Kasimpya Digital

Call Directions

Kasimpya Digital Ukurasa huu ni Kwa ajili Habari,Michezo na matukio mbalimbali Utapata Habari zote za Ndani na Nje ya Nchi

Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania ahudhuria Sherehe za Uapisho wa Mhe. Hakain...
01/09/2026

Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania ahudhuria Sherehe za Uapisho wa Mhe. Hakainde Hichilema, Rais Mteule wa Jamhuri ya Zambia zilizofanyika katika Uwanja wa Taifa wa Mashujaa, Jijini Lusaka, tarehe 01 Septemba, 2026.

31/08/2026

Katibu wa CHADEMA Jimbo la handeni Mjini, Kombo Mohammed Ali Matunda, ameeleza kuwa ana mashaka kuhusu msimamo wa Makamu Mwenyekiti wa chama hicho, hasa katika suala la mwenendo wa kesi inayomkabili Mwenyekiti wa Taifa, Tundu Lissu.

Amesema Lissu amekutwa na kesi ya kujibu kutokana na matamshi yanayohusishwa na uchaguzi, huku akidai kuwa baadhi ya kauli hizo pia zimewahi kutolewa na Makamu Mwenyekiti wa chama.

Kombo amemshauri Makamu Mwenyekiti kukubali meza ya mazungumzo na mihimili inayohusika, akiamini kuwa mazungumzo yanaweza kusaidia kupatikana kwa suluhu na hatimaye Lissu kuwa huru na kuungana na familia yake.

Amesema ana wasiwasi kwa kuwa Lissu anaendelea kukaa ndani, huku akiomba viongozi wa chama kuweka nguvu zaidi katika mazungumzo, akisisitiza kuwa ushindi wa chama haupaswi kutenganishwa na juhudi za kutafuta suluhu.

31/08/2026

Aliyekuwa Mwenyekiti wa CHADEMA Wilaya ya Mwanga, Lembrus Mchome, amemshauri Makamu Mwenyekiti wa chama hicho, John Heche, kuongoza mchakato wa maridhiano kati ya CHADEMA na Serikali.

Mchome amesema maridhiano si suala la mtu binafsi au chama pekee, bali ni jambo la kitaifa linaloweza kusaidia kuponya jamii na kujenga mazingira bora ya kisiasa.

Amesema chama kinapaswa kutumia hekima na busara badala ya kushindana kwa nguvu na Serikali, akisisitiza kuwa lengo la CHADEMA ni kushinda kisiasa na kuiondoa CCM madarakani.

Aidha, Mchome amesema changamoto ya fedha iliyosababisha kuahirishwa kwa kikao cha Baraza Kuu cha CHADEMA kinachotarajiwa kufanyika Septemba 15, ni miongoni mwa sababu zinazopaswa kuifanya chama kutafuta njia za kujenga maridhiano.

30/08/2026

MOROGORO

Naibu Waziri wa Ardhi, Nyumba na Maendeleo ya Makazi, Caspar M. Mmuya, amesema Serikali imeendelea kuchukua hatua za kuhakikisha utekelezaji wa Sera ya Taifa ya Ardhi ya Mwaka 2023 unaondoa ubaguzi wa kijinsia na kutoa fursa sawa kwa wanawake na wanaume katika umiliki na matumizi ya ardhi.

Mmuya aliyasema hayo wakati akizungumza na wananchi katika Tamasha la Nne la Kitaifa la Utamaduni, linalofanyika mkoani Morogoro, akieleza kuwa maboresho katika sera hiyo yanalenga kuimarisha usawa na haki kwa makundi yote katika upatikanaji na umiliki wa ardhi.

Alisema Serikali imeendelea kurekebisha mila na desturi zinazoweza kuwa kikwazo kwa wanawake kumiliki ardhi, huku akisisitiza umuhimu wa jamii kutambua kuwa ardhi ni rasilimali inayopaswa kutumiwa kwa misingi ya haki na usawa.

