Klubi i notit ILIRIDA-Fushë Kosovë

Teuta Cup 2026 🏊‍♂️🇽🇰🇦🇱

Një tjetër paraqitje e suksesshme për Klubin e Notit Ilirida💪

E përmbyllëm me sukses pjesëmarrjen në Teuta Cup 2026, duke fituar shumë medalje, titull kampioni në kategorinë A dhe duke regjistruar performanca shumë të mira nga i gjithë ekipi.

Tuana ishte e padiskutueshme në podium, duke fituar medalje në të gjitha disiplinat ku mori pjesë.🥇🔥

Jonidi u shpall kampion në 100m bretkosë në kategorinë absolute dhe në 50m bretkosë në kategorinë e tij.🥇

Lea dhe Amira realizuan paraqitje shumë të mira, me Lean që u dallua në 100m stil i lirë dhe Amiren në 50m shpinë.🌟

Arti vazhdon të shkëlqejë nga gara në garë, duke përmirësuar dukshëm rezultatet e tij.
Stina, më e vogla e ekipit, po fiton përvojë të çmuar nga gara në garë dhe po tregon progres të vazhdueshëm.🌟❤️

Urime sportistëve për angazhimin, disiplinën dhe përkushtimin e treguar. Krenarë për secilin prej jush dhe për mënyrën se si përfaqësuat Klubin e Notit Ilirida në Teuta Cup 2026. 💙🏊‍♂️🏊‍♀️



ORS
AFK - Agjencioni për Financim në Kosovë

Dita e katërt e përgatitjeve për Teuta Cup.🏊‍♂️🇽🇰🇦🇱

Çdo ditë na afron më pranë momentit të garës. Në pishinën Taq Dafa vazhdojmë punën me përkushtim dhe fokus maksimal, duke shfrytëzuar çdo stërvitje për të qenë sa më të gatshëm për fundjavën që na pret.

Së shpejti do të prezantojmë edhe një sponsor të ri, i cili do të mbështesë aktivitetet e klubit gjatë këtij viti.



ORS
AFK - Agjencioni për Financim në Kosovë

Në ditën e tretë të përgatitjeve, vazhdojmë stërvitjet në ambientin e mrekullueshëm të pishinës Taq Dafa në Durrës.🏊‍♂️🇽🇰🇦🇱

Me përkushtim dhe motivim të lartë, po punojmë çdo ditë për t’u përgatitur sa më mirë për garat që na presin në ditët në vazhdim.



ORS
AFK - Agjencioni për Financim në Kosovë

Përfunduam stërvitjen e paradites në ditën e dytë të përgatitjeve për Teuta Cup.🏊‍♂️🇽🇰🇦🇱

Po vazhdojmë punën me përkushtim, energji dhe vullnet, duke shfrytëzuar çdo seancë për t’u përgatitur sa më mirë për garën që na pret në fundjavë.

🏊‍♀️🏊‍♂️

ORS
AFK - Agjencioni për Financim në Kosovë

Një javë para garës ndërkombëtare Teuta Cup, jemi zhvendosur në Durrës, ku në pishinën "Taq Dafa" kemi zhvilluar seancën e parë stërvitore

Gjatë gjithë javës do të vazhdojmë përgatitjet intensive me synimin që notarët tanë të paraqiten sa më mirë në këtë aktivitet të rëndësishëm ndërkombëtar.

Pavarësisht vështirësive dhe mungesës së mbështetjes që shpesh e përcjell sportin tonë, ne kemi vendosur të mos ndalemi.

Do të vazhdojmë të punojmë me përkushtim, disiplinë dhe sakrificë deri në arritjen e objektivave tona dhe në shkrimin e historive të reja të suksesit.

Sporti meriton më shumë, ndërsa përgjegjësia për mënyrën se si menaxhohen fondet publike i takon institucioneve dhe do të vlerësohet nga koha dhe llogaridhënia.



ORS
AFK - Agjencioni për Financim në Kosovë

Një tjetër vikend garash, emocione dhe suksese për Iliridën në "Orion Cup" Shkup 🏊‍♀️🏊‍♂️

Me punë të vazhdueshme dhe përkushtim maksimal, notarët tanë vazhdojnë të na bëjnë krenarë në çdo paraqitje.

Urime për rezultatet dhe përfaqësimin fantastik!

Fizioterapi për Skoliozën & Not Terapeutik

A vuani nga skolioza apo keni shqetësime me shtyllën kurrizore? Ne ofrojmë zgjidhje të plota për shëndetin tuaj!
✔️ Trajtim fizioterapeutik i personalizuar
✔️ Ushtrime korrigjuese për përmirësimin e qëndrimit
✔️ Reduktim i dhimbjes dhe rritje e fleksibilitetit
✔️ Not terapeutik me trajner të licencuar 🏊‍♂️
✔️ Program javor i strukturuar:
▫️ 2/3 seanca fizioterapie në javë
▫️ 2 seanca noti në javë
✔️ Program i kombinuar për rezultate më të shpejta dhe efektive

💙 Noti është një nga mënyrat më të mira për të forcuar muskujt e shpinës dhe për të përmirësuar posturën në mënyrë natyrale.

📍 Filloni kujdesin për shpinën tuaj sot!

📞 Për termine apo informata na kontaktoni: 044-447 340

GOLDEN ORLANDO 🏊‍♂️ DUBROVNIK CRO 🇭🇷 🇽🇰

Një tjetër paraqitje shumë e mirë për Klubin e notit Ilirida në garën ndërkombëtare Golden Orlando në Dubrovnik.

Jonidi arriti performancën më të mirë deri më tani në 50m bretkosë, duke fituar medaljen e argjendtë dhe duke grumbulluar 571 pikë FINA një tregues shumë i mirë i formës dhe progresit të tij.

Tuana vazhdoi me paraqitje shumë cilësore, me performanca mbi 500 pikë FINA në 200m, 400m dhe 800m stil i lirë, ndërsa në 800m fitoi medaljen e argjendtë si në kategorinë e saj ashtu edhe në kategorinë absolute.

Amira dhe Lea këtë herë nuk ishin në ditën e tyre më të mirë, por përsëri treguan nivel të lartë. Lea realizoi performancë mbi 500 pikë FINA në 200m stil i lirë, ndërsa Amira shënoi kohën e saj më të mirë personale në 50m shpinë.

Arti vazhdon të jetë një nga notarët me rritjen më të shpejtë në ekip, me një performancë shumë premtuese në 200m shpinë.

Stina, më e vogla e ekipit, po vazhdon të mësohet me garat dhe atmosferën ndërkombëtare, duke fituar eksperiencë shumë të vlefshme për të ardhmen.

Krenarë me punën, disiplinën dhe përkushtimin e secilit notar. Vazhdon rruga drejt rezultateve edhe më të mëdha! 💙❤️🏊‍♂️🏊‍♀️

Medalja e argjendtë në Golden Orlando, koha 31.27 në 50m bretkosë dhe 571 pikë FINA për Jonidin.

Rezultat i arritur me shumë punë, disiplinë dhe sakrificë.🔥💪

Edhe pse ende larg asaj që ai mund të japë realisht, çdo garë po tregon se është në rrugën e duhur drejt niveleve shumë më të larta.

Ngadalë por sigurt… rezultatet e mëdha po afrohen.