Klubi i Volejbollit Ferizaj

🏆 NJË TJETËR SEZON HISTORIK PËR KV FERIZAJ

Sezoni 2025/26 do të mbetet një nga më të suksesshmit në historinë e klubit tonë. Me punë, përkushtim dhe profesionalizëm, KV Ferizaj arriti të kurorëzojë një vit të jashtëzakonshëm me dy trofe të rëndësishëm – Kupën e Pavarësisë 🇽🇰🇦🇱, të fituar për herë të parë në historinë e klubit, dhe Titullin Kampion të Kosovës, duke dëshmuar vazhdimësinë e suksesit në elitën e volejbollit kosovar.

Përveç këtyre sukseseve, skuadra jonë ishte finaliste e Kupës së Federatës, gjysmëfinaliste e Kupës së Kosovës dhe gjysmëfinaliste e Ligës “Gjergj Kastrioti”, duke qenë konkurruese në çdo garë ku mori pjesë. Një arritje e veçantë ishte edhe pjesëmarrja në CEV Challenge Cup, ku përfaqësuam me krenari Kosovën dhe qytetin e Ferizajt në arenën evropiane.

Këto rezultate janë fryt i punës dhe përkushtimit të lojtarëve, trajnerëve, stafit teknik dhe menaxhues, të cilët dhanë maksimumin gjatë gjithë sezonit. Mirënjohje për trajnerin Mentor Gashi, i cili udhëhoqi ekipin drejt triumfit në Kupën e Pavarësisë, si dhe për trajnerin Butrint Bytyçi, i cili arriti të mbrojë titullin kampion. Së bashku me ndihmësit Arianit Aliu dhe Astrit Bajrami, ata formuan një staf teknik të suksesshëm dhe profesional.

Falënderime të veçanta për sponsorët tanë, për Komunën e Ferizajt dhe për Federatën e Volejbollit të Kosovës për mbështetjen dhe bashkëpunimin e vazhdueshëm.

Dy trofe, finale, gjysmëfinale, pjesëmarrje evropiane dhe shumë momente krenarie – një sezon që dëshmon se KV Ferizaj vazhdon të rritet dhe të synojë gjithmonë majat e volejbollit.

KV Ferizaj vazhdon përpara me ambicie edhe më të mëdha për sezonin e ardhshëm!💙

Urime Klubi i Hendbollit Kastrioti për titullin kampion, shumë suksese në vazhdim!🏆

KH Kastrioti dhe bordi drejtues shprehin urimet më të sinqerta për Klubin e Volejbollit Ferizaj me rastin e shpalljes kampion i Kosovës në volejboll. 🏆

Ky titull është rezultat i punës së palodhshme, disiplinës dhe përkushtimit të vazhdueshëm që keni treguar gjatë gjithë sezonit.

Ky sukses përfaqëson një arritje të rëndësishme për sportin në qytetin tonë dhe një motivim për të gjithë ne që të synojmë gjithmonë më lart.

Ju urojmë shumë suksese në vazhdim dhe trofe të tjerë në të ardhmen! 👏

Me respekt,
KH Kastrioti & Bordi Drejtues

Faleminderit për mbështetjen Kryetar z. , Drejtorit të Sportit z. dhe Drejtorit të Urbanizmit z. Arbër Bytyqi🥇

Faleminderit për mbështetjen Kryetar z. Agim Aliu, Drejtorit të Sportit z. Gazmend Bytyçi dhe Drejtorit të Urbanizmit z. Arbër Bytyqi🥇

🏆 BASHKOHU ME EKIPIN KAMPION! 🏆

Hapet regjistrimi në akademinë e volejbollit të KV Ferizaj për grupmoshat 10–17 vjeç! 💙🏐

✅ Stërvitje profesionale
✅ Zhvillim i teknikës dhe disiplinës
✅ Punë ekipore dhe atmosferë kampionësh

📍 Palestra e Gjimnazit “Kuvendi i Arbërit” – Ferizaj
🗓 E hënë, e mërkurë dhe e premte
🕗 Nga ora 20:00

📞 048-197-277
📸 Instagram: .acadamey_
📘 Facebook: Klubi Volejbollit Ferizaj

Sot kishim kënaqësinë të kalonim momente të bukura në ambientet e Natural Pool & Spa, pas shpalljes kampionë të Kosovës.

KV Ferizaj falënderon stafin dhe menaxhmentin e Natural Pool & Spa për mikpritjen e ngrohtë, respektin dhe atmosferën e mrekullueshme që na ofruan. Ishte një kënaqësi e veçantë të festojmë këtë sukses në mesin tuaj dhe të ndajmë emocionet e titullit kampion.

Mirënjohës për përkrahjen dhe dashamirësinë tuaj🏆🤍

FALEMINDERIT KAPITEN, DURIM REXHEPI💙

KV Ferizaj dëshiron të shprehë mirënjohjen më të sinqertë për kapitenin tonë legjendar, Durim Rexhepi, për gjithë kontributin e jashtëzakonshëm të dhënë ndër vite për klubin tonë.

Durimi ka qenë gjithmonë një shembull i vërtetë për përkushtim, disiplinë dhe profesionalizëm – një lojtar për t’u marrë shembull brenda dhe jashtë fushës. Falë angazhimit dhe lidershipit të tij, së bashku kemi arritur suksese të mëdha, kemi fituar trofe të rëndësishëm dhe kemi përfaqësuar klubin tonë me dinjitet në garat ndërkombëtare.

Jemi jashtëzakonisht mirënjohës për gjithçka që ka dhënë për KV Ferizaj dhe krenarë për rrugëtimin e përbashkët.

Suksese në rrugëtimin tënd të mëtejmë! Ferizaj do të jetë gjithmonë shtëpia jote.🏆