02/10/2026
تم تأكيد إنه الطعن تقدم البارح و تو جولة جديدة في القضية ... أقرب كلام للمنطق يقول إنه هاذي جولة ممكن تاخذ قريب 3 أشهر.
بخلاف هذا فما حاجة أنا تضحكني الحقيقة النهارين هاذم، فما ناس تبرتاجي في أخبار القضية أكثر من لي تتنفس أما على ما يبدو مش قاعدين يشوفوا في برشا أخبار، أخبار مش على كيفهم، منها مثلاً التقرير لي فيه 40 صفحة و لي هو فيه برشا حاجات أي محامي ممكن يحط عليها نقطة إستفهام.
أول حاجة، الطعن ممكن يقوم على حاجتين تو ... الأدلة و الإستنتاج لي صار ولا زادة على طريقة التحقيق و الوصول للنتيجة، في التقرير فما نقاط لي طريقة إعتماد الأدلة فيها كانت " غريبة " منها إنه واحدة من الطرق لي تم التوسل بيها للحكم هي " الأدلة الظرفية " يعني إستنتاج و تحليل منطقي .. أما حسب منطق شكون ؟
كيفكيف فما في الصفحة 7 طريقة إعتماد شهادات، و فما زادة " طعن في مصداقية الشهود " من شيرة يعني عبارة نجيب شاهد تقلي لا ظاهر يكذب، و فما عدم إستدعاء شهود و هنا مثلاً طيران الإتحاد كان معارض.
حاجة أخرى، التقرير فيه إنه العقود الكل المرتبطة بأبو ظبي مزورة، هذا يتعارض أولاً مع لي عملوا طيران الإتحاد ... أما زادة وقت مكانش ممكن القول بنفس الحاجة في عقود معينة اللجنة مشات لإنها تعارض على قيمة العقود حسب السوق العالمية ... هذا بخلاف إنه في التقرير فما جمل واضحة و صريحة فيها إنه اللجنة لقات تهمة واحدة ثابتة و هذا خلاهم يركزوا في باقي التهم.
و آخر نقطة إنه التقرير فيه بشكل صريح إنه " الدلائل المعتمدة مكانتش كاملة " و هذا لي وصل اللجنة للإعتماد على الأدلة الظرفية كيف ما قلنا و استنتاجات.
هذا كلام لي مانيش نرا فيه يدور كما كلام الناس لي ما عندها حتى علاقة بالقضية أما تقول في امنياتها في بودكاست ... أما هاذي معركة قوة، أكثر من انها معركة صحيح و غالط.
