Klubi i Notit Mitrovica

FALËNDERIM

Klubi i Notit Mitrovica shpreh falënderimin dhe mirënjohjen më të thellë për Ordinanca Stomatologjike Dr. Kreshnik Musa, për mbështetjen dhe sponzorizimin e çmuar të dhënë ndaj klubit tonë.

Kontributi juaj përfaqëson jo vetëm një ndihmë materiale, por mbi të gjitha një akt fisnik përgjegjësie shoqërore dhe besimi në vlerat e sportit, rinisë dhe zhvillimit të shëndetshëm të brezave të ardhshëm. Falë mbështetjes suaj, Klubi i Notit Mitrovica ka mundësinë të vazhdojë misionin e tij me përkushtim edhe më të madh, duke krijuar kushte më të mira për sportistët tanë dhe duke promovuar notin si disiplinë sportive me vlera të larta edukative dhe shëndetësore.

Jemi thellësisht mirënjohës për partneritetin tuaj dhe për shembullin pozitiv që jepni në komunitetin tonë. Ju falënderojmë për besimin dhe përkrahjen, duke shpresuar që ky bashkëpunim i suksesshëm të vazhdojë edhe në të ardhmen.

Me respekt,
Klubi i Notit Mitrovica

🏊‍♂️ Gara e sotme – Kupa “Zahir Pajaziti” 🏆

Sot u zhvillua Kupa Memoriale “Zahir Pajaziti”, e organizuar në pishinën Zenit në Prugofc – Prishtinë.
Klubi i Notit Mitrovica u përfaqësua me sportistin Jon Misimi, i cili tregoi formë shumë të mirë dhe shpirt garues.

🔹 Rezultat i shkëlqyer:
🥈 Vendi i dytë
📌 Disiplina: 50m Shpinë
📌 Kategoria D (mosha 11–12 vjeç)

Në një konkurrencë të fortë, Joni arriti të ngjitet në podium, duke dëshmuar punën, përkushtimin dhe talentin e tij.

👏 Urime Jon Misimi për këtë sukses dhe suksese të tjera në garat e ardhshme!
👏 Falënderime për ordinancën stomatologjike Dr. Kreshnik Musa mbështetjen e vazhdueshme.

💚🖤 Klubi i Notit Mitrovica 🖤💚

Klubi i Notit Mitrovica sot mori pjesë në garën e fundit për vitin 2025, ATLAS WINTER CUP, e mbajtur në Shkup.

Pavarësisht vështirësive të mëdha në funksionim për shkak të mosfunksionimit të pishinës së qytetit në Mitrovicë, klubi ka vazhduar punën pa u ndalur. Për realizimin e stërvitjeve, klubi ka qenë i obliguar të udhëtojë rregullisht në pishinën Zenit në Prugovc, duke përballuar sfida të shumta logjistike dhe financiare.

Megjithë këto vështirësi, puna dhe përkushtimi nuk kanë munguar. Notari perspektiv Jon Misimi përfaqësoi me dinjitet Klubin e Notit Mitrovica dhe qytetin e Mitrovicës në këtë garë ndërkombëtare, ku arriti të përmirësojë rezultatet e tij personale, duke dëshmuar progres të vazhdueshëm dhe potencial të madh për të ardhmen.

Jon Misimi synon që gjatë vitit 2026 të vazhdojë me përmirësime të tjera të kohëve personale dhe ngritje të nivelit sportiv, duke qenë një nga shpresat kryesore të klubit dhe notit mitrovicas.

Klubi i Notit Mitrovica shpreh mirënjohje të veçantë për sponsorin e klubit,
Ordinanca Stomatologjike “Dental Clinic – Implant & Aesthetic Center” Dr. Kreshnik Musa, për mbështetjen e vazhdueshme dhe kontributin e dhënë në funksionimin dhe zhvillimin e klubit.

Me respekt,
Klubi i Notit Mitrovica

Notuesja Learta Ajeti ka zhvilluar sot stërvitjen e saj të parë në kuadër të Klubit të Notit Mitrovica. Me përkushtim, guxim dhe fokus të lartë, Learta hodhi hapat e parë në rrugëtimin e saj sportiv në not. Klubi i uron mirëseardhje dhe i dëshiron shumë suksese në vazhdim të stërvitjeve dhe garave të ardhshme. 🌊

Swim & Smile 😂

✅ Swim & Smile

🏊‍♂️ Jon Misimi në Kampionatin e Kosovës – pishina gjysmë olimpike (25m) 🇽🇰

Sot, talenti ynë i ri Jon Misimi përfaqësoi me krenari Klubin e Notit Mitrovica në Kampionatin e Kosovës, duke garuar në dy disiplina:
✅ 50m Krol
✅ 50m Bretkosë

Në disiplinën 50m Bretkosë, në kategorinë F, Joni arriti të renditet në vendin e tretë në Kosovë, duke dëshmuar përkushtim, pasion dhe potencial të madh në sportin e notit. 🥉💪

Ky rezultat është fryt i punës së palodhur të tij, mbështetjes së trajnerëve dhe përkushtimit të gjithë ekipit të klubit.