“Ameomba familia zisimiliki ardhi kwa kutumia ya wote wawili, baba na mama. Tumekubali kuepuka usumbufu. Mmoja akifariki, mwenzake anaendelea kumiliki bila matatizo,” alisema Mmuya, akisisitiza umuhimu wa wanandoa kuwa na haki zinazotambulika katika umiliki wa mali.

Aidha, Mmuya aliwataka wananchi kuendelea kushirikiana na Serikali katika kulinda na kutumia ardhi kwa tija, huku akisisitiza kuwa mabadiliko ya sera na mifumo ya utoaji huduma yanalenga kurahisisha upatikanaji wa haki za ardhi kwa wananchi bila kujali jinsia.

Katika hatua nyingine, Naibu Waziri huyo aliwataka watumishi wa Wizara ya Ardhi kuendelea kuboresha utoaji wa huduma kwa wananchi, akisisitiza kuwa hakuna rushwa wala visingizio katika utekelezaji wa majukumu yao.

“Mnapata huduma kwa wakati. Nendeni ofisini, si kwa madalali,” alisema Mmuya, akiwataka wananchi kutumia njia rasmi za kupata huduma za ardhi na kutoa taarifa pale wanapokumbana na vitendo vinavyokiuka taratibu.

30/08/2026

Mratibu wa CHADEMA Mkoa wa Morogoro, Barnabas Okola, amesema chama hicho kinaamini kesi inayomkabili Mwenyekiti wake, Tundu Lissu, ni ya kubambikiwa na inalenga kupunguza kasi ya chama hicho katika harakati zake za kisiasa.

Okola amesema licha ya Lissu kukutwa na kesi ya kujibu, CHADEMA inaamini kuwa kwa uwezo wa Mungu mwenyekiti huyo atakuwa nje na kuendelea kuwaongoza katika harakati za kuiondoa CCM madarakani.

Hata hivyo, Okola ameibua hoja kuhusu kauli zilizotolewa na Lissu zilizohusishwa na mashtaka yanayomkabili, akisema kuna clip inayosambaa mtandaoni ikimuonyesha Makamu Mwenyekiti wa CHADEMA, John Heche, akitoa kauli zinazofanana na zile zilizotolewa na Lissu, lakini Heche hajakumbwa na hatua k**a hizo.

Amehoji kwa nini Lissu yupo gerezani wakati Heche, ambaye anadaiwa kutoa kauli zinazofanana, yuko nje.

«“Kwanini mwenyekiti awekwe ndani na makamu awe nje wakati wote wameongea

MOROGORO, 29 August 2026. Bodi ya Rufani za Kodi (TRAB) imetumia Tamasha la Nne la Kitaifa la Utamaduni linalofanyika mk...
29/08/2026

MOROGORO, 29 August 2026.

Bodi ya Rufani za Kodi (TRAB) imetumia Tamasha la Nne la Kitaifa la Utamaduni linalofanyika mkoani Morogoro kutoa elimu kwa wananchi kuhusu taratibu, haki na wajibu wa mlipa kodi, hususan namna ya kukata rufaa dhidi ya maamuzi ya kikodi.

Akizungumza katika tamasha hilo, Afisa kutoka Bodi ya Rufani za Kodi (TRAB), Mabel Robert Nasua, amesema elimu hiyo inalenga kuwawezesha wananchi kuelewa hatua wanazopaswa kuchukua pale wanapokuwa hawajaridhishwa na uamuzi unaohusiana na masuala ya kodi.

Nasua amesema mlipa kodi anayepinga uamuzi wa mwisho wa Kamishna Mkuu wa Mamlaka ya Mapato Tanzania (TRA) anaweza kukata rufaa kwa kuwasilisha kusudio la kukata rufaa kwa maandishi ndani ya siku 30 tangu siku aliyopokea notisi ya uamuzi huo.

Ameeleza kuwa TRAB pia imekuwa ikitoa ufafanuzi kuhusu gharama zinazohusiana na mchakato wa rufaa, ambapo wananchi wanapaswa kufahamu ada mbalimbali zinazotozwa katika hatua za kuwasilisha na kusikiliza rufaa zao.

