Brentford Myanmar Bees

🐝 ၂၀၇ - ပြီးခဲ့တဲ့ရာသီ ပြင်သစ်လီဂူးဝမ်းပြိုင်ပွဲမှာ မာမာဒူ ဆန်ဂါရေးဟာ တခြားဘယ်ကွင်းလယ်လူထက်မဆို သူ့အသင်းအတွက် ဘောလုံးပြန်လည်ရယူပေးနိုင်မှု အများဆုံး (၂၀၇ ကြိမ်အထိ) ပြုလုပ်နိုင်ခဲ့ပါတယ်။

ဒါ့အပြင် ကွင်းလယ်ကစားသမားတွေထဲမှာ သူဟာ ဖျက်ထုတ်မှု (Tackles) ၈၆ ကြိမ်နဲ့ ဒုတိယ၊ ဘောလုံးယှဉ်လုရာမှာ အနိုင်ရရှိမှု (Duels won) ၁၉၀ ကြိမ်နဲ့ ဒုတိယ နဲ့ ဘောလုံးဖြတ်တောက်မှု (Interceptions) အကြိမ် ၄၀နဲ့ ပူးတွဲတတိယနေရာတွေမှာ အသီးသီး ရပ်တည်နိုင်ခဲ့ပါတယ်။

ကွင်းလယ်မာစတာ။

🐝 ကစားသမားသစ် မာမာဒူအပေါ် နည်းပြကိသ်အန်ဒရူးစ်ရဲ့မှတ်ချက်စကား -

"မာမာဒူဟာ ကျွန်တော်တို့ စောင့်ကြည့်နေခဲ့တာ အတော်ကြာပြီဖြစ်တဲ့ ကစားသမားတစ်ယောက်ပါ။ သူက ကျွန်တော်တို့ မျက်စိကျနေတဲ့သူဖြစ်ပြီး တကယ်ကို ခေါ်ယူချင်ခဲ့တဲ့ ကစားသမားတစ်ဦးလည်း ဖြစ်ပါတယ်။

"အငှားနဲ့ နှစ်ကြိမ်သွားကစားရင်း တိုးတက်လာခဲ့ပြီးတဲ့နောက် ပြီးခဲ့တဲ့ရာသီကတော့ သူ့အတွက် အလွန်ကြီးမားတဲ့ ရာသီတစ်ခု ဖြစ်ခဲ့ပါတယ်။ အမှတ်ပေးဇယားမှာ ဒုတိယနေရာနဲ့ ရာသီသိမ်းနိုင်ခဲ့တဲ့ လန်းစ်အသင်းအတွက် သူက တစ်သမတ်တည်းအဆင့်အတန်းမြင့်မြင့် ခြေစွမ်းပြ ကစားနိုင်ခဲ့တယ်။"

"ဒါ့အပြင် မာလီ လက်ရွေးစင်အသင်းမှာလည်း ခြေစွမ်းပြနိုင်ခဲ့ပြီး အသင်းအတွက် တကယ်ကို အဓိကကျတဲ့ ကစားသမားတစ်ယောက် ဖြစ်လာခဲ့တယ်။ သူက ကျွန်တော်တို့ဆီမှာ ရှိပြီးသားဖြစ်တဲ့ အရမ်းကောင်းတဲ့ ကွင်းလယ်လူစာရင်းကို ပိုအားဖြည့်ပေးမယ့်သူ ဖြစ်သလို၊ ကျွန်တော်တို့ဆီမှာ မရှိသေးတဲ့ အရည်အသွေးတွေကိုလည်း ယူဆောင်လာပေးမယ့် ကစားသမားပါ။ လက်ရှိကွင်းလယ်ကို သူက ကောင်းကောင်း ဖြည့်စွမ်းပေးနိုင်ပါတယ်။

