O'zbekiston Taekvondo WTF Assotsiatsiyasi

🇺🇿🥋Taekvondo WT sport turini rivojlantirish yo’lida hamkorlik memorandumi imzolandi

O’zbekiston taekvondo WT assosiatsiyasi hamda Toshkent Kimyo xalqaro universiteti o‘rtasida hamkorlik memorandumini imzolash marosimi bo‘lib o‘tdi.

Mazkur memorandum sportni rivojlantirish, yoshlar o‘rtasida sog‘lom turmush tarzini targ‘ib qilish, taekvondo WT sport turini talabalar o’rtasida ham keng ommalashtirish hamda iqtidorli sportchilarni qo‘llab-quvvatlashga qaratilgan.

Tomonlar kelgusida qo‘shma loyihalar, sport tadbirlari, seminar va treninglarni tashkil etish orqali samarali hamkorlikni rivojlantirishga kelishib oldilar.

Yoshlarimiz Belarusdagi xalqaro turnirni muvaffaqiyatli yakunlashdi

Belarus mamlakatida tashkil etilgan xalqaro o‘quv-mashg‘ulot yig‘inida ishtirok etgan O‘zbekiston yoshlar terma jamoasi Minsk shahrida o‘tkazilgan “Kubok silneyshix sportsmenov” xalqaro turnirida bahs olib bordi.

Quvonarlisi, musobaqada vakillarimiz 6 ta oltin, 5 ta kumush hamda 5 ta bronza, jami 16 ta medalga ega chiqishdi.

🥇Oltin:

Shohjahon Xolmurodov (45 kg)
Yosinbek Odilov (48 kg)
Asadbek Samandarov (51 kg)
Omadbek Otabekov (68 kg)
Samira Hayitova (44 kg)
Sitora Asrorova (+68 kg).

🥈Kumush:

Farhod Qosimov (45 kg)
Shermuhammad Qaxxorov (48 kg)
Azizbek Murodov (59 kg)
Zuhra Ismoilboyeva (42 kg)
Farangis Mahkamboyeva (49 kg).

🥉Bronza:

Ayubxon Nabiyev (68 kg)
Axadjon Muxtorov (78 kg)
Alisher Pak (+78 kg)
Rushanaxon Ravshanova (55 kg)
Viktoriya Denisenko (59 kg).

🌹🌸Bayramingiz muborak bo‘lsin munis ayollar va dilbar qizlar!

O‘zbekiston taekvondo WT assotsiatsiyasi nomidan sizlarni 8-mart – Xalqaro xotin qizlar kuni bilan muborakbod etamiz!

Hayot yo‘lingiz va ishlaringiz davomida ulkan muvaffaqiyat va omadlar yor bo‘lsin. Har qanday omadsizlik sizlarni chetlab o‘tsin. Qalbingiz hamisha quvonch va shod-u xurramlikka to‘lib yurishini chin dildan tilab qolamiz. Oilangizdan baraka, tanangizdan sog‘lik, yuzingizdan tabassum hech qachon arimasin.

Sizlar kuchli va irodalisiz. Yanada yangi marralarni zabt etishda sizga omad yor bo‘lsin!

Fursatdan foydalanib, O‘zbekiston taekvondo WT assotsiatsiyasi sizlarni yana bir bor 8-mart bayrami bilan muborakbod etadi. Aziz ayollarimiz, barchangizga bahoriy kayfiyat, yorqin va unutilmas kun hamroh bo‘lishini chin dildan tilab qolamiz.

Yuzingizni tabassum, qalbingizni mehr-muhabbat aslo tark etmasin!

Prezident kubogi: yosh taekvondochilar bellashuvida Toshkent shahri jamoasi g‘olib!

Xabar berganimizdek, Qashqadaryoning Qarshi shahrida taekvondo WT bo‘yicha yoshlar o‘rtasida O‘zbekiston Respublikasi Prezidenti kubogi musobaqasi o’tkazildi.

Musobaqa yakunlariga ko‘ra umumjamoa hisobida:

🥇 1-o‘rin — Toshkent shahri jamoasi
🥈 2-o‘rin — Toshkent viloyati jamoasi
🥉 3-o‘rin — Farg‘ona viloyati jamoasiga nasib etdi.

G‘olib va sovrindor jamoalar tantanali ravishda taqdirlandi. Birinchi o‘rinni qo‘lga kiritgan jamoaga maxsus kubok topshirildi. Shuningdek, sovrindorlarga diplom, medal hamda qimmatbaho sovg‘alar topshirildi.