Aidha, amesisitiza kuwa mtu anayekata rufaa anatakiwa kufuata taratibu zilizowekwa na Sheria ya Rufani za Kodi, ikiwemo kuwasilisha nyaraka zinazohitajika na kuhudhuria mchakato wa usikilizwaji wa shauri lake. Kutofuata masharti hayo kunaweza kuathiri rufaa yake.

Kwa upande mwingine, TRAB imewahimiza wananchi kutumia fursa ya elimu inayotolewa katika matamasha na maonesho mbalimbali ili kufahamu haki zao za kikodi na namna sahihi ya kuzitetea, huku ikisisitiza umuhimu wa wananchi kupata ushauri na kufuata taratibu rasmi badala ya kukata tamaa wanapokumbana na changamoto za kikodi.

28/08/2026

MOROGORO ,28 August 2026

Mamlaka ya Elimu na Mafunzo ya Ufundi Stadi (VETA) imewataka wafugaji nchini kuzingatia utunzaji bora wa mifugo ili kuongeza ubora na thamani ya ngozi, hatua itakayowawezesha kuongeza kipato na kuchangia ukuaji wa uchumi wa taifa.

Akizungumza katika Tamasha la Nne la Taifa la Utamaduni linalofanyika mkoani Morogoro, Mwalimu wa Bidhaa za Ngozi kutoka Chuo cha VETA Morogoro, Hamidu Shaban Nahembe, amesema VETA imeshiriki katika maonyesho hayo kwa lengo la kuelimisha wananchi namna ujuzi wa ufundi stadi unavyoweza kutumika kuendeleza utamaduni na kuongeza thamani ya bidhaa za ngozi.

Nahembe amesema malighafi kubwa inayotumika katika utengenezaji wa bidhaa za ngozi hutokana na mifugo, hivyo wafugaji wana nafasi muhimu katika kuhakikisha ngozi zinapatikana zikiwa na ubora mzuri. Amesema uwekaji holela wa alama kwenye miili ya mifugo na utunzaji usio bora unaweza kusababisha makovu na kuharibu ngozi, hivyo kushusha thamani yake sokoni.

Ameshauri wafugaji kuweka alama za mifugo katika maeneo yanayofaa, ikiwemo kwenye sikio au sehemu ya chini ya mguu, badala ya sehemu kubwa za mwili k**a mgongoni. Aidha, amewataka kujenga mabanda bora yasiyokuwa na mbao zenye ncha kali au vitu vinavyoweza kuwachubua na kuwajeruhi wanyama, kwa kuwa majeraha hayo huathiri ubora wa ngozi.

Kwa mujibu wa Nahembe, ngozi ina uwezo mkubwa wa kuongeza thamani kupitia ujuzi wa ufundi stadi, akieleza kuwa ngozi moja inaweza kutumika kutengeneza jozi za viatu kati ya 15 na 20, hivyo kutoa thamani kubwa zaidi kuliko kuiuza k**a malighafi. Amesema VETA inaendelea kuwaelimisha wananchi kuhusu uchakataji na uongezaji thamani wa ngozi, huku ikisisitiza matumizi ya ubunifu unaozingatia utamaduni wa Tanzania.

Amesema bidhaa mbalimbali zinazoonyeshwa katika banda la VETA zimebuniwa kwa kuzingatia utamaduni, zikiwemo viatu na bidhaa nyingine za ngozi zenye nakshi na mchanganyiko wa vifaa vya asili k**a pamba. Nahembe amewaalika Watanzania kutumia fursa za mafunzo yanayotolewa na VETA ili kupata ujuzi wa kuongeza thamani ya ngozi, huku akiwataka wafugaji kuzingatia ufugaji bora ili kuboresha ubora wa ngozi, kuongeza vipato vya

28/08/2026

MOROGORO ,28 August 2026

Mamlaka ya Elimu na Mafunzo ya Ufundi Stadi (VETA) imesema inatumia mafunzo ya ufundi stadi kuendeleza na kuhifadhi utamaduni wa Tanzania, hususan kupitia kozi za utalii na ukarimu zinazotolewa katika vyuo mbalimbali nchini.

