MONO ORAY “Ishga marhamat”

ÁHMIYETLI XABARLANDÍRÍW! 📢📢📢

HÚRMETLI PUQARALAR!

Ózbekstan Respublikası Prezidentiniń 2024-jıl 4-oktyabrdegi 347-sanlı qararı tiykarında «Ishga marhamat» monoorayları negizinde Kásiplik kónlikpeler orayları shólkemlestiriliwi belgilengen.
Usı múnásibet penen biz ayırım sebeplerge baylanıslı Instagram hám Telegram kanallarımızdı jańadan dúzip, bunnan bılay jańa kontentlerimizdi usı tazadan ashılǵan kanallarǵa jaylastırıp barıwǵa qarar ettik.
Instagram kanalımızdıń siltemesi:
Telegram kanalımızdıń siltemesi:https://t.me/nokis_qalasi_kko

⚡️DÍQQAT, MONOORAYDA JAŃA KÁSIP!

HÚRMETLI RESPUBLIKAMÍZ PUQARALARÍ!

🏢Nókis qalası “Ishga marhamat” monoorayı jańadan “Suwıtqısh hám muzlatqıshlardı ońlaw ustası” kásibine oqıtıw kursınıń ashılıwı haqqında
XABARLAYDÍ!

✨Eger siz joqarı talapqa iye, dáramatlı kásip iyelewdi qáleseńiz, tez arada biziń kursımızǵa jazılıwǵa asıǵıń.
Bul kursta siz:
- kondicionerler hám olardıń túrleri, markaları, islew principleri jáne sxemaları haqqında túsinikke iye bolasız;
- úy kondicionerleri, sawda kondicionerleri, split-kondicionerleri servisi, olardı defektaciyalaw, tazalaw, vakuumlastırıw, suwıtıw agentin quyıwdı úyrenesiz;
- ıssılıq hám suwıqlıqtıń fizikalıq tábiyatı, jasalma suwıqlıq alıw usılları, gazli yamasa hawalı suwıtıw mashinaları, puw kompressorlı suwıtıw mashinaları, kompressorlardıń túrleri hám wazıypaları, puwlatqıshlar haqqında tolıq sabaqlar ótesiz;
- muzlatqıshlar, olardıń túrleri hám keń tarqalǵan sońǵı modelleri jáne markaları haqqında tolıq maǵlıwmat alasız, olarǵa xızmet kórsetiw, ońlaw hám paydalanıw múddetlerin uzaytıw usılların úyrenesiz.

📝Oqıw kursınıń múddeti – 15 hápte.

✨Qalalıq hám rayonlıq Kámbaǵallıqtı qısqartıw hám bántlik bólimlerinen jollamalar alıp kelgen jumıssız puqaralar biypul oqıtıladı.

🔷Kurs juwmaǵı menen tıńlawshılarǵa mámleketlik úlgidegi sertifikatlar beriledi.
Tıńlawshıǵa beriletuǵın kvalifikaciya – Suwıtqısh hám muzlatqıshlardı ońlaw ustası.

🔷Bunıń ushın waqıt ótkermey monoorayımızǵa xabarlasıwıńız kerek!

☎️Qosımsha maǵlıwmat ushın telefonlar:
91 371-74-57, 90 574-74-57.

✨DÍQQAT, MONOORAYDA JAŃA KÁSIPLER!

⚡️HÚRMETLI RESPUBLIKAMÍZ PUQARALARÍ!

🏢Nókis qalası “Ishga marhamat” monoorayı jańadan "TOKAR" kásibine 3 aylıq oqıtıw kurslarınıń ashılıwı haqqında xabarlaydı.

📝Sizlerdiń sapalı kásip-óner iyelewińiz ushın monoorayımızǵa eń zamanagóy texnikalıq platformalar alıp kelingen hám bul stanok penen úskenelerde sizler sırt el texnologiyaları tiykarında házirgi zaman talaplarına juwap beretuǵın joqarı sapalı tokarlıq jumısların ámelge asırıwdı úyrenesiz.

✅Bunıń ushın waqıt ótkermey monoorayımızǵa xabarlasıwıńız kerek!
☎️Qosımsha maǵlıwmat ushın telefonlar:
91 371-74-57, 90 574-74-57.