"သူနဲ့ စကားပြောကြည့်ရသလောက်တော့ သူက ဒီကိုလာဖို့ အရမ်းကို စိတ်အားထက်သန်နေပါတယ်။ သူဟာ နှိမ့်ချတတ်တဲ့ လူငယ်တစ်ယောက်ဖြစ်ပေမယ့် သူ့ရဲ့ ကစားသမားဘဝမှာ အောင်မြင်ဖို့ သန္နိဋ္ဌာန်ချထားတဲ့ စိတ်ကလည်း အဲဒီအတိုင်းပဲ ပြင်းပြပါတယ်။ သူက ကွင်းတွင်းမှာရော ကွင်းပြင်ပမှာပါ ဘရန့်ဖို့ဒ် ကစားသမားတစ်ယောက်ဆီကနေ ကျွန်တော်တို့ လိုချင်တဲ့ အရာအားလုံးနဲ့ ကိုက်ညီပါတယ်။ ပရိသတ်တွေကြားမှာ အရမ်းကို ရေပန်းစား လူကြိုက်များလာမယ့် ကစားသမားတစ်ယောက် ဖြစ်လာလိမ့်မယ်လို့ ကျွန်တော် ထင်ပါတယ်။"

✅OFFICIAL : ဘရန့်ဖို့ဒ်ဟာ မာလီ လက်ရွေးစင် ကွင်းလယ်လူ မာမာဒူ ဆန်ဂါရေးကို လန်းစ်အသင်းကနေ ကလပ်စံချိန်တင် ပြောင်းရွှေ့ကြေးတစ်ရပ်နဲ့ ခေါ်ယူနိုင်ခဲ့ပြီဖြစ်ပါတယ်။ ✍️

ဘရန့်ဖို့ဒ်အသင်းဟာ လန့်စ်အသင်းရဲ့ ကွင်းလယ်လူ မာမာဒူ ဆန်ဂါရဲ ကို ပြောင်းရွှေ့ကြေး ပေါင် ၄၁ သန်းဝန်းကျင်နဲ့ ခေါ်ယူဖို့ သဘောတူညီမှု ရရှိတော့မှာ ဖြစ်ပါတယ်။ ✍️"

ဒီပြောင်းရွှေ့ကြေးဟာ ကလပ်စံချိန်တင် ပြောင်းရွှေ့ကြေးလည်းဖြစ်ပါတယ်။

"အသင်းက ပေးအပ်ခဲ့တဲ့ အခွင့်အရေးအတွက်ရော၊ ရောက်ရှိလာတဲ့ ပထမဆုံးနေ့ကစလို့ ကျွန်တော်နဲ့ ကျွန်တော့်မိသားစုအပေါ် ပြသခဲ့တဲ့ အားပေးပံ့ပိုးမှုနဲ့ ဂရုစိုက်မှုတွေအတွက်ပါ ကျေးဇူးအများကြီးတင်လျက်နဲ့ပဲ ဘရန့်ဖို့ဒ်ကနေ ကျွန်တော် ထွက်ခွာခဲ့ပါတယ်။"

"ပရီးမီးယားလိဂ်ကို ပြန်လာခွင့်ရဖို့ဆိုတာ ကျွန်တော့်အတွက် တကယ်ကို အရေးကြီးခဲ့ပြီး ဘရန့်ဖို့ဒ်က ကျွန်တော့်ကို အဲဒီအခွင့်အရေး ပေးခဲ့ပါတယ်။ ဒါ့အတွက် ကျွန်တော် အမြဲတမ်း ကျေးဇူးတင်နေမှာပါ။

"အသင်းအတွက် အရေးကြီးတဲ့ ကာလတစ်ခုကို ဖြတ်သန်းရာမှာ အသင်းကို ကူညီပေးဖို့ ကျွန်တော့်ဘက်ကနေ တစ်ထောင့်တစ်နေရာက ပါဝင်နိုင်ခဲ့တယ်လို့ မျှော်လင့်ပါတယ်။ ပြီးခဲ့တဲ့ရာသီက ကျွန်တော်တို့ အတူတူ အများကြီး အောင်မြင်ခဲ့ကြပြီး ဒါဟာ ပါဝင်ပတ်သက်သူအားလုံး ဂုဏ်ယူသင့်တဲ့ အရာတစ်ခုပါ။

"ဘရန့်ဖို့ဒ်ဟာ ထူးခြားတဲ့ ဘောလုံးကလပ်တစ်ခုပါ။ ကြီးမားတဲ့ရည်မှန်းချက်တွေ၊ ရှေ့ဆက်တိုးတက်လိုစိတ်တွေရှိပြီး လူကောင်းတွေနဲ့ ပြည့်နှက်နေပါတယ်။ ပိုင်ရှင်တွေနဲ့ စီမံခန့်ခွဲသူတွေကစလို့ နည်းပြအဖွဲ့ဝင်တွေ၊ ကစားသမားတွေနဲ့ နောက်ကွယ်က ပံ့ပိုးပေးနေသူအားလုံးအပါအဝင် ဒီအသင်းရဲ့ အစိတ်အပိုင်းတစ်ခု ဖြစ်ခွင့်ရတာဟာ ကျွန်တော့်အတွက်တော့ အခွင့်ထူးတစ်ခုပါပဲ။

