KVF Libero

13/10/2026

🏐🌟

23/09/2026

🏐 GATI PËR SEZONIN E PARË! 💙

Me shumë entuziazëm po ndajmë kalendarin e ndeshjeve për sezonin vjeshtor 2026/27 në Ligën e Parë të Femrave.

Ky kampionat është i veçantë për ne, pasi KVF Libero do të marrë pjesë për herë të parë në garat me ekipin e senioreve. Pas shumë pune dhe përkushtimi, vajzat tona janë gati ta përfaqësojnë klubin dhe Fushë Kosovën në këtë rrugëtim të ri.

Na presin shtatë ndeshje, shumë emocione dhe sfida të bukura. Presim mbështetjen tuaj në secilin hap! 🙌

Historia jonë në kampionat fillon këtu! 💙🤍

22/09/2026

18/09/2026

🏐 KOSOVA 4×4 VOLLEY FEST 2026

Këtë të diel, Fushë Kosova bëhet nikoqire e një aktiviteti të veçantë sportiv për vajzat U18, me ndeshje dinamike në formatin 4×4, atmosferë festive dhe shpërblime për ekipet fituese! 🏆

📅 E diel, 20 shtator 2026
⏰ 15:00–21:00
📍 Oborri i Shkollës “Mihal Grameno”, Fushë Kosovë

Paraqitja e ekipeve është e hapur deri të shtunën në mbrëmje. Numri i ekipeve është i kufizuar!

📞 Për regjistrim: +383 46 193 801

--‐---‐---------------------------------------------------------------

🩸 DHURO GJAK – SHPËTO JETË!

Pranë aktivitetit sportiv do të organizohet edhe aksion për mbledhjen vullnetare të gjakut. I ftojmë të gjithë qytetarët që kanë mundësi dhe dëshirë t’i bashkohen kësaj iniciative humane dhe të dhurojnë gjak vullnetarisht.

Një dhurim i vogël për ty mund të jetë shpresë dhe jetë për dikë tjetër. ❤️

Ju presim për një ditë të mbushur me sport, rini, solidaritet dhe humanizëm!

MuajiIRinisë DhuroGjak ShpëtoJetë

07/09/2026

MIRË SE VJEN, TRAJNER BEKIM ALIU!

KVF Libero ka kënaqësinë të prezantojë trajnerin Bekim Aliu, i cili i bashkohet klubit tonë me një përvojë të pasur të ndërtuar në volejbollin gjerman.

Gjatë sezonit 2025/26, Aliu drejtoi ekipin e parë të femrave të Eintracht Frankfurtit në Regionalliga Südwest, duke e udhëhequr skuadrën në luftën për titull dhe ngjitje në ligën e dytë gjermane.

Ai vjen në KVF Libero në një moment kyç ku klubi merr pjesë për herë të parë me ekipin senior ne ligën e parë të Kosovës në volejboll. Përvoja dhe vizioni i tij do të jenë një forcë e rëndësishme si në ndërtimin e skuadrës seniore, ashtu edhe në strukturimin dhe zhvillimin profesional të kategorive të reja.

Angazhimi i tij do të jetë pjesë e projektit të përbashkët ndërmjet KVF Libero dhe klubit tjetër të qytetit që garon në superligën e Kosovës, KV Fushë Kosova, me synimin që bashkërisht ta ndërtojmë Fushë Kosovën si qytet të volejbollit.

Një kapitull i ri fillon. Ambiciet rriten. Mirë se vjen në familjen e KVF Libero, Beko! 🏐

Bashkë për Fushë Kosovën – qytetin e volejbollit!

01/08/2026

Një tjetër paraqitje shumë e mirë për vajzat tona në Beach Volley! 👏

Dyshja e KVF Libero, Yllka Ferizi dhe Tringa Krasniqi, e përfunduan Kampionatin e Kosovës në Beach Volley U22 në vendin e katërt, pas paraqitjeve të shkëlqyera gjatë gjithë garës.

Kampionati u organizua nga Federata e Volejbollit e Kosovës më 30 dhe 31 korrik në fushën e Beach Volley-t në Fushë Kosovë, duke mbledhur çiftet më të mira të kësaj grupmoshe nga e gjithë Kosova.

Urime Yllkës dhe Tringës për angazhimin, luftën sportive dhe përfaqësimin dinjitoz të klubit tonë!🏐

22/07/2026

Numërimi mbrapsht ka filluar! Më 25, 26 dhe 27 korrik, Fushë Kosova do të mirëpresë një nga ngjarjet më atraktive sportive të verës – Beach Volley Fushë Kosova 2026.

11/07/2026

Albuna dhe Elda gjatë garave në BeachVolley U20🏐

10/07/2026

Dy çiftet nga klubi jonë, Albuna Krasniqi / Elda Deliu dhe Tringa Krasniqi / Emilli Gojnovci, morën pjesë në garat U20 të Beach Volley, të organizuara nga Federata e Volejbollit e Kosovës.
Edhe pse të gjitha volejbollistet tona i përkasin kategorisë U16, ato zhvilluan paraqitje shumë të mira dhe arritën të regjistrojnë edhe fitore ndaj kundërshtareve të tyre.
Jemi krenarë me angazhimin dhe përkushtimin e tyre dhe u urojmë shumë suksese!

06/07/2026

Sot, sportistet e klubit tonë, Alina Krasniqi dhe Sibora Hoxhaj, morën pjesë në garat U18 të Beach Volley, të organizuara nga Federata e Volejbollit e Kosovës.
Me paraqitje shumë të mira, ato arritën të regjistrojnë dy fitore gjatë ditës së sotme, duke mbetur në garë për kualifikimin e mëtejshëm.
Nesër në mëngjes i presin ndeshjet vendimtare, ku do të luftojnë për rezultatet më të mira.