بكورة بتاع الكورة -Ahmed elbakry

هانى ابوريده مع لميس الحديدى لما سألته انه ساعد الزمالك فى الرخصه قالها الزمالك اكثر نادى دفع فلوس السنه اللى فاتت 70 مليون لانه عقوده صحيحه!!
انت لو رجعت لبدايه الموسم اللى فات وكله موثق بالمناسبه
هتعرف ان الزمالك اتحاد الكورة بعتلهم عشان المديونية اللى عليهم فا بعتولهم شيكات مقبوله الدفع ولما راحوا البنك خدوا رفض لانها شيكات بدون رصيد ،
ساعتها الموضوع اتلم واتفقوا عالجدوله آللى بالمناسبه برضه هما 70مليون من القرن الماضى وكل سنه بيتجدولوا ومش بيسددوا حاجه برضه،
فا ممكن للشفافيه طالما فتحت صدرك تطلع مستند واحد يثبت سدادهم لل70 مليون اللى بالمناسبه قولت انهم سددوها للاتحاد يوم 24 يوليو اللى هو كان يوم اجازه من البنوك!!

كده كده اطرمخت ونفذت مهمتك فى تنييم جمهور الاهلى ومديتلهم فترة القيد فى الاتحاد الأفريقي شهر كامل لحد ما خلصوا قصاياهم ال18 !

كوميديا سوداء 🇦🇹❌

هو الزمالك خد الرخصه؟!
لسه مخدهاش واللى حصل ان الاتحاد الملاكى للنادى الزنخ 🇦🇹
رفع الاوراق على السيستم وبعتها للكاف اللى هيراجعها ويقرر
اتحاد الكرة مداين الزمالك ب 70مليون وهما قالوا ان دى عقبه فى طريق الحصول على الرخصه، فا هل خدهم ولا جدول عالمتجدول؟ محدش عارف!
هما عاملين زى اللى خد إخلاء سبيل واهله هيصوا وقالوا براءه
عشان يغلوشوا والموضوع يعدى!!
إعلانهم الحصول على الرخصه حتى الان كذبه زى كذبة سداد جميع القضايا مع ان القضايا موجوده على موقع الفيفا بل زادوا امبارح قضيه،
هل اللى زود قضيه امبارح ماكانش يرفع القضايا اللى تم سدادها؟
فكر بالجزء العلوى قبل ما ترد بمكان ما بتقعد من فضلك!!

نفس الوجوه البغيضه
نفس النفوس المريضه
الناس دى تم عزلهم بأمر رئاسى بعد فضيحه 2019
هم الاشخاص اللى جابوا مدرب عليه احكام
هما اللى قالوا عندنا شوية دولارات زيادة لما نخلصهم هنجيب مصرى فى وقت البلد بتحاول تحافظ على العمله الاجنبيه
هما اللى ساندوا نادى وجوده مكلف الدوله مليارات الدولارات
هما اللى ليهم عند نادى ديون بتتجدول عالجدوله ومبتدفعش
والرد ما كل الانديه بتجدول بس الفرق الاخرين بيتم إجبارهم على السداد انما النادى ده لا،
هما اللى استقتلوا على منح نادى رخصة مشاركة وهو غير مؤهل ليها،
راجعين يكملوا مسيرة إسقاط الكوره وحتى المدرب اللى نجح غصب عنهم بيقولوا هنشكل لجنة عشان نجددله،
انما تعيين شوقى غريب اللى ضم عبدالرحمن مجدى للمنتخب عشان مسلفه فلوس ويقدر ياخدها منه مش محتاج لجنة طبعاً،

اقسم بالله الواحد كره الكوره اكثر حاجه عندنا شغف بيها بسببهم ومش فاهم ماسكين فيها ليه ! مش بيمشوا ويختفوا من حياتا ليه؟! مش عايزين الكوره فى مصر تشم نفسها بدون الوجوه العكره دى ليييه؟!

ايقاف قيد جديد لنادى الزمالك وايقاف قيد 3 فترات 🇦🇹❤️
ده بالإضافة لابراهيما نداى ونادى ايك الاوكرانى اللى قالوا سددنا وهما مسددوش حاجه
السؤال بجد هما بيدفعوا لمين؟!
مين اتعامل معاهم وخد مستحقاته او حتى اتعاملوا معاه بأحترام وماراحش الفيفا عشان ياخد حقه؟

الفيفا لسه القضايا موجوده على موقعها ومترفعتش
ابراهيما نداى والنادى الاوكرانى نفوا حصولهم على مستحقاتهم وان مفيش تواصل تم معاهم،
يعنى مفيش فلوس اتدفعت ومفيش إنهاء القضايا المتعلقه بالرخصه،
هو فيه نادى فى الدنيا بيكذب وينصب بالشكل ده؟!
بعد ما تتكشفوا تطلعوا تقولوا اه مدفعناش والفلوس موجوده فى خرنة النادى وهندفع بعد الاجازه؟!
ده بيحصل فين فى العالم ياخوانا حد يقولنا!!

الفيلم اللى اتعمل الكام يوم اللى فاتوا هو إشغال جمهور الاهلى بالمشاركة فى دورى الأبطال لحد ما يشوفوا حوار الرخصة بتاعة افشل نادى فى الكون ازاى 🇦🇹
لحد امبارح قضية ابراهيما نداى ونادى خوان بيزيرا وهما اكبر قضيتين متبقيتين ماكانوش اتعملهم تسويه وابراهيما نداى بعت للجنة التراخيص انه مخدش فلوسه احد دلوقتى،
النهارده صحينا قالك الزمالك سدد للاعب وللنادى الاوكرانى وكده جاهز للحصول على الرخصة،
السؤال هنا ازاى الزمالك سدد والبنوك كلها اجازة؟!

خالد الغندور كان منزل الفيديو ده عشان كان فاكر عددٍ الأندية هيزيد فى دورى الابطال عشان خاطر الاهلى يقدر يشارك وإنّ الاهلى هيتجامل ويتعمله استثناء وهما رافضين ده طبعاً وعايزين العداله ،
بس هما دلوقتى معملوش تسويه لكامل القضايا ومدفعوش مستحقات الدوله اللى هى من شروط الحصول على الرخصه
فا هيطالبوا الدوله تعملهم استثناء و يطالبوا رئيس الجمهورية بانقاذ نادى الزمالك عشان خاطر جماهيره والحقونا النادى بيضيع ودى نادى ليه جماهير ومينفعش يتساب كده
واعملولنا استثناء احنا بس وجاملونا احنا بس