Monoorayımızǵa Germaniya mámleketinen YuNESKO konsultantı Tomas Lyuks xızmet wazıypaları boyınsha kelip, monooray basshılıǵı, injener-ustalar menen ushırastı hám bir qatar bólimlerdegi oqıw processleri menen tanısıp ótti.
Shet elli miyman YuNESKOnıń «Ózbekstannıń awıllıq jerlerinde jumısqa jaylasıw kónlikpelerin rawajlandırıw» joybarı sheńberinde «Ózin-ózi bahalaw» jáne «Óz-ara bahalaw» temalarında seminar-trening ótkeriw maqsetinde respublikamızǵa xızmet saparı menen kelgen. Ol kásiplik tálimniń sapasın jaqsılaw, bahalaw sistemasın jetilistiriw, bul baǵdarda rawajlanǵan mámleketlerdiń modellerine tayanıw, kásipke úyretilgen puqaralardıń bántligin támiyinlewde joqarı nátiyjelerge erisiw jolları haqqında monooray qánigeleri menen pikir alıstı.
Ushırasıwdan soń shet elli miyman Qaraqalpaqstannıń tariyxıy esteliklerine ekskursiya qıldı.

✨11-noyabr – Kásiplik awkamı kúni múnásibeti menen Nókis qalası «Ishga marhamat» monoorayında sport hám intellektual oyınları boyınsha jarıslar shólkemlestirildi.

🏢 Monooray Kásiplik awqamı birlemshi shólkemi baslaması menen ótkerilgen bul bellesiwler baǵdarlamasına kibersport, stol tennisi hám «Zakovat» intellektual oyınları kirgizildi.

🎗Jarıslar eki kún dawam etip, olarda monooray miynet jámáátiniń jasları belsene qatnastı.

✅Kibersport boyınsha ótkerilgen jarısta monooray jaslarınıń eki komandası «Counter Strike 800» video oyınında bellesip, ózleriniń zamanagóy kompyuter oyınlarındaǵı sheberliklerin kórsete bildi.

🏓Tennis sportı boyınsha da bellesiwler qızǵın ótip, jaslar bul sport túri boyınsha júdá joqarı dáreje kórsetti.

🔷Bul jarısta málimleme texnologiyaları bólimi qánigesi Urazbaev Erbol 1-orındı, 1-sanlı filial oqıtıwshı qánigesi Arzıbekov Abbaz 2-orındı, xatker Kalimbetov Azamat 3-orındı iyeledi.

📝«Zakovat» intellektual oyını monooray jaslarınıń bilimliligin hám zeyinliligin ashıp berdi. Bul oyında monooray bas korpusınıń «Liderler» komandası 1-orındı, 2-sanlı filialınıń «Intelligentler» jáne bas korpusınıń «Intellekt» komandaları 2-orındı hám 1-sanlı filialınıń «The Best Branch» komandası 3-orındı iyeledi.

🏆Jeńimpazlarǵa Monooray Kásiplik awqamı birlemshi shólkeminiń húrmet jarlıqları hám sawg'alar tapsırıldı.

Telegram | Instagram | YouTube |  Facebook

🍰Monoorayımızda «Keytering xızmeti (konditer)» kásibinde konditer ónimlerin tayarlaw sırların úyrenip atırǵan intalı tıńlawshımız Keńesbaeva Dilaram tárepinen biskvitli miyweli tort tayarlandı.

🧁Bul tort túrk texnologiyalarına tayanǵan halda tayarlanıp, onıń quramına túrk biskviti, muzqaymaqlı krem, shiyrin miyweler hám basqa da ingredientler kiredi.

🥮Torttıń salmaǵı 2,5 kg. Bul tort qálegen bayram, toy yaki tuwılǵan kúnniń sáni bola aladı, sebebi shıraylı kórinisinen tısqarı ol tákirarlanbas ájayıp dámge de iye.

🏢Monoorayımızda injener-usta Kutlımuratova  Guljaxannıń basshılıǵında usınday konditer ónimleriniń kóplegen túrleri tayarlanadı.

