3 Minutes Sports

ចចកជំទង់របស់អេស្ប៉ាញ Lamine Yamal ត្រៀមប្រជែងជាមួយខ្លាចាស់របស់អាហ្សង់ទីន Lionel Messi ក្នុងវគ្គផ្តាច់ព្រ័ត្រដណ្តើមពានរង្វាន់FIFA World Cup នៅថ្ងៃទី១៩ ខែកក្កដា ចុងសប្តាហ៍នេះ។

តុលាការដាក់ទោសអតីតអ្នកប្រដាល់ម្នាក់ឱ្យជាប់ពន្ធនាគារ ២ឆ្នាំ បន្ទាប់ពីរាយការណ៍ព័ត៌មានពីតំបន់ជម្លោះ

លោក លួត សុផល ដែលជាអតីតអ្នកប្រដាល់ និងជាអ្នកសារព័ត៌មាន ត្រូវបានតុលាការខេត្តឧត្តរមានជ័យផ្តន្ទាទោសដាក់ពន្ធនាគាររយៈពេល ២ឆ្នាំ ពីបទ «ញុះញង់ឱ្យប្រព្រឹត្តបទឧក្រិដ្ឋ ជាអាទិ៍» តាមមាត្រា ៤៩៥ និងបទ «ធ្វើឱ្យខូចទឹកចិត្តកងទ័ព»។ ការដាក់ទោសនេះ បន្ទាប់ពីលោករាយការណ៍ព័ត៌មានពីតំបន់ជម្លោះកាលពីខែកុម្ភៈ ឆ្នាំ២០២៦ ថាកងទ័ពកម្ពុជាខ្វះទឹកប្រើប្រាស់។ នេះបើតាមសមាគមអាដហុក។

កាលពីថ្ងៃទី១៤ ខែកុម្ភៈ ឆ្នាំ២០២៦ សាលាដំបូងខេត្តឧត្តរមានជ័យ បានចេញសេចក្តីប្រកាសព័ត៌មានមួយថា អ្នកសារព័ត៌មានអនឡាញ លោក លួត សុផល ត្រូវបានចោទប្រកាន់ពីបទ «ធ្វើឱ្យខូចទឹកចិត្តកងទ័ព» និង «បទញុះញង់ឱ្យប្រព្រឹត្តបទឧក្រិដ្ឋជាអាទិ៍» ក្រោយពីរូបលោកបានរាយការណ៍អំពីទាហានជួរមុខ។ នៅថ្ងៃទី១៤ ខែកុម្ភៈ ដដែល លោក លួត សុផល បានបញ្ចេញវីដេអូខ្លីមួយរយៈពេលមួយនាទី ដោយទទួលស្គាល់កំហុស និងអះអាងថាកងទ័ពមិនបានខ្វះទឹកប្រើប្រាស់ដូចដែលលោកធ្លាប់រាយការណ៍ឡើយ។

ប្រភពពី៖ ប្រជា កាសែត