Akizungumza katika Tamasha la Nne la Kitaifa la Utamaduni linalofanyika mkoani Morogoro, Happiness Ladislaus Salema, Afisa Mwandamizi wa Kuratibu Uandaaji wa Mitaala kutoka VETA Makao Makuu, amesema mamlaka hiyo ina zaidi ya vyuo 80, huku zaidi ya 15 vikitoa mafunzo yanayohusiana na sekta ya utalii na ukarimu.

Amesema kupitia kozi ya Food Production, wanafunzi hufundishwa namna ya kuandaa vyakula mbalimbali vya asili ya Tanzania vinavyotokana na tamaduni na makabila mbalimbali nchini. Aidha, kupitia kozi ya Eco-Tourism, wanafunzi hufundishwa masuala ya utalii yanayolenga pia kuhifadhi na kuendeleza utamaduni, ikiwemo kujifunza ngoma za asili kutoka jamii mbalimbali.

Salema amesema VETA pia imehusisha ubunifu wa mavazi katika kuendeleza utamaduni, ambapo wanafunzi huandaa mavazi na bidhaa zinazoakisi utamaduni wa Tanzania, ikiwemo mavazi ya kaniki, vikoi, kanga, vitenge na mavazi ya asili ya Kimasai. Amesema bidhaa hizo zinaweza kuwa sehemu muhimu ya kukuza utalii na kutoa fursa za kiuchumi kwa vijana.

Aidha, amesema VETA inaandaa vijana wenye ujuzi mbalimbali wa kuwahudumia watalii, wakiwemo waongoza watalii, wapishi, wahudumu wa vyakula na vinywaji, wahudumu wa mapokezi pamoja na huduma za malazi. Amesema baadhi ya vyuo vya VETA pia vina hoteli na kumbi za mikutano zinazotoa huduma kwa wananchi, akitaja vyuo vilivyopo Njiro-Arusha, Moshi, Tanga, Mbeya na Mtwara.

Akizungumzia fursa zinazotokana na michuano ya AFCON inayotarajiwa kufanyika Arusha, Salema amesema VETA imejiandaa kutumia fursa hiyo kupitia vijana waliopata mafunzo ya upishi, ubunifu wa bidhaa za kitamaduni na huduma za ukarimu. Amesema wanafunzi na wahitimu wanaojiajiri wataweza kutumia michuano hiyo kuonyesha na kuuza bidhaa zao pamoja na kutoa huduma, huku akiwataka wananchi wanaotaka kujiunga na mafunzo ya VETA kwa mwaka 2027 kutembelea tovuti ya VETA au chuo cha VETA kilicho karibu nao.

MOROGORO 26 August 2026.Bodi ya Utalii Tanzania (TTB) imetoa wito kwa jamii kutumia utamaduni wa Tanzania k**a fursa ya ...
27/08/2026

MOROGORO 26 August 2026.

Bodi ya Utalii Tanzania (TTB) imetoa wito kwa jamii kutumia utamaduni wa Tanzania k**a fursa ya kiuchumi na bidhaa ya utalii, badala ya kuuchukulia k**a burudani pekee, huku ikisisitiza umuhimu wa kuutangaza ndani na nje ya nchi.

Akizungumza katika Tamasha la Nne la Kitaifa la Utamaduni linalofanyika Uwanja wa Jamhuri mkoani Morogoro, Afisa Utamaduni Mkuu wa Bodi ya Utalii Tanzania, Getrude Mutani Ndalo, amesema ushiriki wa taasisi hiyo katika tamasha hilo unalenga kuutangaza utajiri wa utamaduni wa Tanzania na kuwahamasisha wananchi kutembelea maeneo mbalimbali yenye urithi wa kiutamaduni.

Amesema utalii wa utamaduni unajumuisha mambo mbalimbali ikiwemo ngoma za asili, mila, desturi, vyakula, mavazi, namna ya maisha ya jamii pamoja na matambiko, ambayo kwa pamoja yanaitofautisha Tanzania na jamii nyingine duniani na hivyo kuwa sehemu muhimu ya vivutio vya utalii.

