22/10/2026
APEL I HAPUR PËR TË GJITHA BIZNESET DHE BASHKATDHETARËT TANË!
FC Sharri ka nevojë për mbështetjen e të gjithëve! Klubi ynë është pasuri e përbashkët dhe përfaqëson qytetin, tifozët dhe gjithë ata që e duan futbollin. Për ta mbajtur gjallë këtë pasion dhe për t’u krijuar futbollistëve tanë kushte sa më të mira, është koha që bizneset vendore, lokalet, kompanitë, bashkatdhetarët tanë në diasporë dhe çdo qytetar që ka mundësi, të bëhen pjesë aktive e mbështetjes për FC Sharri.
U bëjmë thirrje të gjitha bizneseve: mos qëndroni vetëm spektatorë, por bëhuni pjesë e rrugëtimit të klubit tonë! Çdo biznes mund të japë kontributin e vet, sipas mundësive, qoftë përmes mbështetjes financiare, ushqimit për futbollistët, transportit apo formave të tjera të ndihmës.
Nuk kërkojmë që të gjithë të japin njësoj, por kërkojmë që secili të japë aq sa mundet. Kur bashkohemi, barra bëhet më e lehtë dhe FC Sharri bëhet më i fortë!
Klubi nuk mund të ecë përpara vetëm me vullnetin e futbollistëve dhe stafit. Na duhet edhe përkrahja e komunitetit dhe e bizneseve që e ndiejnë veten pjesë të qytetit tonë. Le ta dëshmojmë me vepra se FC Sharri nuk është vetëm i atyre që luajnë në fushë, por i të gjithë neve!
💙 Së bashku për FC Sharri!
🤝 Bizneset pranë klubit, klubi pranë qytetit!
