Uzbekistan Weightlifting Federation

Call Directions Website Contact the business

Uzbekistan Weightlifting Federation •O'zbekiston Og'ir Atletika Federatsiyasining rasmiy sahifasi
•The Official page of The Weightlifting Federation of Uzbekistan

🤝 Qozog‘iston og‘ir atletika federatsiyasi vitse-prezidenti O‘zbekiston og‘ir atletika federatsiyasida mehmon bo‘ldiQozo...
02/06/2026

🤝 Qozog‘iston og‘ir atletika federatsiyasi vitse-prezidenti O‘zbekiston og‘ir atletika federatsiyasida mehmon bo‘ldi

Qozog‘iston og‘ir atletika federatsiyasi vitse-prezidenti Jambulat Ziadin O‘zbekiston og‘ir atletika federatsiyasiga tashrif buyurdi. Mehmonni O‘zbekiston og‘ir atletika federatsiyasi raisining birinchi o‘rinbosari Shaxrillo Maxmudov qabul qildi. Uchrashuv davomida ikki qardosh mamlakat o‘rtasidagi sport sohasidagi hamkorlik aloqalarini yanada rivojlantirish va mustahkamlash masalalari muhokama qilindi. Tomonlar og‘ir atletikani yanada rivojlantirish, terma jamoalarning xalqaro maydondagi raqobatbardoshligini oshirish hamda istiqboldagi yirik musobaqalarga birgalikda tayyorgarlik ko‘rish bo‘yicha fikr almashdilar. Shuningdek, ayni kunlarda O‘zbekistonda o‘tkazilayotgan qo‘shma o‘quv-mashg‘ulot yig‘inlarining samaradorligi alohida e’tirof etilib, bunday yig‘inlarni kelgusida xorijiy mamlakatlarda ham tashkil etish yuzasidan takliflar ilgari surildi.
—
🤝 Қазақстан ауыр атлетика федерациясының вице-президенті Өзбекстан ауыр атлетика федерациясында қонақ болды

Қазақстан ауыр атлетика федерациясының вице-президенті Жамбулат Зиадин Өзбекстан ауыр атлетика федерациясына ресми сапармен келді. Қонақты Өзбекстан ауыр атлетика федерациясы төрағасының бірінші орынбасары Шахрилло Махмудов қабылдады. Кездесу барысында бауырлас екі ел арасындағы спорт саласындағы ынтымақтастық байланыстарын одан әрі дамыту және нығайту мәселелері талқыланды. Тараптар ауыр атлетиканы дамыту, ұлттық құрамалардың халықаралық аренадағы бәсекеге қабілеттілігін арттыру, сондай-ақ алдағы ірі жарыстарға бірлесіп дайындалу бағыттары бойынша пікір алмасты.
Сонымен қатар, қазіргі уақытта Өзбекстанда өтіп жатқан бірлескен оқу-жаттығу жиындарының тиімділігі ерекше атап өтіліп, мұндай жиындарды келешекте шетел мемлекеттерінде де ұйымдастыру жөнінде ұсыныстар енгізілді.
Айта кету керек, соңғы жылдары Өзбекстан мен Қазақстан ауыр атлетика федерациялары арасындағы ынтымақтастық байланыстар жүйелі түрде дамып келеді. Екі елде тұрақты түрде бірлескен оқу-жаттығу жиындары ұйымдастырылып, спортшылар мен жаттықтырушылар арасында тәжірибе алмасу жолға қойылған.

🇺🇿🤝🇰🇿 O‘zbekiston va Qozog‘iston ayollar terma jamoalari Chirchiqda qo‘shma o‘quv-mashg‘ulot yig‘inini o‘tkazmoqdaAyni k...
02/06/2026

🇺🇿🤝🇰🇿 O‘zbekiston va Qozog‘iston ayollar terma jamoalari Chirchiqda qo‘shma o‘quv-mashg‘ulot yig‘inini o‘tkazmoqda

Ayni kunlarda Chirchiq shahrida O‘zbekiston va Qozog‘iston ayollar terma jamoalarining qo‘shma o‘quv-mashg‘ulot yig‘ini yuqori saviyada tashkil etilmoqda. Mazkur yig‘in davomida sportchilar murabbiylar rahbarligida mahoratlarini oshirib, o‘zaro tajriba almashish imkoniyatiga ega bo‘lmoqda.

