Ikhtiyar Dosmetov - Ихтияр Досметов

02/09/2026

Пул бор - ҳаловат йўқ.

31/08/2026

Инструментлар иш бермай қўйди.

29/08/2026

Тадбиркор ўзини четдан кўролмайди.

25/08/2026

24/08/2026

Бизнеси ва капиталини янги даражага олиб чиқмоқчи бўлган тадбиркорларга таклиф.
ikhtiyardosmetov.com

16/08/2026

Бизнесингиз ўсди. Даромад ошди. Жамоа, маркетинг, сотув тизими ишлаяпти.

Аммо кейинги масштабга чиқилмаяпти.

Янги инструмент, янги одам, янги йўналиш қўшилаверади - лекин ҳаракат кўпайгани сари ўсиш тезлашмайди.
Аксинча, секинлашади.

Сабаби оддий: маълум босқичдан кейин натижани инструмент эмас, эгасининг қарори белгилайди.

16 йиллик тажрибам шуни кўрсатади: аксарият тадбиркор кейинги ўсишни янги инструметдан кутади. Аслида ўсиш аслида қарор қабул қилиш сифати ўзгарганда бошланади.

Чунки бизнес ўз эгасидан катта бўла олмайди.

Агар бугунги масштабингизга етиб бўлган бўлсангиз, эҳтимол, кейинги қадам бизнесда эмас -
ўз қарорларингизда.

Суҳбат шахсан, 1:1.

13/08/2026

БИЗНЕС - ЎЗ ЭГАСИДАН
КАТТА БЎЛА ОЛМАЙДИ.

11/08/2026

Мен йиллар давомида битта манзарани қайта-қайта кўраман.

Икки бизнесмен. Бир хил инструмент. Бир хил жамоа. Бир хил маркетинг, бир хил маҳсулот.

Бири йилига бир миллион доллар топади. Бошқаси - ўн миллион.

Ва одамлар менга бир хил савол беришади: нима учун? Улар нимани бошқача қилишяпти?

Ҳеч нима. Инструментлари бир хил. Фарқ - қарорда.

Тасаввур қилинг: сиз бино қуряпсиз.

Бошида ҳар бир қават - бизнес инструментлари билан кўтарилади. Тўғри маҳсулот. Кучли жамоа. Яхши маркетинг, тартибли бошқарув.

Улар сизни биринчи қаватдан ўнинчи қаватга олиб чиқади. Ва бу босқичда - улар ҳақиқатан ҳам яхши ишлайди.

Лекин ўнинчи қаватдан кейин, бошқа қонун бошланади.

Бизнес - эгаси етган баландликдан юқорига кўтарила олмайди.

Бу заифлик эмас.

Сиз бугунги даражангизга айнан ўша қарорлар орқали келдингиз. Лекин мана шу - муҳим жой: сизни ўнинчи қаватга олиб чиққан қарорлар, кейинги масштабга ҳам олиб чиқади, деган кафолат йўқ.

Кўпчилик буни сезмайди. Улар кейинги ўсишни яна бизнеснинг ичидан қидиришади. Янги маҳсулот. Янги бозор. Янги жамоа, янги директор.

Лекин чеклов кўпинча бизнесда эмас. У - эгасида бўлади.

Ва энг қизиғи шунда: у буни ўзи кўра олмайди.

Нега?

Чунки у ташқаридан қараб турмайди. У шу қаватнинг ичида турибди.

Учта одам буни кўра олмайди. Маркетолог - у сотувни кўради. Молиячи - рақамни кўради. Яқин одам - сизни хафа қилишдан қўрқади.

Буни фақат шу чегарани минг марта кўрган одам кўра олади.

16 йил давомида, 1000дан ортиқ тадбиркор ва капитал эгаси билан, 25 000 соатдан зиёд яккама-якка ишладим.

Ва бир қонуниятни кўрдим.
Бизнес эгаси, ўзи қабул қилаётган қарорлар сифатидан юқорига кўтарила олмайди.

Акс ҳолда - ўнинчи қаватни қайта-қайта таъмирлаш мумкин.

Тартибли. Чиройли. Қиммат.

Лекин ўнинчи қаватда.

Агар шу манзарада ўзингизни таниган бўлсангиз - бу тасодиф эмас.

28/07/2026

Кузатув.

Инсон пул топади.
Кейин яна бир нол қўшилади.

Ичида эса битта туйғу яшайди:
«Яна озгина. Ана ўшанда енгил бўлади.»

Лекин енгил бўлмайди.

Пул камлиги учун эмас.

Чунки пул фақат битта масалага жавоб беради- ресурс масаласига.

Аммо у бу ресурсни қаерга сарфлаш кераклигига жавоб бермайди.

Шундан кейин бошқа бир жараён бошланади.

Имкониятлар камаймайди.

Аксинча, улар кўпайиб боради.

Танлаш эса тобора қийинлашади.

Ҳаётида аниқ йўналиши йўқ инсон ишлашда давом этаверади.

Чунки ҳозирча натижа бераётган ягона нарса - шу.

Лойиҳалар кўпаяди.
Учрашувлар кўпаяди.
Масъулият кўпаяди.

Лекин ичидаги аниқлик камаяди.

Бир пайтдан кейин инсон натижа билан эмас, навбатдаги вазифадан кейинги вазифа билан яшай бошлайди.

Бу чарчоқ эмас.

Бу мотивация масаласи ҳам эмас.

Бу - йўналиш масаласи.

Йўналишсиз пул - йўлсиз тезлик.