Espérance TV

كلام يخص كان اللي مستعدين يضربو بالسلاح في خاطر الترجي :👇
من مدة كنا نلومو على إدارة الترجي 🇧🇪 كيفاش مافماش communication مع الجمهور وكيفاش توصلنا معلومات عن طريق صحافيين حتى ولو أنهم مكشخين لكن تكلمو في إذاعات أظهرت عداوتها للترجي ، ولمنا الإدارة على غياب المعلومة و انتقدنا سياسة الترجي في #الرد على أشباه صحافيين أمثال (برهان بصيص...) أو مسؤولين آخر زمان (....) والامثلة كثيرة ، راهي إدارة الترجي ماتجاوب إلا ماتبدى الاومور مدروسة بالقانون وبالأدلة 👊 باش اللي ياخو شربو معادش يحل فمو ويجبد الترجي بسوء
كلمة وحدة لجمهور الترجي #العظيم راهو الشعار🇧🇪 ماهوش متمثل في الباج أوفيسيال وإلا في تطبيق ترجي+ موش معناها مهبطش خبر معناها الرجال تضرب في النوم راهو الوقت باش يكشف كل شيء والفاهم يفهم ⛔
راهي فما #رجال تخدم ليل ونهار راهي فما رجال قريب تمرض بالأعصاب في جرت التسيب اللي لقاوه والتراكمات اللى متراكمة من سنين
أقسم بالله فما عباد ماعيدوش مع صغارهم و سلمو في عايلاتهم خاطر بجلو مصلحة الترجي على حياتهم الخاصة و لاهين بحاجات تخدم مصلحة الترجي 🇧🇪 والتاريخ باش يبين شكون الراجل اللي خدمها بقلبو وشكون الطحان اللي خانها ومزال ناوي باش يخونها أما بحول الله الرجال وقفت والسبابل تسكرت ⛔
#الحرب بدات من مدة على الترجي بصورة عامة و بصورة خاصة على اللي جاو باش يصلحو وتقلدو مسؤوليات جديدة في الترجي ووصلت الرجال تهددت خاطر عارفينهم جايين يخدمو حبا في الترجي 🇧🇪 ووصلو مسوهم في عرضهم وجندو باجات باش يسبوهم
أحنا كجمهور المطلوب منا ناقفو يد وحدة مع الكعبتين النظاف و بيهم هوما نجمو نقضيو على التسمسير و على السبابل المحلولة 💵
راهو فما مشروع كبير قاعد يتبنى في الترجي على المدى القصير والبعيد وتو الوقت والصبر هوما الوحيدين اللي لازمنا نلتزمو بيهم
موضوع الانتدابات راهو أي إسم باش يجي للترجي يبدى عارف روحو على شنوة قادم ، ومايتشرط علينا حد مهما كان إسمو .
بلاغ الترجي اللي هبط واضح وصريح رانا دخلنا في حرب للعلن وماناش باش نرجعوها لتالي 💪 ورانا مع الإدارة ظالمة أو مظلومة ضد الأعداء توة حاجتنا ببعضنا توة حاجتنا باللحمة ترجع وناقفو لكل يد وحدة 💪 ضد الكل
راهو تنجم تلقى مكشخ كل يوم لابس أحمر وأصفر وإلا صحافي متسمي على الترجي وإلا إذاعة متسمية كيفك كيفك راهم يهمهم كان مايغرك