Ultras tunisie, Avenue habib bourguiba, Tunis (2026)

27/08/2024

الحقيقة تقال ما تنجمش تنحي المخدرات من حتى بلاد فالعالم اما تنجم ترتقي و توعي الشعب بصفة عامة و الجمهور بصفة خاصة اولا لازم العضو في كل مجموعة يمتثل للتعليمات (جناح عسكري بدون تنظيم ما يسوى حتى شي) و لازم الى يغلط ولا يعمل حاجة متع تجوبير بالوقت لعباد تحللب عليه و ياقف عند حدو باش يحشم على روحو تسيبت لبلاد و هبلت لعباد يا عباد ربي الألتراس مهاش قايمة على العرك و الحديد حتى كان صار لازم تصير للضرورة و تاقف غادى نشالله كلامي يكون مفهوم و راو هذي فرصة تاريخية باش نتوحدو ناس لكل على خاطر عمر خاطر الشعب لكل معاك يكفي انك تجبد الراى العام ليك و تعرف تطالب بحقك

15/07/2024

بسم الله الرحمان الرحيم
تونس بلاد فيها كل المؤشرات الى تخليك تنجح و لكن ما فماش لا نظام لا حرية لا عدالة و خاصة العدالة خاطر بان بالكاشف الي بلادنا تحب ولا تكره بلادنا و نحبوها اما تضلمنا فيها لا لشيئ خاتر فضحنا الخور متاعهم و فرشنالهم الفساد متاعهم و الشي هذا ما يساعدش السلطة .. ديما يحبونا بهايم ساكتين حتى كان رينا و صار علينا يحبونا ديما بوس خوك و روح يطلعو دا للفيراج الضرب بوه على خوه لا يقراو حساب كبير ولا مرأة كبيرة ولا طفل صغير ضرب و مشاهد مشبعين بالحقد و الغل و تعليمات مالفوق جاية تستبيح اي كائن حي فالفيراج .. اسأل روحك تره علاش يصير فينا هكا تو تعرف الى الألتراس في تونس هي الوحيدة الى مازالت ما سلمتش في حقها و تطالب بكل كبيرة و صغيرة و مش قابلة للتفاوض و هذا خطر على السلطة donc الأساليب القمعية واجبة و الهدف هو محق اى فكرة او توجه عكس ما يراه اشباه المسؤولين و اصحاب الكوستيمات و لكن دائما ما يحدث العكس فلا ضاع حق وراءه طالب

13/05/2023

تأكيد لما قلناه سابقا .. الألتراس التونسي في خطر .. البداية بأقطاب العاصمة .. للحديث بقية

يبدو ان بعض الأطراف لم تستسغ فكرة نجاح الدربي كرويا و جماهيريا فمارست ما دأبت عليه من ظلم و غطرسة لتحقيق مآرب مشبوهة.
تم تلفيق تهم مضحكة من نوع " تكوين وفاق " و " اعتداء على الممتلكات العامة " في حق اعضاء من مجموعتنا بغرض تركيعنا . مع التذكير بانه لم تسجل اي اعمال عنف او تخريب في مباراة الدربي ، بل بالعكس، فقد قام اعضاء الكورفا بحماية الملعب و من فيه من اي اعمال تخريبية و ما راعنا الا ان قوبل تصرفنا برصانة بتلفيق التهم باطلا و الزج بأعضائنا في السجن مع العلم انهم ليسوا من ذوي السوابق و لا من العناصر المعروفة بممارسة الفوضى ففيهم من هو أستاذ و من يجتاز إمتحان البكالوريا بعد أشهر.
كل هذا يؤكد لنا مدى حرص السلطات على مواصلة ممارسة الاساليب القمعية تحت غطاء مقاربة امنية فاشلة لم تستطع الا تأجيج الأوضاع و تعميق الازمة بين السلطة و الشعب في كل مرة .
لسنا مهزومين مادمنا نقاوم و لن ندخر اي جهد في سبيل حماية أعضائنا و جماهيرنا و نادينا من صراعات سياسية بوليسية لا دخل لنا فيها و نحمل السلط مسؤولية تحطيم مستقبل شباب يتمثل جرمهم الوحيد في الوفاء لناديهم.

09/05/2023

بسم الله الرحمان الرحيم

مؤخرا تشهد المدارج كمية رهيبة من الضغط الذي طال قطبي العاصمة بصفة خاصة و الالتراس التونسي بصفة عامة .. على خلفية ما حدث من ايقافات عشوائية قررت مجموعات الترجي تعليق النشاط (نوع من الضغط التي تمارسه السلطة ) .. هذا الحدث ان كان يدل على شيئ فهو يدل على اعلان الحرب على الألتراس التونسي و الحذر كل الحذر من السيناريو المصري بعد الثورة .. الألتراس لا تدعو الى عنف بشتى انواعه على عكس ما يروج له لا للانسياق وراء هكذا حالات شاذة .. في هذه الفترة الحرجة ادعوا كل الجماهير و المجموعات الي الحذر و الإلتزام بقرارات المجموعة .
يتبع...