HÚRMETLI PUQARALAR!
Monoorayımızdıń «Tiginshilik» kásibinde jańadan kurs ashılǵanlıǵın xabarlaymız.
Eger siz tiginshilik kásibi boyınsha tayanısh bilim hám kónlikpelerge iye bolsańız, biz sizdi monoorayımızda jańadan ashılıp atırǵan «ASTARLÍ SÍRTQÍ KIYIM» kursında óz sheberligińizdi asırıwǵa shaqıramız.
Bul kursta siz er adamlardıń hám hayallardıń astarlı ústi kiyimlerin, zamanagóy dizayndaǵı kostyum-shalbarlardı, sonday-aq plaщ, kardigan, abayya sıyaqlı quramalı formadaǵı astarlı kiyimlerdi usta dárejesinde tigiwdi úyrenesiz.
Gúz-qıs máwsiminde qalıń sırtqı kiyimler xalıq ishinde joqarı talapqa iye bolǵanlıqtan, bul kiyimlerdi tigiwdi úyrenip, jaqsı dáramat iyesi bolıw imkaniyatınan paydalanıń.
Monoorayımız injener-ustaları sizlerge astarlı kiyim tigiw ónerin joqarı dárejede úyretiwge tayar.
Kurs usı jıl 4-noyabr kúni saat 09-00 de Nókis qalası «Ishga marhamat» monoorayınıń bas imaratında baslanadı.
Kurs dawamlılıǵı – 2 ay.
Kurs bahası – 1 mln. sum (1 ayǵa – 500 mıń sum).
Kurs azanǵı mezgilde oqıtıladı (saat 09-00 den 13-00 ge shekem).
Esletip ótemiz, «ASTARLÍ SÍRTQÍ KIYIM» kursına tiginshilik kásibinen xabarı bar, aldın usı kásipte oqıǵan yaki islep atırǵan puqaralar qabıl etiledi.
Maǵlıwmat ushın telefon: 90 653-83-09.

BMSh Rawajlandırıw Baǵdarlaması «Uzum» kompaniyası jáne Ózbekstan Respublikası Kámbaǵallıqtı qısqartıw hám bántlik ministrligi menen birgelikte hayal-qızlar ushın sanlı finanslıq sawatlılıq boyınsha respublika boylap «Isbilermen hayal-qızlardıń elektron kommerciyalıq potenciyalların rawajlandırıw arqalı olardıń imkaniyatların keńeytiw» atamasında treningler ótkerip kelmekte.
Bul treninglerdiń tiykarǵı maqseti – hayal-qızlarǵa sanlı ekonomika hám elektron kommerciya boyınsha bilim beriw, finans qurallarınan paydalanıw kónlikpelerin arttırıw hám óz biznesin baslaw ushın zárúr maǵlıwmtalar menen bólisiw bolıp tabıladı. Hár bir trening 2 kún dawam etip, aymaqlıq monooraylar járdeminde isbilermenliktiń tiykarǵı baǵdarlarına intensiv jáne tereń kirip barıwdı támiyinleydi.
Usı kúnge shekem bul seminarlar Tashkent qalasında ótip kelgen bolsa, bunnan bılay respublikanıń basqa regionlarında da ótkerilip basladı. Búgin Nókis qalası «Ishga marhamat» monoorayında regionlar kóleminde birinshi trening bolıp ótti. Oǵan Qaraqalpaqstan Respublikasında isbilermenlik penen shuǵıllanıp atırǵan, sonday-aq jumıssız hayal-qızlar qatnastı. Jámi 100 adam seminarlarda oqıp, tiyisli maǵlıwmatlarǵa iye boldı.
Baǵdarlama kóleminde oqıwdı tabıslı tamamlaǵan jáne jeke tártiptegi isbilermen statusına iye bolǵan hayal-qızlarǵa «Uzum» kompaniyasınıń marketpleysinde ózi islep shıǵarǵan ónimlerdi jeńilletilgen shártlerde satıw, sonday-aq kompaniya qoymax**alarında ónimlerin 6 ay dawamında biypul saqlaw imkaniyatı beriledi.
Usınıń menen bir qatarda oqıw kursların pitkergen isbilermenlerge «Kapital bank»te esap betin ashıw jáne «Hámmesi 0 sum» tarifinde xızmetten paydalanıw usınıs etiledi.

Búgin erte tańnan monooray xizmetkerleri “Ulıwma xalıqaralıq shembilikte” qatnastı.