Ta’kidlash joizki, O‘zbekiston va Qozog‘iston og‘ir atletika bo‘yicha jahon sportida yetakchi davlatlar qatoridan o‘rin olgan bo‘lib, har ikki mamlakat vakillari nufuzli xalqaro musobaqalarda muntazam ravishda yuqori natijalarni qayd etib kelmoqda. Shu bois, ikki terma jamoa ishtirokidagi ushbu qo‘shma yig‘in sportchilar va murabbiylar uchun katta amaliy ahamiyat kasb etmoqda.

Do‘stona va professional muhitda o‘tayotgan mashg‘ulotlar sportchilarning texnik va taktik tayyorgarligini yanada mustahkamlash, shuningdek, tajriba almashish orqali mahoratni oshirishga xizmat qilmoqda. Ayniqsa, oldinda turgan jahon chempionati, Osiyo o‘yinlari va boshqa yirik xalqaro musobaqalar arafasida bunday hamkorlik har ikki terma jamoa uchun muhim tayyorgarlik bosqichi hisoblanadi.

🇺🇿🤝🇰🇿 O‘zbekiston va Qozog’iston terma jamoalari Chirchiqda birgalikda mashg‘ulot olib bormoqdaAyni kunlarda Qozog‘iston...
30/05/2026

🇺🇿🤝🇰🇿 O‘zbekiston va Qozog’iston terma jamoalari Chirchiqda birgalikda mashg‘ulot olib bormoqda

Ayni kunlarda Qozog‘iston erkaklar terma jamoasi Chirchiq shahrida o‘quv-mashg‘ulot yig‘inini olib bormoqda. Mashg‘ulotlar O‘zbekiston kattalar terma jamoasi bilan birgalikda yuqori saviyada tashkil etilib, sportchilar uchun muhim tajriba almashish maydoniga aylanmoqda.

Mazkur yig‘inda Qozog‘iston terma jamoasi safida jahon chempionlari Artyom Antropov hamda Nurgisa Aduletuly kabi nomdor sportchilar ham ishtirok etmoqda. Kuchli sportchilar o‘rtasidagi birgalikdagi mashg‘ulotlar har ikki terma jamoaning mahoratini oshirish, jahon chempionati hamda Osiyo o‘yinlari kabi nufuzli xalqaro musobaqalar oldidan tayyorgarlikni yanada mustahkamlashga xizmat qilmoqda.

Do‘stona va professional ruhda o‘tayotgan ushbu o‘quv-mashg‘ulot yig‘ini 12-iyun sanasiga qadar davom etadi.

🇺🇿 O‘zbekiston terma jamoasi Osiyo chempionatini 6 ta medal bilan yakunladiXabaringiz bor, bir hafta davomida og‘ir atle...
17/05/2026

🇺🇿 O‘zbekiston terma jamoasi Osiyo chempionatini 6 ta medal bilan yakunladi

Xabaringiz bor, bir hafta davomida og‘ir atletika ixlosmandlarining nigohi Hindistonning Gandinagar shahriga qaratildi. Aynan shu shaharda kattalar o‘rtasidagi Osiyo chempionati bo‘lib o‘tdi.

Qit’aning eng kuchli atletlari jam bo‘lgan nufuzli musobaqada 28 mamlakatdan 178 nafar sportchi Osiyo chempionligi uchun bahs olib bordi. Chempionat kutilganidek yuqori saviya, keskin raqobat va murosasiz bellashuvlarga boy tarzda o‘tdi. Musobaqa davomida bir qator Osiyo hamda jahon rekordlari ham qayd etildi.