"အထူးခြားဆုံးအနေနဲ့ကတော့ ပရိသတ်တွေကို ကျွန်တော် ကျေးဇူးတင်ချင်ပါတယ်။ သူတို့ရဲ့ အားပေးပံ့ပိုးမှုတွေက ဘယ်တော့မှ မပြောင်းလဲခဲ့သလို၊ အသင်းနဲ့ သူတို့ကြားက ရင်းနှီးတဲ့ဆက်သွယ်မှုကိုလည်း အထင်အရှား မြင်တွေ့နိုင်ပါတယ်။ သူတို့ဟာ ဘရန့်ဖို့ဒ်အသင်းကို နက်နက်ရှိုင်းရှိုင်း ချစ်ခင်ကြပြီး ခရီးစဉ်တစ်လျှောက်လုံး ခြေလှမ်းတိုင်းမှာ အသင်းကို မှန်ကန်တဲ့လမ်းကြောင်းကနေ အကောင်းဆုံး အားပေးပံ့ပိုးခဲ့ကြပါတယ်။

"နောက်ဆုံးအနေနဲ့ မက်သ် (Matt)၊ ဖီးလ် (Phil)၊ လီ (Lee) နဲ့ ကိသ် (Keith) တို့အပြင် ဝန်ထမ်းတစ်ဦးချင်းစီတိုင်းနဲ့ ကျွန်တော့်ရဲ့ အသင်းဖော်အားလုံးကို ကျေးဇူးတင်ပါတယ်။ ခင်ဗျားတို့အားလုံးနဲ့အတူ တွဲဖက်အလုပ်လုပ်ခဲ့ရတာဟာ ဝမ်းသာစရာကောင်းလှပြီး၊ ဘရန့်ဖို့ဒ်မှာ ဖြတ်သန်းခဲ့တဲ့ အချိန်ကာလတွေကို ဂုဏ်ယူမှုတွေ၊ အကောင်းဆုံး အမှတ်တရတွေ အများကြီးနဲ့အတူ ကျွန်တော် အမြဲတမ်း ပြန်လည်အမှတ်ရနေမှာပါ။"

မှ
ဂျော်ဒန်ဟန်ဒါဆန်

One home kit. Two seasons. ❤️🤍
၂၀၂၇-၂၈ ရာသီကုန်အထိ နှစ်ရာသီစာ ဝတ်ဆင်သွားမယ့် ဘရန့်ဖို့ဒ်အသင်းရဲ့ အိမ်ကွင်းဂျာစီအသစ်ဖြစ်ပါတယ်။

ဘရန့်ဖို့ဒ်ဟာ ပရိသတ်တွေအတွက် Replica နဲ့ Authentic ဂျာစီတွေရဲ့ ဈေးနှုန်းတွေကိုလည်း ပြောင်းလဲခြင်းမရှိဘဲ အရင်ဈေးအတိုင်း ဆက်လက်သတ်မှတ်ထားပါတယ်။

OFFICIAL: ဘရန့်ဖို့ဒ်သည် လာမည့်ရာသီ စပါးအသင်းနှင့်ကစားမည့် ပရီးမီးယားလိဂ် အိမ်ကွင်းအဖွင့်ပွဲစဉ်တွင် FIFA ကဲ့သို့ HALF TIME SHOW ကို ရူးကြောင်မူးကြောင် ထည့်သွင်းသွားမည် မဟုတ်ကြောင်း အက်မင်ကို ဖွင့်ဟထားသည်။

အက်မင်ကမူ ရှာကီရာတစ်ဦးတည်းကိုသာလျှင် ၁၀ မိနစ်ခန့် ဖျော်ဖြေပေးရန် အကြံပေးထားသည်။

TRANSFER NEWS : အသင်းအနေနဲ့ အသက် ၃၄နှစ်အရွယ် ဝါရင့်တိုက်စစ်မှူး Callum Wilson ကိုအလွတ်နဲ့ ခေါ်ယူခဲ့ပါပြီ။ ပရီးမီးယားလိဂ်ပရိသတ်တွေနဲ့ သိပ်မစိမ်းတဲ့ ဒီကစားသမားဟာ ဝက်စ်ဟမ်းအသင်းနဲ့အတူ ပြီးခဲ့တဲ့ရာသီက ၃၂ပွဲကစားပေးခဲ့ပြီး ၇ ဂိုးသွင်းယူပေးခဲ့တာဖြစ်ပါတယ်။

