Clubistiano

الأهلي عمناول جابت زيزو وتريزيغيه وبن رمضان بسخطة فلوس والنهاية موسم صفري ومرتبة ثالثة والسنة يلعبو كاف.

الريال ببيلينغهام وفيني ومبابي وأرنولد وكورتوا وبقية النجوم تخرج عامين تخرج شايحة حتى كأس الملك لا.

تقريب أكثر ملاعبي لحمتو حلوة في الجيل هذا متاع الإفريقي، وممكن أكثر ملاعبي دخلت في نقاشات عليه، يبدا خاطيه وبعيد وفلخر يتسب هو، ومفهوم شوية على خاطر موش الجمهور الكل يفهم في الكورة وإنما يركز مع اللقطة الأخيرة وما يشوفش شنية صار في اللعبة الكل،

ما نحبش نحكي إحصائيات أما ساعات تضطر، على خاطر الخضراوي عمناول عامل 6 أسيست وزوز بونطو وخمسة بري أسيست، 13 مساهمة بالنسبة لجمعية مركية 43 بونطو في البطولة يعني قرابة الثلث من الأهداف الي تسجلت في الإفريقي الموسم الي فات هو وراه بطريقة مباشرة أو غير مباشرة،

باهي باش نفاجئك ونقلك الي مع هذا الخضراوي مظلوم إحصائيا على خاطر ماعناش إحصائيات معمقة في تونس، ملي كان في البقلاوة الخضراوي من أحسن المراوغين في تونس وممكن الإحصائية الوحيدة الموجودة الaccessible للناس الكل متاع موسم 2024-2025 ثالث أحسن مراوغ في البطولة وعامل فوق ال100 مراوغة في الموسم، في تونس كان جاء عنا شكون يعمل خريطة حرارية راكم شفتو قداش يجري و وين يجري، على هذاكا مهما كانت حالتو ديما يلعب،

معناها عندك ملاعبي حاسم نوعا ما، وبدنيا قوي، ومنضبط تكتيكيا وزيد تطور بدنيا وربح برشا masse musculaire ما بين وقت الي جاء وتوا، يعني ما فما حتى مدرب يفهم ماهوش باش يلعبو، par contre العباد الي تبع من فلاشسكور والي يهمها في feinte مزيانة ولا هوما الي باش تلقاهم يسبو فيه،

وكي العادة ما نحبش كلامي يتأول ونولي ننفخ، الطفل عندو مشاكل خاصة مونتال ومع ضغط جمهور الإفريقي ساعات ما يعطيش، إحصائياته موش أقوى حاجة صارت،أما إيجابياته أكثر من سلبياته ببرشا، وممكن نوصل معاك لبعيد ونقلك من أهم الملاعبية في العامين الي فاتو في الإفريقي،

العصر متاع الذوادي وصابر خليفة والمساكني وأبوكو وجيلسون وفى عندو برشا في تونس، باش تقعد تقارن مع الجيل هذاكا باش تتعب، في تونس معادش فما أجنحة في القيمة هذيكا، لذا الخضراوي أحسن ما فما في الأجنحة التوانسة الي يلعبو في البطولة، والحاجة الي ما تقدرهاش تندم عليها نهار الي تخرج من عندك،

الخضراوي كواليتي وأنا I trust 🪄

© Mohamed Aymen Blidy

ريبيرو عاليمين والبلايلي عاليسار 💔

بالنسبة لمهيب حاولو تخراولو فيه ❤️

شيل يا كبارية شيييل ❤️