Ethio runners

ጀግናዋን እስኪ በአንድ ቃል ግለፆት?

New women-only world record of 2:15:41. She successfully defended her title,

ሼር ላይክ በማድረግ ጀግኖችን እናበረታታት!!

የመክፈቻው ፕሮግራም በከፊል !
የአፍሪካ አትሌትክስ ሻፒዮና በጋና አክራ ነገ ይጀመራል!!

እስኪ ከሩጫ ወሬ ወጣ ልበልና የሆነ የሚገርምም፤ የሚያስተምርም ፤የሚያስቅም ፤ እውነት፤ ነገር ላውጋችሁ ፤ ኮንዶሚኒየም ቤት ተመዝግቤ ሳይደርሰኝ
3 ጠቅላይ ሚኒስተር እና 6 ከንቲባ ተቀያየረ ።

ኮንዶሚኒየም ቤት ለማግኘት ገና በልጅነት በ20 ያዎቹ መጀመሪያ እድሜ እያለሁ ተመዝግቤ ነበረ

አስታውሳለሁ ወያኔ ለ1997 ምርጫ ቅስቀሳ እንዲረዳው በ1996 ወደ መጨረሻ አመት አካባቢ ቤት እሰራለሁ ተመዝገቡ አሉን
እኛም በ1996 ሰኔ ወር ተመዝገብን ፤ በየጊዜው እጣ ተብሎ ሲወጣ ሳይደርሰኝ 2005 ዓ ም ላይ ደረስን።

ሌሎች ቤት ፈላጊ ጠያቂዎች ስለበዙ ተብሎ በ2005 ዓ ም የ1997 ተመዝጋቢዎች ቅድሚያ ይሰጣል ተብለን በ1997 የተመዘገባችሁበትን ቢጫ ካርድ ያዙ እንደገና ከ2005 ተመዝጋቢዎች ጋር ተመዝገቡ ተባልን።

ወደ ቀበሌ ሄድኩ
ቀበሌ ገብቼ መዝጋቢዋን ሳነጋግር
የ1997 ተመዝጋቢዎች ላይ ስምህ አለ
ባለ አንድ መኝታ ቤት ይላል አለችኝ
አዎ አልኳት።

ግን አሁን የምፈልገው ባለ ሁለት መኝታ ነው ምክንያቱም በ1996 ስትመዘግቡኝ ቤቱ በ2 አመት ውስጥ ይሰጣል ስለተባለ ገንዘቡን ላላገኝ እችላለሁ በሚል ነው ባለ 1 መኝታ የተመዘገብኩት።

9 አመት እንደምቆይ ባውቅ ኖሮ ባለ ሁለት መኝታ አድርጌ እመዘገብ ነበረ ስለዚህ የእኔ ችግር አይደለም ቀየሪልኝ አልኳት?

እሷም ባለ 2 መኝታ ከፈለክ በ2005 ከሚመዘገቡት ጋር አዲስ ተመዝጋቢ ላይ እንደ አዲስ መመዝገብ ትችላለህ ፤ ቅድሚያ እፈልጋለሁ ካልክ ደግሞ በነባር ምዝገባህ በ1997 መዝገብህ መቀጠል ትችላለህ ምርጫው የአንተ ነው አለች ።

ቀስ ብዬ ወያኔ እኮ ከ1983 በፊት ጫካ ነበረ አሁን ላይ ቤተመንግስት ነው ለውጥ ነው

የእኔም ህይወት ልክ እንደ እነሱ ባይሆኑም በመጠኑም ቢሆን ተቀይሯል ስለዚህ ባለሁለት መኝታ አድርጊልኝ አልኩ እየሳቀች አይቻልም አለችኝ።

ወስን አለች

ባለ አንድ መኝታ ቤት ተመዝግቤ 9 አመት ከጠበኩ፤ አዲስ ባለሁለት ተመዝጋቢ ሆኜ ስንት አመት ልጠብቅ ነው? አልኩና
በ1996 (97) መዝገብ እቀጠላለሁ አልኩ ቀጠልኩ። ወረቀት ፕሪንት አድርጋ ሰጠችኝ።

ወያኔ ስልጣን እስኪያስረክብ ድረስም እጣ ሲወጣ ሳይ ሳይ ሳይ ስሜ የለም።

ከዚያም አንዱ የማውቀው
ወንዴ
አልደረሰህም አለኝ

አዎ አልኩት

ከአንተ ጋር የተመዘገቡ እኮ ጠቅላላ ደርሷቸዋል

ወንዴ ምንድ ነው?

ወደ ቀበሌ አካባቢ ተፍ ተፍ አትይም?
"አባል" የሚባል ነገርም አለ ?

እሱን ከሞከርሽ "ፍቱን" ነው
"ኮንዶው" ወዲያው ከቺ ነው አለኝ

ብሮ ይቅርብኝ። አልፈልግም።

ሌላም ሰው በዚህ ጉዳይ አነጋግሮኛል አልፈልግም አልኩት ።

አንዱ ሙደኛ ልጅ ደግሞ ምን ቢለኝ ጥሩ ነው

ወንዴ ስም ቀይሪ

በክርስተና አባትሽ አድርጊው

ባልገባው ሙድ ሆኜ

ምን አልኩት?