Wilson ကတော့ ပရီးမီးယားလိဂ်အတွေ့အကြုံရှိကစားသမားတစ်ဦးဖြစ်ပြီး ဝက်စ်ဟမ်း၊ နယူးကာဆယ်၊ ဘုန်းမောက်စတဲ့အသင်းတွေမှာ ကျင်လည်ခဲ့သူဖြစ်ပါတယ်။ ဒါ့အပြင် ပြီးခဲ့တဲ့ ကမ္ဘာ့ဖလားမှာ အင်္ဂလန်အသင်းအတွက်လည်း ပါဝင်ကစားပေးခဲ့ပြီး ကမ္ဘာ့
ဖလားပွဲစဉ်တွေအပါအဝင် နိုင်ငံအသင်းအတွက်လည်း ၂၀၁၈ကနေ ၂၀၂၃ခုနှစ်အတွင်း နိုင်ငံတကာပွဲ ၉ပွဲ ကစားထားကာ ၂ဂိုးသွင်းယူပေးခဲ့သူလည်း ဖြစ်ပါတယ်။

နည်းပြအန်ဒရူးကတော့ နောက်ထပ် တိုက်စစ်အားဖြည့်မှုတစ်ခုလို့ ဆိုထားပြီး ဒီကစားသမားအပါအဝင် တိုက်စစ်ပိုင်းမှာ အီဂေါ သိယာဂိုနဲ့အတူ မကြာသေးခင်ကအသစ်ခေါ် ယူထားတဲ့ Jaidon Anthony၊ အသက် ၁၉နှစ်အရွယ် ဘယ်လ်ဂျီယံသားလေး Kaye Furo စတဲ့တိုက်စစ်ကစားသမားတွေနဲ့ အင်ပြည့်အားပြည့် ဖြစ်လျက်ရှိပါတယ်။

ကမ္ဘာ့ဖလားကာလနဲ့အတူ တစ်ဖက်မှာလည်း ဘရန့်ဖို့ဒ်ရဲ့ လူအင်အားဖြည့်တင်းမှုတွေရှိနေပြီး ရာသီအသစ်မှာ ဘာတွေလုပ်ပြဦးမလဲဆိုတာ စောင့်ကြည့်သွားရမှာပဲဖြစ်ပါတယ်။

TRANSFER NEWS: ဘရန့်ဖို့ဒ်အသင်းဟာ ဘမ်လေအသင်းရဲ့ တိုက်စစ်ကစားသမားတစ်ဦးဖြစ်တဲ့ Jaidon Anthony ကို ခေါ်ယူလိုက်ပြီဖြစ်ပါတယ်။ အသက် ၂၆ နှစ်အရွယ်ရှိပြီဖြစ်တဲ့ ဒီကစားသမားကို ပြောင်းရွှေ့ကြေး ၁၈ သန်းဝန်းကျင်နဲ့ (၄ နှစ် + ၁နှစ်) သက်တမ်းရှိ စာချုပ်ချုပ်ဆိုပြီး ခေါ်ယူလိုက်တာဖြစ်ပါတယ်။

သူဟာ ဘန်လေအသင်းအတွက် ပွဲ ၇၀ကျော် ကစားပေးထားကာ ၁၁ဂိုးသွင်းပြီး ၅ဂိုးဖန်တီးထားခဲ့ပါတယ်။ စီနီယာကစားသမားဘဝကို ဘုန်းမောက်အသင်းမှာ စတင်ခဲ့ပြီးနောက် ဘန်လေအသင်းမှာ ခြေစွမ်းအသင့်တင့်ရှိတဲ့ ကစားသမားအဖြစ် ရပ်တည်ခဲ့တဲ့ Jaidon Anthony ကတော့ လာမယ့်ရာသီကစပြီး ဘရန့်ဖို့ဒ်နဲ့အတူ ပူးပေါင်းတော့မှာဖြစ်ပါတယ်။