Shembilikte orayımız atirapındag’ı 200 kv.metrden aslam jer awdarıldı, terekler háklenip, taza bordyurlar qoyıldı hám boyaldı, qıytaq jerler shıg’ındılardan tazalandı.

📢PUQARALARDÍŃ DÍQQATÍNA!

Tez arada Nókis qalası «Ishga marhamat» monoorayında tómendegi kásipler boyınsha oqıw kursları baslanatuǵınlıǵın xabarlaymız:

1. Íssıx**a boyınsha qánige (oqıw múddeti 3 ay);
2. Santexnika hám slesarlıq isleri ustası (oqıw múddeti 3 ay);
3. Kepserlew isleri ustası (oqıw múddeti 3 ay);
4. Elektrik (oqıw múddeti 3 ay);
5. Xojalıq texnika buyımların ońlaw ustası (oqıw múddeti 3 ay);
6. Júk kóteriwshi mashina (kran) operatorı (oqıw múddeti 3 ay);
7. Kompyuter operatorı (oqıw múddeti 2 ay);
8. Hayallar shashtárezi + vizajist (oqıw múddeti 3 ay);
9. Jas balalar baǵıwshısı, tarbiyashı járdemshisi (oqıw múddeti 2 ay);
10. Rus tili (oqıw múddeti 3,5 ay)

Rayonlıq (qalalıq) Kámbaǵallıqtı qısqartıw hám bántlik bólimlerinen jollamalar alıp kelgen jumıssız puqaralar hám mayıplıǵı bolǵan jumıssız puqaralar oqıw kurslarında biypul oqıtıladı, mayıplıǵı bar puqaralarǵa Kámbaǵallıqtı qısqartıw hám bántlik bólimleri tárepinen hár ayda 680 000 sum muǵdarında stipendiya tólenedi.
Basqa puqaralar ushın oqıw kursları tólemli bolıp, hár ayda 340 000 sum, jámi 1 mln. 20 mıń sum tólem arqalı oqıtıladı, olarǵa tólemlerdi bólip tólew imkaniyatı beriledi.
Uzaq rayonlardan kelgen hám jataq jayǵa mútáj puqaralar ushın oqıw dáwirinde monooray jataqx**asınan biypul x**a ajıratıladı.
Bul oqıw kursların pitkergen puqaralarǵa orta arnawlı kásiplik oqıw ornı diplomına teńlestirilgen mámleketlik úlgidegi sertifikat beriledi hám bul sertifikat jumısqa ornalasıw ushın qánigelik haqqında hújjet esaplanadı.
Qosımsha maǵlıwmat ushın telefonlar:
(55)102-40-12
91 371-74-57,
90 574-74-57.

🌈30-iyun - Jaslar kúni múnásibeti menen monoorayımızda shólkemlestirilgen sport hám intellektual oyınları juwmaǵına jetti.

✨ Aldın xabar bergenimizdey, sporttıń futbol hám voleybol túrlerinen jeńimpazlar anıqlanǵan bolsa, jarıslardıń sońǵı kúni ótkerilgen “Zakovat” intellektual oyınına monoorayımızdıń jasları 5 komandaǵa bólinip óz-ara bellesti.

🎗Oyın dawamında quramalı hám shiyelenisken sorawlarǵa monooray miynet jámááti jasları ózleriniń ziyrekligi hám tapqırlıǵı arqalı tez hám anıq juwaplar bere aldı.

🏆«Zakovat» intellektual jarıs juwmaǵı menen monoorayımızdıń 2-sanlı filialınıń “Intelligent” komandası 1-orındı qolǵa kiritken bolsa, 2-orındı “Ziyrekler” komandası, 3-orındı 1-sanlı filialdıń “Úlgili jaslar” komandası iyelep aldı.
Jarıs jeńimpazlarına monoorayımızdıń Kásiplik awqamı birlemshi shólkemi tárepinen tayarlanǵan diplomlar hám bahalı sawǵalar tapsırıldı.

🧭Biziń mánzilimiz:
Nókis qalası, A. Utepov kóshesi n/jay.
👉Baǵdar: «ISTIQLOL» dem alıw orayı
☎️Tel: +998 (55) 102-40-12