KF Dukagjini (Klinë)

KF Dukagjini shpreh ngushëllimet më të sinqerta për ndarjen e parakohshme nga jeta të futbollistit Fatjon Bunjaku.

Largimi i tij në një moshë kaq të re është një humbje e madhe për familjen, miqtë dhe gjithë komunitetin e futbollit.

Në këto momente të vështira, qëndrojmë pranë familjes, të afërmve, bashkëlojtarëve dhe klubit të tij, duke ju shprehur ngushëllimet tona më të thella.

Prehu në paqe, Fatjon Bunjaku.

TELEGRAM NGUSHELLIMI

Me pikëllim të thellë morëm lajmin për ndarjen tragjike nga jeta të të riut Leonit Aliu. Leoniti do të kujtohet me respekt si ish-futbollist i KF Fushë Kosova dhe si një djalë i dashur për familjen, miqtë dhe komunitetin sportiv.Në këto çaste të rënda, i shprehim ngushëllimet më të sinqerta familjes Aliu, të afërmve, miqve dhe të gjithë atyre që e njohën dhe e deshën.

U prehtë në paqe, ndërsa kujtimi për të mbetet gjithmonë i paharruar. 🕊️

Ngushëllime të sinqerta familjes Aliu.

Hekuran Berisha, Dardan Morina, dhe Meris Maliqi, janë tre futbollistët klubit tonë të ftuar ne grumbullimin e rradhës te Kombëtares U21.

⭐️YLLI I JAVËS - Mergim Pefqeli 🫶

⭐️ YLLI I JAVËS ⭐️

⚽ Federata e Futbollit e Kosovës, në bashkëpunim me sponsorin zyrtar të Superligës, Albi Mall, vazhdon ndarjen e çmimit tradicional “Ylli i Javës”, i cili i dedikohet futbollistit më të dalluar të javës në Superligën e futbollit kosovar.

Për javën e fundit të këtij edicioni, ky çmim i është ndarë futbollistit të KF Dukagjinit, Mërgim Pefqeli, pas paraqitjes së tij vendimtare në fitoren ndaj Ballkanit me rezultat 1:0, ku realizoi golin e vetëm të ndeshjes dhe i siguroi skuadrës tri pikë shumë të rëndësishme.

📈 Vlerësimi është bërë nga Komisioni i Veteranëve të Futbollit.

🗣️ Pasi mori këtë çmim, Pefqeli u shpreh i lumtur për vlerësimin dhe suksesin e skuadrës:

“Kjo ka qenë ndeshja më e rëndësishme e sezonit pas finales së Kupës. Ishte një përballje shumë e vështirë dhe e rëndësishme, ndaj gjatë gjithë javës jemi përgatitur maksimalisht, duke e ditur se Ballkani ka qenë një prej pretendentëve kryesorë për titull.
Falë përkushtimit të stafit dhe angazhimit të gjithë lojtarëve, arritëm ta fitojmë këtë ndeshje dhe të marrim një rezultat shumë të rëndësishëm.
Synimet e KF Dukagjinit për sezonin e ardhshëm janë që të kalojmë të paktën një rund në garat evropiane dhe të synojmë të arrijmë sa më larg në UEFA Conference League.
Këtë çmim ia dedikoj vajzës sime, ndërsa edhe festimet e golave i kam dedikuar asaj. Një falënderim të veçantë kam për bashkëlojtarët e mi për mbështetjen dhe punën e madhe gjatë gjithë sezonit. Shpresoj të vazhdoj me këtë ritëm edhe në të ardhmen.” tha ai për faqen zyrtare të FFK-së.

Ndeshja e fundit e sezonit përmes fotografisë.
📸

𝐍𝐉Ë 𝐒𝐄𝐙𝐎𝐍 𝐏Ë𝐑 𝐓'𝐔 𝐌𝐁𝐀𝐉𝐓𝐔𝐑 𝐌𝐄𝐍𝐃! 🤍💚

Me ndeshjen e sotme kemi përmbyllur sezonin 2025/26, një edicion që do të mbetet gjatë në kujtesën e klubit dhe të gjithë tifozëve tanë.

Gjatë këtij sezoni arritëm objektivat tona, duke shkruar historinë me triumfin në Kupën e Kosovës dhe duke siguruar pjesëmarrjen në garat evropiane, në kualifikimet e UEFA Conference League. Gjithashtu, kampionatin e mbyllëm në pozitën e katërt, një tjetër arritje e rëndësishme për klubin tonë.

Falënderim i sinqertë për të gjithë futbollistët, trajnerët dhe stafin që ishin nga dita e parë pjesë e këtij rrugëtimi historik e të suksesshëm, për përkushtimin, punën dhe kontributin e tyre gjatë gjithë sezonit.

Mirënjohje të veçantë për sponsorët tanë, për ata qëndruan pranë klubit dhe na mbështetën vazhdimisht.

Faleminderit tifozëve tanë dhe çdo klinasi që besoi, na përkrahu dhe e jetoi çdo moment bashkë me ne.

Së bashku shkruam histori. Klinë, shihemi së shpejti!

E mbyllim sezonin me fitore në shtëpi 💚

GOAL | Mërgim Pefqeli | 1:0