Ndalo amesema Tanzania yenye makabila zaidi ya 120 ina utajiri mkubwa wa tamaduni unaopaswa kulindwa, kurithishwa kwa vizazi vijavyo na kutangazwa kimataifa, ili wageni waweze kufahamu na kutembelea jamii hizo katika maeneo yao ya asili.

Ameongeza kuwa kuelekea Fainali za Kombe la Mataifa ya Afrika (AFCON) 2027, Tanzania inapaswa kutumia fursa hiyo kuwaonyesha wageni zaidi ya michezo, bali pia utamaduni na maisha ya Watanzania. Amesema wageni watataka kufahamu jamii mbalimbali k**a Wapogoro, Wasukuma, Wazaramo na Wahaya, jambo linaloweza kuongeza thamani ya utalii wa kiutamaduni.

Kwa mujibu wa Ndalo, utamaduni ni urithi na pia ni biashara, hivyo wadau wanapaswa kutumia fursa zinazopatikana kuugeuza kuwa bidhaa ya utalii itakayowanufaisha wananchi kiuchumi.

Amesema Bodi ya Utalii Tanzania itaendelea kutekeleza jukumu lake la kuhakikisha vivutio vya utalii vinatangazwa kitaifa na kimataifa, huku ikiendelea kuhamasisha jamii kuutunza na kuutumia ipasavyo utajiri wa utamaduni wa Tanzania.

MOROGORO Jeshi la Polisi Mkoa wa Morogoro limeimarisha mikakati ya usalama kwa watalii wanaotembelea mkoa huo, hususan ...
27/08/2026

MOROGORO

Jeshi la Polisi Mkoa wa Morogoro limeimarisha mikakati ya usalama kwa watalii wanaotembelea mkoa huo, hususan wanaokwenda Hifadhi ya Taifa ya Mikumi, huku likijiandaa kuongeza nguvu za ulinzi kuelekea Mashindano ya Kombe la Mataifa ya Afrika (AFCON).

Kamanda wa Polisi Mkoa wa Morogoro, ACP Andrew Kantimbo, amesema hayo leo 27 August 2026 katika Tamasha la Taifa la Utamaduni linalofanyika mkoani Morogoro, akieleza kuwa Jeshi la Polisi limekuwa likiwapokea watalii katika vituo vya polisi na kuwapatia usindikizaji wa kiusalama wanapoelekea Hifadhi ya Taifa ya Mikumi.

Amesema Polisi inashirikiana kwa karibu na vyombo vya uhifadhi katika kuhakikisha usalama wa wageni wanapokuwa ndani ya hifadhi, hatua ambayo inalenga kuwapa watalii mazingira salama na kuongeza imani kwa maeneo ya utalii yaliyopo mkoani Morogoro.

Kantimbo amesema maandalizi ya AFCON yameanza, ambapo Jeshi la Polisi limejipanga kuongeza idadi ya askari na kuimarisha ushirikiano na wadau wa utalii pamoja na vyombo vingine vya ulinzi na usalama, ili kuhakikisha wageni watakaofika nchini wanapata ulinzi na huduma stahiki.

Aidha, amesema Jeshi la Polisi limeanza kutoa mafunzo ya pamoja na wadau wa sekta ya utalii kuhusu namna bora ya kuwahudumia watalii, akisisitiza kuwa usalama wa wageni na ubora wa huduma ni sehemu muhimu ya kukuza sekta ya utalii na kuongeza fursa za kiuchumi kwa wananchi.

Akizungumzia fursa hizo, Kantimbo amewataka wananchi wa Morogoro, mikoa jirani na Watanzania kwa ujumla kutumia fursa zinazotokana na utalii, huku akiwapongeza wakazi wa Morogoro kwa kudumisha amani na utulivu, hali aliyosema imeendelea kuufanya mkoa huo kuwa mwenyeji wa shughuli mbalimbali za kitaifa zinazowaleta wageni kutoka maeneo tofauti.

Address

Dar Es Salaam

Telephone

+255622963395

Website

Alerts

Be the first to know and let us send you an email when Kasimpya Digital posts news and promotions. Your email address will not be used for any other purpose, and you can unsubscribe at any time.

Shortcuts

Share

Category