11/10/2026
SH.F U15 1:0 SH.F Ferizaj U15
⚽ Erik Sherifi 50’
ME KARAKTER, PORTË E PAPREKUR!
Java 3, dhe + 3 pikë më shumë. ShF KF Çeliku vazhdon të dëshmojë se talenti, puna dhe karakteri ndërtojnë rezultate!
Pas paraqitjes brilante në xhiron e kaluar, djelmoshat tanë dhuruan edhe një tjetër ndeshje mbresëlënëse. Lojë e rrjedhshme, pasime të sakta, aksione të shpejta dhe raste të shumta për gol. Dominim në lojë, kreativitet në aksione dhe besim deri në fund!
Dhe kur fitorja kërkonte një moment magjie, u shfaq Erik Sherifi! Në minutën e 50-të, Eriku vulosi fitoren me golin që bëri diferencën.
Merita të veçanta edhe për portierin tonë, i cili për ndeshjen e dytë radhazi e mbyll portën të paprekur!
Pati edhe gabime e raste të humbura, por ajo që na gëzon më shumë se rezultati është mënyra si po rriten, po luajnë dhe po zhvillohen këta djelmosha. Ne nuk po ndërtojmë vetëm fitore, por futbollistë për të ardhmen!
Këtë javë, gjenerata U13 nuk e pati ditën e saj. Një fillim i vështirë na kushtëzoi lojën, ndërsa në pjesën e dytë djemtë u përpoqën të riktheheshin, por pa arritur rezultatin e dëshiruar.
Megjithatë, zhvillimi i talentëve nuk matet vetëm me rezultatet. Edhe kur përballemi me vështirësi, ne vazhdojmë të punojmë, të mësojmë dhe të rritemi. Fakti që në disa ndeshje po aktivizohemi edhe me futbollistë të kategorive më të reja e bën këtë proces edhe më sfidues, por njëkohësisht të vlefshëm për të ardhmen.
Çeliku nuk ndalet! Çdo ndeshje është një hap përpara, çdo gabim është mësim dhe çdo talent meriton mundësinë për t'u rritur!
