K.F TEFIK ÇANGA

Në emër të KF Tefik Çanga, shprehim ngushëllimet tona më të sinqerta familjes Bunjaku, miqve, bashkëlojtarëve, klubeve ku ai zhvilloi karrierën e tij, si dhe gjithë komunitetit sportiv që pati fatin ta njohë dhe ta vlerësojë.

Në këto çaste të rënda, ndajmë dhimbjen me të gjithë ata që po përballen me këtë humbje të madhe.

🕊️ Qoftë i përjetshëm kujtimi për të dhe u prehtë në paqe.

KF Tefik Çanga

🙏 Faleminderit Sponsorëve të KF Tefik Çanga

Përfundimi i sezonit 2025/26 është një moment që duhet të shprehim falenderimet për sponsorët e klubit tonë. Si një skuadër e sapo inkuadruar në Ligën e Parë të Kosovës, arritëm të dëshmojmë se me vizion, punë dhe përkushtim mund të përballohen edhe sfidat më të mëdha.

Nën udhëheqjen e presidentit Valon Musliu, dhe me besimin e vazhdueshëm të sponsorëve tanë, ndërtuam një sezon që na bëri krenarë të gjithëve. Treguam futboll cilësor, karakter të fortë dhe shpirt garues, duke dëshmuar se KF Tefik Çanga është një skuadër që nuk dorëzohet dhe lufton deri në fund për çdo objektiv.

Asnjë sukses nuk arrihet i vetëm. Përkrahja juaj financiare, morale dhe besimi që i keni dhënë projektit tonë kanë qenë një forcë shtytëse në çdo hap të rrugëtimit tonë. Ju nuk keni qenë vetëm sponsorë të klubit, por partnerë të rëndësishëm në ndërtimin e një historie që sapo ka filluar.

Në emër të kryesisë së klubit, stafit, futbollistëve, tifozëve dhe gjithë familjes së KF Tefik Çanga, ju shprehim mirënjohjen tonë më të sinqertë. Faleminderit që besuat në ne, faleminderit që qëndruat pranë nesh dhe faleminderit që vazhdoni të jeni pjesë e këtij rrugëtimi.

Sezoni përfundoi, por ambiciet tona vetëm sa janë rritur. Me mbështetjen tuaj, do të vazhdojmë të punojmë me përkushtim për të realizuar çdo objektiv dhe për ta çuar KF Tefik Çanga drejt sukseseve edhe më të mëdha.

Ju jeni një nga shtyllat kryesore të këtij klubi. Faleminderit për besimin dhe përkrahjen e pakursyer! 🤝⚽️

KF Tefik Çanga dhe Presidenti i klubit, z. Valon Musliu, shprehin urimet më të sinqerta për KH. Kastrioti 1958 Ferizaj me rastin e shpalljes kampion i Kosovës për sezonin 2025/26.

Fitimi i Kupës së Kosovës dhe kurorëzimi me titullin kampion të Kosovës në të njëjtin sezon është dëshmi e qartë e cilësisë, dominimit, disiplinës dhe përkushtimit që klubi juaj ka treguar gjatë gjithë kampionatit.

Ky sukses i madh është rezultat i një pune të vazhdueshme, organizimi profesional dhe angazhimi të palodhshëm të lojtarëve, stafit teknik dhe drejtuesve të klubit, duke konfirmuar KH Kastriotin si një nga emrat më të rëndësishëm të hendbollit kosovar.

Jemi krenarë që një klub nga qyteti ynë vazhdon të arrijë rezultate të tilla dhe ta përfaqësojë Ferizajn me dinjitet në arenën sportive.

Ju urojmë suksese të mëtejshme, trofe të rinj dhe vazhdim të rrugëtimit të suksesshëm në vitet që vijnë.

Urime titulli kampion dhe fitimi i Kupës së Kosovës!

Në emër të KF Tefik Çanga

Me rastin e festës së shenjtë të Kurban Bajramit, ju urojmë të gjithë besimtarëve muslimanë paqe, shëndet, harmoni dhe begati në familjet tuaja. 🌙

Qoftë kjo festë simbol i solidaritetit, respektit dhe afërsisë mes njëri-tjetrit, duke sjellë më shumë mirësi, lumturi dhe suksese për të gjithë.

Gëzuar Kurban Bajramin! 🤍💙

KF Tefik Çanga dhe Presidenti i klubit, z. Valon Musliu shprehin urimet më të sinqerta për FC Mitrovica me rastin e shpalljes kampion i Ligës së Dytë dhe sigurimit të inkuadrimit në Ligën e Parë të Kosovës, si dhe për KF Lepenci për arritjen e inkuadrimit në Ligën e Parë.

Të dyja klubet gjatë gjithë sezonit kanë dëshmuar organizim, përkushtim, profesionalizëm dhe vazhdimësi në punë, duke e merituar plotësisht suksesin e arritur në fund të kampionatit.

Arritje të tilla janë vlerë për futbollin kosovar dhe tregojnë se puna e mirë, serioziteti dhe projekti i qartë sportiv gjithmonë shpërblehen.

Ju urojmë shumë suksese në sezonin e ri në Ligën e Parë, stabilitet, rezultate pozitive dhe arritje të tjera në vazhdim.

HALF-TIME!

WARM UP🔥

📍Stadiumi i qytetit - SUHAREKË

🚌AWAY MATCHDAY
🆚 FC SUHAREKA
🏟️ Stadiumi i QYTETIT " Suhareke "

RAIFFEISEN Liga e Parë – Java 34 ⚽️

FC Suhareka 🆚 KF Tefik Çanga

🗓️ 23 Maj 2026 | e Shtunë
🕑 Ora: 16:00
🏟️ Stadiumi i Qytetit – Suharekë

Të shtunën zhvillojmë ndeshjen e fundit për këtë sezon.

Pas një sezoni të jashtëzakonshëm si debutues në Ligën e Parë të Kosovës, treguam cilësitë tona dhe identitetin e ekipit që jemi. Treguam profesionalizëm, futboll cilësor dhe dëshmuam se ky projekt ka potencial të madh për të ardhmen. 💙

Por projekti ynë nuk ndalet këtu. Në sezonin e ri do të hyjmë edhe më fuqishëm, me objektiva shumë më të mëdha dhe me ambicie edhe më të larta.

Falënderojmë sponsorët tanë për mbështetjen e vazhdueshme gjatë gjithë sezonit. Bashkë do të vazhdojmë rrugëtimin edhe në sezonin e ri, me mbështetje edhe më të madhe.

Falënderojmë gjithashtu tifozët tanë besnikë — ata që ishin pranë nesh në çdo ndeshje dhe besuan te ky ekip nga dita e parë. 👏

Së bashku do të vazhdojmë të luftojmë për ngjyrat tona, për fanellën dhe për historinë e këtij klubi.

FORCA TEFIK ÇANGA 💙