Haroon kashmiri

بنڈالہ سماہنی (آزاد کشمیر): کھوہ پانی کرکٹ گراؤنڈ بنڈالہ سماہنی میں منعقد ہونے والی عقیل شہید کرکٹ لیگ ایڈیشن 2 کا آغاز انتہائی جوش و خروش اور شاندار مقابلوں کے ساتھ ہوا۔ ٹورنامنٹ کے پہلے روز چار ٹیموں کے درمیان سنسنی خیز میچز کھیلے گئے جن میں کھلاڑیوں نے بہترین کھیل کا مظاہرہ کرتے ہوئے شائقینِ کرکٹ کے دل جیت لیے۔
پہلے روز کے مقابلوں میں جبر لائنز کرکٹ کلب اور عقیل شہید کرکٹ کلب نے عمدہ کارکردگی کا مظاہرہ کرتے ہوئے اپنے اپنے میچز جیت لیے اور کامیابی کے ساتھ سیمی فائنل کے لیے کوالیفائی کر لیا۔
میچز کے دوران بیٹنگ، باؤلنگ اور فیلڈنگ کے شاندار مظاہروں نے گراؤنڈ میں موجود تماشائیوں کو خوب محظوظ کیا۔ شائقینِ کرکٹ کی بڑی تعداد نے کھلاڑیوں کی حوصلہ افزائی کی اور ٹورنامنٹ کے پرجوش ماحول کو مزید رونق بخشی۔
ٹورنامنٹ کے کامیاب انعقاد میں انتظامیہ کا اہم کردار رہا، جس میں آصف محمود، صفی راجہ، ارمغان راجہ، اسامہ ایاز، حسن زبیر، رضوان، لقمان، رفتاج اور حسنین شامل ہیں۔ انتظامیہ نے ٹورنامنٹ کو منظم اور کامیاب بنانے کے لیے بھرپور انتظامات کیے۔
کرکٹ شائقین اب سیمی فائنل مقابلوں کا بے صبری سے انتظار کر رہے ہیں، جہاں مزید دلچسپ اور کانٹے دار مقابلے دیکھنے کو ملنے کی توقع ہے۔

سماہنی منانہ سرسالہ: وزیرِ حکومت چوہدری علیشان سونی نے ممبر ضلع کونسل یونین کونسل منانہ سرسالہ چوہدری فاروق عالم، چوہدری جاوید اقبال، چوہدری ظفر اقبال اور چوہدری افتخار کی والدہ محترمہ کے سالانہ ختمِ شریف میں شرکت کی۔

ممبر ضلع کونسل یونین کونسل منانہ سرسالہ چوہدری فاروق عالم، چوہدری جاوید اقبال، چوہدری ظفر اقبال اور چوہدری افتخار کی والدہ محترمہ کے سالانہ ختمِ شریف کے مناظر
اللہ تعالیٰ مرحومہ کی مغفرت فرمائے، درجات بلند کرے اور جنت الفردوس میں اعلیٰ مقام عطا فرمائے۔ آمین 🤲