ناشفة سبورت

مش قلت ليكم سِنكو انتو مشكلتكم ما بتسمعوا كلامي وبتقولو تطبيل !! سِنكو ولا ما ِسِنكو ؟

اعرفا كيف كنتقدر .

فيران توريس من جا باريس الناس ديل ما ضاقو طعم الفوز وبدو يشكو في الموضوع دا 💥

والله تاني اي زول يعمل حسابو .

🔒

كنت اعلم وحافظ اي ريآكشن بقصد بيهو شنو 🔒

وسط كل هذا الميركاتو كنت أتابع هذا التعاقد بدقة شديدة
الي ان تم التوقيع على جميع الشروط الشخصية وتم تقديمه لوسائل الإعلام بعد اجتياز الفحوصات الطبية.
الف مبروك 🎉 السيد العريس محمد الحافظ بشير .
أتمنى لك حياة زوجية سعيدة مليئة بالحب والاحترام وبالرفاه والبنون .
والله ما باركت ليك بدري لانو مفتكر زكاء اصطناعي والله 😹
‏

إنا لله وإنا إليه راجعون 💔.
قمت الصباح لقيت خبر صعب تحمله ولكن دا قدر الله ولابد تقبله وليس علينا إلا الدعاء والصبر .
بقلوب راضية انعي نفسي وأسره الهندسة بجامعة نيالا بصورة عامه والأسرة الرياضية بالجامعة على وجه الخصوص وكذلك المجتمع الرياضي بمدينة الجنينة على هذا الفقد الجلل .
انتقل الي جوار ربه الباش مهندس عبد الماجد دفع الله بعد علة مرضية لم تمهله طويلا نسأل الله عز وجل أن يتغمده بواسع رحمته ويسكنه فسيح جناته ويلهم أهله وذويه الصبر والسلوان.

دخلت الفيسبوك اتفاجات بكل الاستوريهات منزلة الخبر وكانت صدمة كبيرة لكن دي حال الدنيا وكلنا ضيوف في هذه الدنيا بس نسال الله انو يرزقنا حسن الخاتمة والسيرة الحسنة الطيبة .

عبد الماجد برلومي متزكر اول أيام جاء الداخلية وشال كدارتو ودخل الميدان كنت بشاهد التمرين من برا كنا بنتونس برا ،، لمس الكورة زي تلاتة مرات ،، والله متزكر قلت ليهم هندسة دي ما حتنقطع من الامداد بالناس البتعرف كورة قلت ليهم الود دا كورتو كتيرة والأيام اثبتت ،، أنا ما كملت الجامعة لكن اي زول قرا هندسة في زمنو بعرف كلامي دا انو عبد الماجد كان مهندس في الوسط وتقريبا اخد تجربة الفترة الاخيرة في مريخ الجنينة إذا معلوماتي دقيقة .

عبد الماجد بعيد عن الكورة شاب مهذب ومربى تربية صاح والله محترم محترم محترم شديد وسبحان الله أنا دفعتي ما متواصل معاهم لكن متواصل معاهو لغايت قريب دا لانو بجبرك تتواصل معاهو لانو بسال من الناس وبتفقد طوالي وطوالي في اي تعليق يكتبو في صفحة ناشفة سبورت بقول ليهو أنا خلاص اشتهرت عبد الماجد شخصيا علق في صفحتي معناها أنا عبرت .
ربنا يرحمك يا خوة والله اشهد ليك انو ما لقيت منك شين لا كلام لا فعل لا اي شي .
الكلام عنك كتير بس دي كلمات لازم قلت اكتبها عنو لانو شاب طيب ربنا يصبّرنا على فراقك .
أحر التعازي لاسرته ولأسرة الرياضة في الجنينة ولدفعته في الجامعة ولمعارفه في كافة دروب الحياة ،، أدعو له بالرحمه والمغفره يارب 🤲.

ربنا يرحمك يا اخوي ابتسامتك دي ما حتفارق زاكرتنا 💔

هانز فليك تحس انو قاعد يقول للعيبة لو غلبتو اقل من تلاتة ما رُجال .🗣️

ميسي يعلن الاعتزال دولياً 🔒
وبس 💔