Quvonarlisi, Jurabek Zairov va Abror Tojimirzayev murabbiyligidagi O‘zbekiston terma jamoasi vakillari ham musobaqada munosib ishtirok etishdi. 6 nafar sportchi bilan qatnashgan terma jamoamiz Osiyo chempionatini 1 ta oltin, 4 ta kumush va 1 ta bronza, jami 6 ta medal bilan yakunladi. Shuningdek, yana ikki nafar hamyurtimiz musobaqani kuchli to‘rtlikdan joy olgan holda tugatdi.

G‘olib va sovrindorlar:

🥇 Oltin medal:
-88 kg: Sarvar Zafarjonov — 169 kg (dast ko‘tarish)

🥈 Kumush medallar:
-94 kg: Muhammadqodir Toshtemirov — 166 kg (dast ko‘tarish)
-94 kg: Muhammadqodir Toshtemirov — 207 kg (siltab ko‘tarish)
-94 kg: Muhammadqodir Toshtemirov — 373 kg (ikki kurash)

+110 kg: Amir Abdullayev — 189 kg (dast ko‘tarish)

🥉 Bronza medal:
Abdulaziz Alimjonov — 191 kg (siltab ko‘tarish)

O‘zbekiston og‘ir atletika terma jamoasini ushbu muvaffaqiyat bilan tabriklaymiz va sportchilarimizga kelgusi musobaqalarda yanada ulkan zafarlar tilaymiz!

🇺🇿🥈 Amir Abdullayev Osiyo chempionatining kumush medalini qabul qilib oldi!E’tiborlisi, Amir Abdullayev 2025-yilda Xitoy...
17/05/2026

🇺🇿🥈 Amir Abdullayev Osiyo chempionatining kumush medalini qabul qilib oldi!

E’tiborlisi, Amir Abdullayev 2025-yilda Xitoyning Jiangshan shahrida bo‘lib o‘tgan kattalar o‘rtasidagi Osiyo chempionatida dast ko‘tarish bahsida 182 kg natija qayd etib, bronza medaliga sazovor bo‘lgan edi.

Bu yil esa hamyurtimiz o‘z natijasini yanada yaxshilab, 189 kg toshni bo‘ysundirdi va Osiyo chempionatining kumush medalini qo‘lga kiritdi.

Natijalar o‘smoqda, tajriba ortmoqda. Balki keyingi yil — oltin medaldir!

Iqtidorli sportchimizni ushbu yutuq bilan muborakbod etamiz va kelajakdagi faoliyatiga ulkan zafarlar yor bo‘lishini tilaymiz!

📸 Muhammadqodir Toshtemirov Osiyo chempionatining kumush medallarini qabul qilib oldi.Muhammadqodir tarix yozishda davom...
16/05/2026

📸 Muhammadqodir Toshtemirov Osiyo chempionatining kumush medallarini qabul qilib oldi.

Muhammadqodir tarix yozishda davom etadi. Ushbu yuksak muvaffaqiyat bilan sportchimiz Muhammadqodir Toshtemirovni, uning ustoz va murabbiylarini hamda oila a’zolarini samimiy muborakbod etamiz.

Ma’lumot o’rnida aytib o’tamiz, ayni vaqtga qadar O‘zbekiston terma jamoasi Osiyo chempionatida 1 ta oltin, 3 ta kumush hamda 1 ta bronza jami 5 ta medalni qo‘lga kiritdi.

🇺🇿 🥈 Muhammadqodir Toshtemirov — Osiyo chempionati kumush medali sohibi!Hindistonda o‘tayotgan Osiyo chempionatidan navb...
16/05/2026

🇺🇿 🥈 Muhammadqodir Toshtemirov — Osiyo chempionati kumush medali sohibi!

Hindistonda o‘tayotgan Osiyo chempionatidan navbatdagi quvonchli xabar yetib keldi. -94 kg vazn toifasida dast ko‘tarish bahslari yakuniga ko‘ra, hamyurtimiz Muhammadqodir Toshtemirov 161 kg hamda 166 kg og‘irlikdagi toshlarni muvaffaqiyatli bo‘ysundirdi va musobaqaning kumush medalini qo‘lga kiritdi. Sportchimiz siltab ko’tarish yo’nalishida 195 kg, 201 kg va 207 kg og‘irlikdagi toshlarni ketma-ket muvaffaqiyatli ko‘tarib, yana bir bor shohsupaga ko‘tarildi hamda kumush medalni qo‘lga kiritdi.
Ikki kurash yakunlariga ko‘ra, Muhammadqodir 373 kg natija qayd etib, Osiyo chempionatining yana bir kumush medali sohibiga aylandi.