🇺🇿🥋Toshkent shahrida uzluksiz o‘quv-mashg‘ulot yig‘inlari davom etmoqda

Xabaringiz bor, taekvondo WT bo‘yicha terma jamoalarimiz uchun yil boshidan buyon muntazam ravishda o‘quv-mashg‘ulot yig‘inlari o‘tkazib kelinmoqda. Hozirgi k***a mazkur o‘quv-mashg‘ulot yig‘inlari “Yangi O‘zbekiston Olimpiya cho‘qqilari” musobaqasi g‘olib va sovrindorlari, barcha viloyatlardan kelgan yosh va iste’dodli taekvondochilar, yoshlar terma jamoasi, kattalar terma jamoasi, shuningdek, Ozarbayjon milliy terma jamoasi ishtirokida o‘tkazilmoqda.

Qo‘shma o‘quv-mashg‘ulot yig‘inidan ko‘zlangan asosiy maqsad — terma jamoaga nomzod sportchilarni saralash, oldinda turgan nufuzli va kompleks musobaqalarga, jumladan, Toshkent mezbonligida o‘tadigan yoshlar o‘rtasidagi Jahon chempionatiga munosib tayyorgarlik ko‘rishdir.

🇺🇿🥋O‘zbekiston taekvondo WT assotsiatsiyasi barcha yurtdoshlarimizni mehr-oqibat, xayr-saxovat va mag‘firat oyi bo‘lmish muqaddas Ramazon oyi bilan muborakbod etadi!

🇺🇿🥋Milliy terma jamoamiz Toshkentda o‘quv-mashg‘ulot yig‘inini o‘tkazmoqda

Taekvondochilarimizni mart oyida navbatdagi xalqaro musobaqa kutmoqda.

Ushbu turnirga puxta tayyorgarlik ko‘rish maqsadida Pavel Xan boshchiligidagi O‘zbekiston taekvondo terma jamoasi Toshkent shahrida o‘quv-mashg‘ulot yig‘iniga kirishdi. Unda 40 nafardan ziyod sportchilar ishtirok etmoqda.

Yig‘in 27-fevralga qadar davom etishi belgilangan.

🇺🇿🥋Jahon chempionatining g’olib va sovrindorlari Surxondaryoda munosib taqdirlandi

Bugun Surxondaryo viloyati hokimi Ulug‘bek Qosimov taekvondo WT bo‘yicha O’zbekiston milliy terma jamoasi a’zolari, Jahon chempionatida g‘olib va sovrindor bo‘lgan surxondaryolik sportchilar bilan uchrashdi.

Uchrashuv davomida sportchilarning erishgan yutuqlari, xususan, Najmiddin Qosimxojiyevning Jahon chempionatida oltin medal, Jahongir Xudoyberdiyevning esa bronza medalga sazovor bo‘lgani alohida e’tirof etilib, sportchilar munosib taqdirlandi.

🇺🇿🥋🏆Yoshlar terma jamoamiz ham “Fujayra Open” xalqaro musobaqasida muvaffaqiyatli ishtirok etdi

Kecha Birlashgan Arab Amirliklarining Fujayra shahrida taekvondo WT bo’yicha 13-“Fujayra Open-2026” xalqaro musobaqasining yoshlar o’rtasidagi bellashuvlari tashkil etildi.

Quvonarlisi, unda ishtirok etgan katta tarkibdagi yoshlarimiz 7 ta oltin, 6 ta kumush va 13 ta bronza, jami 26 ta medal jamg’arishga muvaffaq bo’ldi.

🥇Oltin:

-48 kg: Shermuhammadxon Qaxxorov
-51 kg: Konstantin Brostovskiy
+78 kg: Alisher Pak
-44 kg: Samira Hayitova
-46 kg: Kamila Sultanova
-52 kg: Nozima Abdujabborova
-55 kg: Odina Jo’raboyeva.

🥈Kumush:

-73 kg: Nikita Bibikov
-78 kg: Jasurbek Mamadaliyev
-46 kg: Diyora Ismatova
-55 kg: Omina Ergasheva
-59 kg: Viktoriya Denisenko
-68 kg: Feruza Ernazarova.

🥉Bronza:

-45 kg: Islombek Akchurin
-48 kg: Iskendar Medreyimov
-51 kg: Yosinbek Odilov
-78 kg: Ozodbek Risbekov
-78 kg: Asadbek Aminov
-42 kg: Zuxra Ismoilboyeva
-46 kg: Farangiz Mirmanova
-49 kg: Farangiz Mahkamboyeva
-52 kg: Gulyora Orifjonova
-55 kg: Mabruraxon Ne’matjonova
-68 kg: Nilufar Sapayeva
-68 kg: Arina Babushkina
+68 kg: Sitora Asrorova.

