BMB Football Club

BMB PFC | BUGUNGI GYM MASHG‘ULOTLARIDAN VIDEO LAVHA

BMB PFC jamoasi yangi mavsumga tayyorgarlik jarayonini izchil davom ettirmoqda. Bugungi mashg‘ulotlarning birinchi bosqichi gym zalida tashkil etildi.

Mashg‘ulot davomida futbolchilarning jismoniy holatini yanada yaxshilash, kuch va chidamlilik ko‘rsatkichlarini oshirishga qaratilgan maxsus mashqlar bajarildi. Ayniqsa, oyoq mushaklarini mustahkamlash mashg‘ulotning asosiy yo‘nalishlaridan biri bo‘ldi.

Futzalda yuqori tezlik, keskin harakatlar, tezkor burilishlar va raqib bilan kurashlarda jismoniy tayyorgarlik muhim ahamiyat kasb etadi. Shu bois mavsum oldi tayyorgarlik jarayonida kuch va funksional chidamlilik ustida olib borilayotgan ishlar alohida ahamiyatga ega.

BMB PFC — mavsum sari tayyorgarlik davom etmoqda!

Bugun BMB Professional Futsal Club safidagi braziliyalik legioner — Vitor Manuel da Silva O'zbekistonga yetib keldi.

🇺🇿🤝🇧🇷 Xush kelibsiz! Oq yo'lbarslar safida sizni yana ko'rishdan mamnunmiz.

"SAVOL MARKAZIDA" loyihasining navbatdagi mehmoni — Asilbek Vafoyev.

Uning futzalga kirib kelishi, faoliyati va maqsadlari haqida samimiy suhbatni tomosha qiling.

Video davomida Asilbek shunday deydi:
"BMB PFC bilan Superkubokni yutishim men uchun eng esda qolarli voqea bo'lishi mumkin. Chunki bu faoliyatimdagi ilk sovrin bo'ladi. Bu juda yoqimli hissiyot."

Asilbekning yana qanday fikrlari va hikoyalari bor? Videoni oxirigacha tomosha qilish orqali bilib olishingiz mumkin.

Instagram 10 000 kuzatuvchi!

Bu shunchaki raqam emas. Bu — bizni qo'llab-quvvatlayotgan minglab muxlislarning ishonchi, e'tibori va sadoqatidir.

BMB Professional Futsal Club oilasining bir qismi bo'lgan har bir kuzatuvchiga samimiy minnatdorchilik bildiramiz. Sizning qo'llab-quvvatlashingiz bizni yanada katta marralar sari ilhomlantiradi.

Oldinda esa bundan ham yirik maqsadlar, yorqin g'alabalar va unutilmas lahzalar kutmoqda.

Birgamiz. Kuchlimiz. G'alabalar sari!

BMB professional futzal klubining bugungi mashg'ulotidan video lavha.

Bugungi mashg'ulotning asosiy maqsadi futzalchilarning jismoniy va funksional tiklanishini ta'minlashga qaratildi. Dastur yengil aerob yuklamalar, harakatchanlik mashqlari, cho'zilish, koordinatsiya elementlari hamda to'p bilan past intensivlikdagi texnik mashqlarni o'z ichiga oldi.

Mashg'ulot davomida futzalchilarning mushaklardagi zo'riqishni kamaytirish, organizmni keyingi yuklamalarga tayyorlash va umumiy funksional holatini tiklashga alohida e'tibor qaratildi. Bunday tiklanish mashg'ulotlari mavsum davomida sportchilarning yuqori sport formasini saqlash, jarohatlar xavfini kamaytirish va keyingi o'yin hamda mashg'ulotlarga sifatli tayyorgarlik ko'rishda muhim ahamiyat kasb etadi.

Mashg‘ulotlar davom etmoqda. Yangi mavsum va Superkubok sari tayyorgarlik qizg‘in tus olmoqda.

Bugungi mashg‘ulot BMB PFC uchun yana bir muhim voqea bilan yodda qoldi. Jamoaning braziliyalik legionerlari Alex Dias Da Silva va Jean Aldemiro Silva De Jesus Toshkentga yetib kelib, jamoa safiga rasman qo‘shildi. Endilikda ular ham mavsumoldi tayyorgarlik jarayonida jamoadoshlari bilan birga harakat qilmoqda.

Har bir mashg‘ulot, har bir daqiqa va har bir mehnat ortida bitta maqsad bor — yangi mavsumni sovrinlar bilan boshlash.

Oq yo‘lbarslar safi to‘liq shakllanmoqda. Oldinda esa yanada mas'uliyatli sinovlar va katta g‘alabalar kutmoqda.

BMB PFC — maqsad sari bir jamoa, bir kuch!

Bugun BMB Professional Futsal Club safidagi braziliyalik legionerlar — Alex Dias Da Silva va Jean Aldemiro Silva De Jesus O'zbekistonga yetib keldi.

🇺🇿🤝🇧🇷 Xush kelibsiz, Alex va Jean! Oq yo'lbarslar safida sizni yana ko'rishdan mamnunmiz.