31/08/2026
نقطة نظام لجمهور الترجي وللادارة متاعنا :
✅جمهورنا تزنطر .... الي يحك راسو يعمل لايف ويبدا يحلل ويفتي علينا وهو مش فاهم شي وينظّر علينا مش عارف حتى شمعناها خطة الدفاع المتقدم وانو لازمها برشا وقت وبرشا خدمة وصبر.
راو ريق اللايفات متاع الزناطير (جمعية صغيرة يواتيهم الهم والعرك والحديث في الفيسبوك) مهوش متاعنا الشي هذا يهديكم اسمو تزنطير !
✅المدرب البارح لعب بشيما تكتيك عمرو ما لعب بيه لا في اطراح ودية لا في فترة تحضيرات لا في الجمعة هذي !! لاول مرة جربناها البارح في طرح رسمي وهذي غلطة وانتحار ولازم يراجع روحو وينحي صحة الراس سينون فيلامان وكان لزم جيبلو ادجوان تونسي يخدم معاه على المنظومة الدفاعية.
✅اما تشوف ناس يسبو في الجواارات وينبرو اقسم بالله مخك ياقف ... تي الي صار البارح شكشوكة والجواارات ماعندهم حتى علاقة بالغلطة الي صارت وماعندعم حتى ذنب تي جوارات مزالت في الطيارة وانتوما تنبرو ؟ يخي اعطيكم تكتبو ستاتيات ببهامة على زوز جامات ؟ تي ملاعبية مايعرفوش اسامي بعضهم !
سيب عليكم من ريق اللايفات ومن هنا لقدام اي واحد يمد وجهو في الكاميرا لازم الجمهور يهبط عليه بالسنيال والسبان توا ماعاد حد يتجرا يفتي علينا خاطر الفئة هذي اكبر خطر على الترجي !
✅ملاحظة : راو خطة التسلل برشلونة مع فليك صبرو عام كامل بش ينجمو يطبقوها ! مش كل عثرة تبدل مدرب .. في حالة انو بقى مكبش في صحة الراس متاعو والجوارات مش فاهمين الخطة التكتيكية وقتها موضوع اخر.
✅ملاحظة اخرى : يا ادارة الترجي رانا نلعبو بلاش بيفو فكاك مع اي مدرب في العالم بش نتعبو ! (منيش نحكي على الانتحار الي عملو ريجي البارح) لازم نشوفو بيفو تحت السن للافريك سينون راهي كارثة !! و الاكسيال والاريار قوش لازم يختاروهم اللجنة الفنية وخليهم هوما يقررو مش المدرب ومش معقول تخممو بش تجيبو اكسيال نيجيري هاوي وصفر خبرة جيست على خاطر ريجي طالبو بالاسم واكتفي !
✅و راو الاكسيال لازم يكون غول وكونفيمري ولا مجال للخطا .. بالطبيعة راهو الاكسيال والاريار اذا بش يبقى ريجي يلعب بنفس الطريقة مش بش يحلو المشكل اما حتى لو نرجعو للثوابت متاعنا بش تلقى ايكيب بلاش اكسيال معوض لتوغاي وبلاش بيفو فكاك وبلاش اريار قوش و بش نلقاو برشا مشاكل.