ስምሽ
አደር ስኮር ይኑረው
ለማለት ነው አለኝ
ተሳስቀን ተለያየን።

ይሄኛውም የብልፅግና መንግስት መጣ ከመጣ በኋላ ቤት ሰጥቶ ያበለፅገኛል ይደርሰኛል ስል ስል ሳይደርሰኝ በመጠባበቅ እያለሁ ከ2 አመት በፊት ይመስለኛል ከንቲባዋ የ1997 ቤት ተመዛጊቦች አዳርሰን ጨርሰናል አለች ተባለ ወይ ጉድ አልኩ?

ቁጠባ ከተጀመረ ጀምሮ አላቋረጥኩም ሳይደርሰኝ ደርሶሀል የሚል ከንቲባ ደግሞ መጣ ?
የተሳሳተ መረጃ ሰጥተዋት ይሆናል እንጂ እንዴት? አልኩ?

አሁን ላይ ደግሞ ምን አዲስ ነገር እንዳለ (እንደተፈጠረ ) ባላውቅም
ወሬው ሁሉ ስለ ኮንዶሚኒየም ቤት ነው ።

የሚገርመው እንደ እኔ ግራ የገባቸው የ2005 ኮንዶሚኒየም ቤት ተመዝጋቢዎች 14ሺህ ተከታይ ያለው የፌስቡክ ገፅ ከፍተው መረጃ ይለዋወጠሉ።

እኔ የ1997 ተመዝጋቢ ስለሆንኩ እራሴን አላሳንስም በማለት ላይክም አላደረኳቸውም ማውራትም አለፈለኩም።

በኋላ እንደ እኔ ቤት ያልደረሳቸው ተሰባስበው ቤቶች ኤጀንሲ ሄደው አመለከቱ መሰለኝ በኋላም በስህተት ነው ተባለ መሰለኝ የ97 እንዳላለቀ ሰማሁ ተመስገን አልኩ!

በኋላም አንዱ ወዳጄ ይሄን ስማው ብሎ ይሄን የፖሰትኩላችሁን ቪዲዮ ላከልኝ ስሙት

መልካም ዜና ይሆናል በሚል
በ22 አመት ቤት ጠብቀን ልናገኝ ይሆናል ብዬ ሰማሁት
ስሰማው

ስለ ቅድሚያ የተመዘገቡ ማዳረስ አላማዳረስ
ማብራሪያ የለውም
በየጊዜው ስላለው የቤት ፍላጎት መጨመር
ተናግረው
የሌሎች ያደጉ ሀገሮች የቤት እጥረት ተሞክሮን እያጣቀሱ

"ሁሉንም ማዳረስ አይቻልም"

ሲሉ ተስፋ ቆረጥኩ።

ግን ደግሞ ተፅናናሁ ያው
እሳቸውም ሆኑ እነዚህ ከታች
ስማቸውን የዘረዘርኳቸው በሙሉ ከእኔ በኋላ ተመዝጋቢ ናቸው ብቻዬን ቤት አላጣሁም በሚል
እንደመፅናናትም አደረገኝ።

እኔ ቤት ተመዘግቤ በመጠበቅ ላይ እያለሁ የተቀያየሩ ከንቲባዎች

አርከበ እቁባይ (1998 - 2003) እኚህ በወቅቱ ከንቲባ ስለነበሩ በሳቸው ዘመን ስለተመዘገብኩ ቀድመውኝ ተመዝግበው ወስደው ሊሆን ይችላል መረጃው የለኝም።ሌሎቹን ግን እቀድማለሁ ።

ብርሀኑ ደሬሳ January 2003
May 2006) ነበሩ እቀድማቸዋለሁ

ኩማ ሚደቅሳ May 2006 -
October 2008 ነበሩ እቀድማቸዋለሁ

ድሪባ ኩማ October 2008 -
July 2013) ነበሩ እቀድማቸዋለሁ

ታከለ ኡማ July 2018 - August 2020) ነበሩ እቀድማቸዋለሁ

አዳነች አበቤ 2020 ነው የመጡት እቀድማቸዋለሁ

ከአርከበ ውጪ የተዘረዘሩትን ሳይ እፅናናለሁ!!

ደግሞም እኮ !
ሰው ሚዛናዊ አይደለም
ፍትህ ከእግዚአብሔር ዘንድ ነው
ፍትህ ያጓደሉ የት እንዳሉ በአይኔ አይቻለሁ።
ለሁሉም ነገር እግዚአብሔር አንድ ቀን መልስ አለው ።
እኔ እኮ ድሮም ቤቴ በሰማይ ነው"
ብዬ መዘመርን ብቻ መረጥኩ።

ሰላም ሁኑ የዩቱብ ቻናሌን ተመልከቱልኝ
በቀላሉ ለማግኘት ዩቱብ ላይ ገብታችሁ ኢትዮራነርስ የሚለውን በእንግሊዘኛ አያይዛችሁ በመፃፍ ሰርች አድርጋችሁ ተመልከቱት ከወደደችሁት በተለይ የሩጫ ስፖርትን የምትወዱን ብቻ ከሆነ የራሳችሁን እርምጃ ውሰዱ።

ሰላም ሁኑ!!