🥇 Kun qahramoni — Sarvar Zafarjonov!Kuchli raqobat va murosasiz kurashlar ostida o‘tgan -88 kg vazn toifasida hamyurtimi...
15/05/2026

🥇 Kun qahramoni — Sarvar Zafarjonov!

Kuchli raqobat va murosasiz kurashlar ostida o‘tgan -88 kg vazn toifasida hamyurtimiz, Toshkent viloyati sportchisi Sarvar Zafarjonov yana bir bor o‘z mahorati va matonatini namoyish etdi.

Qayd etish joiz, ushbu natija sportchimizning faoliyatidagi Osiyo chempionatlaridagi uchinchi shohsupasi bo‘ldi. Eng ahamiyatlisi, Sarvar bu safar o‘zining medallar kolleksiyasini navbatdagi oltin medal bilan boyitdi.

Ushbu yorqin muvaffaqiyat bilan Sarvar Zafarjonovni, uning ustoz va murabbiylarini, oila a’zolarini hamda barcha og‘ir atletika muxlislarini samimiy muborakbod etamiz!

🥇🇺🇿 Sarvar Zafarjonov — Osiyo chempioni!Hindistondan quvonchli xabarlar kelishda davom etmoqda. Hozirgina erkaklar o‘rta...
15/05/2026

🥇🇺🇿 Sarvar Zafarjonov — Osiyo chempioni!

Hindistondan quvonchli xabarlar kelishda davom etmoqda. Hozirgina erkaklar o‘rtasidagi -88 kg vazn toifasida dast ko‘tarish bahslari yakunlandi.

Tajribali hamyurtimiz Sarvar Zafarjonov 169 kg og‘irlikdagi toshni muvaffaqiyatli ko‘tarib, Osiyo chempionatining oltin medaliga sazovor bo‘ldi hamda delegatsiyamiz hisobiga navbatdagi yuksak natijani taqdim etdi.

Eng quvonarlisi, Sarvar musobaqa favoriti deya baholangan Xitoy hamda Shimoliy Koreyalik kuchli raqiblarini ortda qoldirib, o‘zining katta tajribasi va chempionlik xarakterini yana bir bor namoyish etdi.

🥉🇺🇿 Osiyo chempionati sovrindori — Abdulaziz Alimjonov!Yosh va iqtidorli sportchimiz Abdulaziz Alimjonov yana bir bor xa...
14/05/2026

🥉🇺🇿 Osiyo chempionati sovrindori — Abdulaziz Alimjonov!

Yosh va iqtidorli sportchimiz Abdulaziz Alimjonov yana bir bor xalqaro maydonda o‘z mahoratini namoyish etdi. E’tiborlisi, u yoshlar o‘rtasidagi Osiyo chempionligi ortidan endi kattalar o‘rtasidagi Osiyo chempionatida ham shohsupaga ko‘tarilib, medallar jamg‘armasini navbatdagi yirik yutuq bilan boyitdi.

Hamyurtimiz bu safar ham o‘zi uchun omadli bo‘lib kelayotgan siltab ko‘tarish yo‘nalishida muvaffaqiyat qozonib, Osiyo chempionatining bronza medaliga sazovor bo‘ldi.

Ushbu muvaffaqiyat bilan sportchimiz Abdulaziz Alimjonovni, uning ustoz va murabbiylarini, oila a’zolarini hamda barcha og‘ir atletika muxlislarini samimiy muborakbod etamiz!

Address

Чиланзар Фуркат 15/1
Tashkent

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00
Saturday 09:00 - 18:00

Telephone

+998712455590

Website

Alerts

Be the first to know and let us send you an email when Uzbekistan Weightlifting Federation posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Uzbekistan Weightlifting Federation:

Shortcuts

Share

Category