Taekvondochilarimiz “Fujayrah Open” turnirida 14 ta medal jamgʻarishdi

BAAning Fujayra shahrida taekvondo WT boʻyicha “Fujayrah Open - 2026” xalqaro musobaqasi boʻlib oʻtdi. Mavsumdagi ilk xalqaro turnirida ishtirok etgan Oʻzbekiston terma jamoasi 2 ta oltin, 6 ta kumush va 6 ta bronza medallariga sazovor boʻldi.

🥇 Oltin medal:
-74 kg: Najmiddin Qosimhojiyev
-87 kg: Yodgor Joʻraboyev

🥈 Kumush medal:
-58 kg: Omonjon Otajonov
-74 kg: Mironshoh Muzaffarov
-80 kg: Jasur Jaysunov
+87 kg: Marat Mavlonov
-53 kg: Sofiya Xan
-57 kg: Madina Mirabzalova

🥉 Bronza medal:
-58 kg: Kamron Mansurov
-63 kg: Shamsiddin Qurbonov
-68 kg: Diyor Toʻxliboyev
-53 kg: Laylo Zaynitdinova
-62 kg: Sevinch Xayitova
+73 kg: Iroda Mirtojiyeva
—
Наши таэквондисты завоевали 14 медалей на турнире «Fujayrah Open»

В городе Фуджейра (ОАЭ) состоялся международный турнир по таэквондо WT «Fujayrah Open – 2026». В своём первом международном старте сезона сборная Узбекистана добилась значительного успеха, завоевав 2 золотые, 6 серебряных и 6 бронзовых медалей.

🥇 Золотые медали:
-74 кг: Нажмиддин Косимходжиев
-87 кг: Ёдгор Журабоев

🥈 Серебряные медали:
-58 кг: Омонжон Отажонов
-74 кг: Мироншох Музаффаров
-80 кг: Жасур Жайсунов
+87 кг: Марат Мавлонов
-53 кг: София Хан
-57 кг: Мадина Мирабзалова

🥉Бронзовые медали:
-58 кг: Камрон Мансуров
-63 кг: Шамсиддин Курбонов
-68 кг: Диёр Тухлибоев
-53 кг: Лайло Зайнитдинова
-62 кг: Севинч Хайитова
+73 кг: Ирода Миртоджиева

O’zbekiston taekvondo WT assotsiatsiyasining yillik xisobot-konferensiyasi o‘tkazildi

Bugun O‘zbekiston taekvondo WT assotsiatsiyasida O’zbekiston Milliy Olimpiya qo’mitasi raisi o’rinbosari, O‘zbekiston taekvondo WT assotsiatsiyasi raisi Sherzod Tashmarov boshchiligida yakuniga yetgan 2025-yil bo’yicha sarhisob yig‘ilishi o‘tkazildi.

Unda assotsiatsiya tomonidan taekvondo WT sportini yanada rivojlantirish yo’lida bajarilgan ishlar, shuningdek, viloyat bo‘limi rahbarlari yil davomida amalga oshirilgan ishlar yuzasidan hisobot berishdi. 2026-yil davomida taekvondo WT sport turini Respublika bo’ylab ommaviyligini oshirish yuzasidan tashkil etilishi zarur chora-tadbirlar muhokama qilindi.

🇺🇿🫡Bayramingiz muborak bo‘lsin, Vatanimiz himoyachilari!

O‘zbekiston taekvondo WT assotsiatsiyasi “14-yanvar – Vatan himoyachilari kuni” munosabati bilan barchani chin dildan samimiy muborakbod etadi.

Ushbu qutlug‘ ayyom tom ma’nodagi umumxalq bayramiga, azaldan xalqimizga xos bo‘lgan vatanparvarlik, mardlik va jasurlik kabi yuksak fazilatlar timsoliga aylanib borayotgani barchamizni quvontiradi.

O‘zbekiston Respublikasi Qurolli Kuchlari tashkil etilganining 34 yilligi hamda Vatan himoyachilari kuni bilan Sizni va oila a’zolaringizni yana chin yurakdan tabriklaymiz.

Barchangizga mustahkam sog‘liq, oilaviy baxt va saodat, sharafli va mas’uliyatli faoliyatingizda ulkan zafarlar tilaymiz. Xalqimizning yuksak ishonchi va hurmat-ehtiromi sizlarga hamisha yor bo‘lsin!

Yana bir bor bayramingiz muborak bo‘lsin, aziz Vatan himoyachilari!