Dr. Heba Elseify - هبه الصيفي

في رواية أنا حرة لاحسان عبد القدوس قال:

“ولم تنتبه إلى أن الحب والحرية لا يجتمعان…
ولم تنتبه إلى أن الحب هو التنازل عن الحرية.
فالإنسان الحر حر في أن يحب ما يشاء أو من يشاء، ولكنه عندما يحب أو عندما يؤمن، فإنما يتنازل عن حريته في سبيل حبه وإيمانه.”

بس هل فعلًا الحب والحرية ما بيجتمعوش؟

ولا يمكن المشكلة مش في الحب نفسه…
لكن في العلاقات اللي بتخلّينا نحس بالاختناق والقلق وفقدان نفسنا؟

لأن الحب الحقيقي المفروض يدي أمان…
والأمان يخلّي الإنسان أكثر راحة، أكثر جرأة، وأكثر حرية إنه يكون نفسه 🤍

مستنية رأيكم في الكومنتات…
هل الحب بيقيّد الإنسان؟
ولا الحب الصحي هو أعلى شكل من أشكال الحرية؟

إحنا كبشر هنحس بكل المشاعر
الحزن، الخوف، الغضب، والفرح
المشكلة مش في الإحساس… المشكلة في طريقة إدارتنا للمشاعر

في حزن صحي يخلينا نفكر، نتعلم، ونكمل
وفي حزن يخلينا stuck في نفس الوجع ونفس الأفكار بدون خطوة لقدام

المشاعر محتاجة تتعاش… وتتفهم… مش تسيطر علينا. #وعي

الغضب من أكتر المشاعر المغرية لينا
لأنه أوقات بيخلينا نحس إننا أقوى وإننا أكيد صح والطرف التاني غلط.

بس مهم نفرق بين:
التعبير الصحي عن المشاعر
وبين الـ venting أو التفريغ اللي بيخلينا نفضل نحكي ونزعق ونعيش نفس القصة ونفس الانفعال مرة بعد مرة.

لما مخنا يفضل في حالة استثارة وغضب
بنفضل emotionally hijacked
فما بنعرفش نهدي نفسنا ولا نفكر بوضوح.

الصوت العالي مش دايمًا بيرجع حق
والانفعال المستمر مش شفاء.

إنك تعرف تعبر عن غضبك
وتحط حدود
وتاخد موقف
من غير ما تفضل غرقان في الغضب…
دي قوة حقيقية. #وعي

التعافي مش دايمًا سهل، ومش محطة بنوصلها…
دي رحلة بنمشيها كل يوم، بس تستاهل.

في مشاعر متخزنة، وجسمنا شايل أكتر من طاقته…
ومع كل محاولة، بتخف شوية.

مفيش طريقة واحدة صح…
في اللي بيلاقي نفسه في الكتابة، في الحركة، في التأمل، في العلاج النفسي.

المهم إنك تختار نفسك كل مرة.
وكل خطوة بتقربك من نفسك الحقيقيه و من هدوءك وسلامك.

رحلتك مختلفة… بس تستاهل تبدأها🤍 #وعي #قرار

4 علامات عقلية بتقولك إنك في علاقة فيها تلاعب وأذى نفسي:

• Rumination
بتعيد وتزيد في كل كلمة وكل موقف، بتحاول تفهم مين غلطان ومين صح، وكأنك بتحاول تحل حاجة مستحيلة.

• Pervasive confusion
حيرة وتشويش مستمر… مش عارف تثق في إحساسك، ولا تحدد الصح من الغلط، ولا مين ظالم ومين مظلوم.

• Euphoric recall
متمسك ببداية العلاقة واللحظات الحلوة… عقلك بيحاول يحميك من وجع الحاضر إنه يرجعك لوقت الـ love bombing.

• Fawning response
بتوافق على كل حاجة، بترضّي وتمدح طول الوقت… مش حب، دي محاولة تحافظ على السلام وتحمي نفسك من الأذى.

لو لقيت نفسك في الأربع دول… دي مش مبالغة ولا حساسية زيادة.
دي إشارات إنك محتاج توقف وتاخد خطوات حقيقية لحماية نفسك.

أصعب حاجة إنك تعيش في علاقة بتكسّر إحساسك بنفسك كل يوم…
بس الأصعب إنك تفضل ساكت. #علاقات #وعي

مشكلتنا مش إننا مختلفين
مشكلتنا إننا مش فاهمين بعض… ومش عارفين نهدّي بعض

الـ anxious محتاج يتعلم إزاي يهدي نفسه…
مش كل إحساس خوف محتاج رد فوري

والـ avoidant محتاج يتعلم يهدّي الـ anxious…
مش بالاختفاء
لكن بإشارة أمان بسيطة

مكالمة
رسالة
كلمة “أنا هنا”
كفاية تطفي نار كبيرة

العلاقة الصحية مش ضغط ولا هروب
هي توازن

أنا أتعلم أحتوي نفسي
وأنت تتعلم تطمّني من غير ما تخنق نفسك

إحنا مش عايزين مسافة
إحنا عايزين مساحة

مساحة فيها قرب… وأمان
من غير ما حد فينا يسيب التاني مدايق او مخنوق

لو الكلام ده لمسّك
ابعت الرييل للي محتاج يسمعه🤍 #وعي #علاقات

فن الاحتواء المتبادل مش معناه إننا نبقى نفس الطباع…
بس إننا نفهم اختلافنا ونحتويها 🤍

لو أنت Anxious في العلاقة… ده مش ضعف، بس محتاج وعي شوية:

مش كل إحساس محتاج رد فوري
مش كل خوف معناه إن في مشكلة
ومش كل لحظة بُعد معناها رفض

اتعلم تهدي نفسك قبل ما تطلب من غيرك يهديك
اتعلم تـ validate مشاعرك بدل ما تستنى دايمًا حد يطمنك
اتعلم إن شريكك ليه مساحة… زي ما ليك احتياج للقرب

مش لازم يرد حالًا
مش لازم يحل كل حاجة فورًا
ومش لازم يثبت حبه كل دقيقة

العلاقة الصحية هي مساحة فيها قرب… وفيها نفس
فيها مشاركة… وفيها استقلال

لما تفهم احتياجك للقرب وتفهم احتياج شريكك
هتوفر على نفسك وجع كتير… وسوء فهم أكبر

الاحتواء الحقيقي يبدأ من جواك
مش من رد فعل حد تاني ✨

اسمع الفيديو لو حابب تفهم تعمل ده إزاي خطوة بخطوه #علاقات #وعي

مش كل حاجة محتاجة رد فوري… أحيانًا محتاجة “مسافة”.

إنك تبعد مش معناه إنك بارد،
لكن معناه إنك واعي كفاية تاخد خطوة ورا وتشوف:
أنا حاسس بإيه؟
أفكاري بتقول إيه؟
وجسمي محتاج إيه؟

المسافة دي بتحميك من ردود فعل سريعة ممكن توديك لنتيجة مش عايزها.
بتديك وقت تهدى… تفكر… وتختار رد فعل أحسن.

مش لازم ترد على رسالة مضايقاك فورًا،
ومش لازم تاخد قرار وإنت متعصب.

الـتواصل مش هدفه إنك ترد وخلاص،
هدفه توصّل للي إنت عايزه بوعي.

اتعلم تخلق مسافة…
علشان تختار نفسك قبل أي رد فعل #وعي