥴

⬅️ جاي يزين في CV📝 متاعه كونه درب الترجي ..

⬅️الله لا يبارك في الي جابك و كان فيك سبب..

♦️محمد الأندلسي ✍️