Klubi i Notit Mitrovica falënderon me mirënjohje sponsorin gjeneral – Ordinancën Stomatologjike Dr. Kreshnik Musa për mbështetjen e vazhdueshme dhe kontributin në zhvillimin e notit në qytetin tonë.

Me respekt,
Klubi i Notit Mitrovica 💙

Njoftim!

Klubi i Notit Mitrovica njofton se ka hapur regjistrimet për anëtarë të rinj që dëshirojnë të bëhen pjesë e stërvitjeve të notit.

Stërvitjet do të rifillojnë ditën e premte, më datë 05.09.2025.

Të gjithë të interesuarit për regjistrim ftohen të kontaktojnë në numrin: 049 427 084.

Me respekt,
Klubi i Notit Mitrovica (K.N.M.)

📍 Maratona Ndërkombëtare e Notit – Kosovë
📅 27 Korrik 2025

🏊‍♂️ Jon Misimi përmbylli me sukses maratonën e tij të parë ndërkombëtare në distancën 2500 metra!

Në garën ndërkombëtare të maratonës në not, e zhvilluar sot në Kosovë, Jon Misimi, notuesi 10-vjeçar i Klubit të Notit Mitrovica, u fut në ujë me vendosmëri dhe e përfundoi me sukses distancën prej 2500 metrash, duke u bërë notuesi më i ri në këtë garë prestigjioze.

Joni tregoi guxim, përkushtim dhe një shpirt të fortë konkurrues, duke e përfaqësuar denjësisht klubin dhe qytetin e tij. Ai jo vetëm që e përballoi sfidën me sukses, por edhe la një përshtypje të jashtëzakonshme për pjekurinë dhe disiplinën që tregoi në këtë garë të gjatë dhe kërkuese.

Falënderojmë me zemër sponsorët që mundësuan këtë pjesëmarrje të rëndësishme:
• Ordinancën Stomatologjike Dr. Kreshnik Musa, që vazhdon të mbështesë sportin e të rinjve dhe zhvillimin e talentëve të rinj.
• Drejtorinë për Kulturë, Rini dhe Sport – Mitrovicë (DKRS), për përkrahjen institucionale dhe përkushtimin ndaj aktiviteteve sportive në komunën tonë.

👏 Klubi i Notit Mitrovica dhe Jon Misimi vazhdojnë të ndërtojnë suksese të reja – kjo maratonë është vetëm hapi i radhës drejt majave!

Klubi i Notit Mitrovica mori pjesë në Kampionatin e Republikës së Kosovës

Në ambientet e Pishinës Olimpike Euro Park në Zllakuqan, nën organizimin e Federatës së Notit të Kosovës, u mbajt Kampionati i Republikës së Kosovës në Not, ku Klubi i Notit Mitrovica mori pjesë me një ekip të përbërë nga sportistë të talentuar dhe të përkushtuar.

Në përbërje të ekipit ishin:
• Amela Maxhuni
• Tara Uka
• Tuana Bajrami
• Drin Zeneli
• Enes Pllana
• Jon Misimi
• Rinor Hasani

Përkundër kushteve të pafavorshme stërvitore, për shkak të mosfunksionimit të pishinës “Omni Sport” në Mitrovicë, sportistët treguan rezultate të mira dhe përfaqësuan denjësisht klubin dhe qytetin. Ekipi është i detyruar të udhëtojë drejt pishinës “Zenit” në Prugoc për të zhvilluar seancat stërvitore – një sfidë që nuk ka penguar progresin e tyre.

⭐ Jon Misimi, në veçanti, shënoi sukses të rëndësishëm duke fituar vendin e tretë në disiplinën 50 metra bretkosë dhe duke përmirësuar ndjeshëm kohët personale në disiplinat e tjera ku garoi. Ky rezultat është tregues i një pune serioze dhe një potenciali të madh për të ardhmen.

Falënderim për mbështetjen

Një falënderim i veçant për Ordinancën Stomatologjike “Dr. Kreshnik Musa”, sponsor zyrtar i klubit, i cili ka qenë gjithmonë përkrah zhvillimit të sportit të notit në Mitrovicë.