Taraji news

السيد رياض بالنور يقترب من الدخول في تجربة جديدة بامكانها العودة بالنفع على الكرة التونسية و مصلحة النوادي و المنتخب.... 🇹🇳❤️💛

كل الدعم و المساندة...🙏❤️

ما فيبالهمش لي جوارات الهوند يفركوا فيهم على التجوبير لي عملوه موش يقلدوا فيهم🇧🇪

هاك الجماعة لي معيشينهم عشرة سنين يتبعو كان في الباسكات تقول مولودين في انغولا، هاو السنة ولاو ما يعرفوش كرة اليد خاطر هزو البطولة في الفوت. 🇧🇪
تناقضات

رغم فساد الجامعة والرابطة الترجي الرياضي التونسي يسحق جمعية ستيلا امام جمهوره 🇦🇹🙊🇺🇲

بونطو في بنزرت و ضربة جزاء
بونطو في بن قردان
و اليوم محاولة فاشلة لالغاء هدف شرعي للترجي

شنوا تحبو منها الترجي ؟؟!!

تعليقكم على الصورة 🇧🇪

كما قال الشوالي، فما سطر في غناية للترجي، كان فهمتو تفهم سر قوة الترجي. تقول "كيف الطيح نهزوك و نحاربو عليك ، ديما تاقف رجالنا "

جبنا كأس العالم و تصورنا معاها بلاش🤣🤣

أحمد بنور إبن رياض بنور يكتب :

“الأعوام الأخيرة كان بابا ديما يسألني:
“أحمد، تعبت… نحب نبطل، شنوّة رأيك؟”
وكل مرة كنت نقله:
“لا بابا، الترجي… اصبر شوية.”

أما الجمعة اللي فاتت، أول مرة في حياتي، كي سألني، قلتله:
“يا بابا، يزّي… بطل.”

والحقيقة، المرة هذي محبتي لبابا غلبت محبتي للترجي.
خاطر أنا عشت معاه الترجي نهار بنهار، نعرف قداش يحبها، نعرف قداش تعب عليها، ونشوف بعيني قداش يعيشها من قلبه. ساعات حتى هو ما يعرفش اللي أنا نسمع، نفهم، ونحس بكل تفصيل يعيشه مع الجمعية.

ما نيش باش نحكي على التفاصيل، وما نيش موجود باش نحلل ولا نجاوب على الناس.
أما نحب نقول حاجة برك:

يا بابا… أنا فخور بيك.
فخور لأنّي ولدك، وفخور بالسنين اللي عشناهم مع الترجي.

عشنا أفراح وأحلام كبار:
مونديال دبي، مونديال قطر، ومونديال أمريكا…
وعشنا فرحة الشامبيونزليغ، وماتش الأهلي، وعركة الوداد، وليالي عمرها ما تتنسى.

19 سنة منالتضحيات, الضغط، من الحروب الرياضية، من القرارات الصعيبة، ومن ليالي ما كانش فيها نوم، خاطر كان يعيش الجمعية أكثر من أي إنسان عادي، ويعطي كل ما عندو باش الترجي تبقى ديما في القمة.

3 رابطة أبطال إفريقيا… 4 مشاركات في كأس العالم للأندية…12 بطولة و 5 كووس و 5 سوبر تونسي وإنجازات محفورة في التاريخ.
أرقام وإنجازات أكبر من تاريخ جمعيات كاملة، وألقاب عجزت عليها فرق أخري تاريخها الكل.

ومتأكد اللي التاريخ باش يكتب اسمك بأحرف من ذهب في تاريخ الترجي الرياضي التونسي

واليوم، حتى إذا بعدت على التسيير، نعرف اللي حبنا للترجي عمره ما يتبدل.
باش نبقاو ديما مهبلة، نمشيو للماتشوات مع بعضنا، ندبلاسيو، نفرحوا، ونتغششوا كيف العادة… أما المرة هذي بطريقة أخرى.

ربي يفضلك ليا يا بابا…
والترجي ديما لباس

لحكاية بدات يوم 12 مارس 2022 ، الترجي لعب 50 لقاء ضد النجم الساهلي فاز في 46 لقاء و تعادل في 4 .الرقم هذا باش يقعد لتاريخ 50 طرح متجمتش تهز معايا حتى طرح نعفس فيك في قاعات و ملاعب تونس الكل قدام صغار ولكبار و فالتلفزة و راديو فايسبوك و يوتوب . نقمة الجمهور متاعكم ليوم نتفهمها عللخر و الغل في راديوات متاعكم و محللين متاعكم نشوفها عادية بعد الأرقام هذي لي مستحيل مستحيل مستحيل و كان نعيشو مليون سنة اخرى يقدر فريق أخر يعملها ، فالنهاية وليتو تشجعو في جمعيات اخرى باش تربح الترجي خاطر جمعيتكم متنجمش تفرحكم .
50 طرح 50 شوية 50 وجيعة 50 بكية 50 نكسة
🤏🏻

هكذا تتمّ تداول السلطة في دولة الترجي ، رجالات تجندت من 1919 إلى اليوم في خدمت الشعار و الالوان ، عاش الترجي الرياضي التونسي ♥️💛