KB Peja

TRANSPARENCA, NJË NGA VLERAT TONA KRYESORE!

KB Peja ka ndërmarrë një hap të rëndësishëm drejt rritjes së transparencës dhe informimit të publikut.

Në websajtin tonë zyrtar tashmë kemi filluar publikimin e auditimeve të klubit, të cilat janë të qasshme për të gjithë. Secili mund t’i shfletojë dhe të informohet më në detaje për punën dhe funksionimin financiar të klubit tonë dhe tashme auditimet e klubit i keni të publikuara në linkun përfundi.

Jemi krenarë që jemi ndër klubet e para që ndërmarrim një hap të tillë, duke e bërë transparencën një pjesë konkrete të mënyrës sonë të punës dhe duke krijuar një standard që na bën unikë.

Që tani mund të gjeni dhe shfletoni auditimet e publikuara në websajtin tonë.

Brenda një jave, do të kompletohet publikimi i auditimeve për të gjitha vitet, në mënyrë që të gjithë të kenë qasje të plotë në këtë dokumentacion.

Ne besojmë se një klub i madh ndërtohet me punë, përgjegjësi dhe mbi të gjitha me transparencë ndaj tifozëve, partnerëve dhe gjithë opinionit publik.

KB Peja – Transparencë. Përgjegjësi. Besim.

💛🖤🦅

KB Peja — Zemra Rreh Me Ty Faqja zyrtare e KB Peja — ndeshjet, ekipi, lajmet dhe historia. Zemra rreh me ty, që nga 1993.

Komunikatë e KB PEJA👇

Komunikatë Zyrtare — Nisin punimet në Palestrën “Karagaçi” Pas takimit në MKRS, punimet në Palestrën “Karagaçi” nisin të koordinuara: fillimisht hapësirat ndihmëse, që stërvitjet dhe ndeshjet zyrtare të vazhdojnë normalisht.

VIJOJNË TESTET MJEKËSORE!

Pas lojtarëve vendorë te KB Pejës, tashme edhe amerikanët kanë përfunduar edhe zyrtarisht të gjitha testet mjekësore, përfshirë edhe analizat e gjakut (blood tests), në kuadër të përgatitjeve për sezonin e ri.

Me shumë kënaqësi ju njoftojmë se të gjithë lojtarët e testuar deri më tani i kanë kaluar testet me rezultate shumë pozitive.

Shëndeti, forma fizike dhe përgatitja optimale e lojtarëve tanë janë prioriteti ynë.

💛🖤

Album nga ndeshja e dytë miqësore kundër Jedintsvo, në Bijelo Polje. 🦅💛🖤

Ekipi gati për ndeshjen sot kundër Jedintsvo!

Pas përfundimit të ndeshjes e publikojmë në story rezultatin përfundimtar!

🦅💛🖤

Stervitja e fundit sonte para ndeshjes tjetër testuese nesër!

Do të ju njoftojmë me kohë për kundërshtarin tjetër dhe vendin e zhvillimit të ndeshjes.

🦅💛🖤

KB PEJA – tash edhe ma afër jush! www.kbpeja.org

Ju prezantojmë ueb-faqen e re zyrtare të KB Peja – dizajn i freskët, modern dhe me ngjyrat tona legjendare zi e verdhë.

Në kbpeja.org gjeni historinë e klubit, orarin e ndeshjeve, rosterin dhe informatat kryesore për ekipin. Për herë të parë, do të jenë të qasshme edhe raportet financiare të audituara, sepse transparenca dhe besimi me tifozët tanë janë pjesë e kulturës së klubit.

E-Shop-i i KB Peja vjen së shpejti – me fanellat dhe aksesorët tona të preferuara zi e verdhë.

Por puna nuk ndalet te ueb-faqja. KB Peja ka investuar edhe në digjitalizimin e menaxhimit të klubit – automatizimin e proceseve administrative, profileve dhe zhvillimit të lojtarëve, dokumentacionit, komunikimit dhe krijimin e një arkive digjitale për një klub ma efikas e ma modern.

🖤💛🦅

Disa nga momentet e ndeshjes kundër SC Derby sonte.

Nesër vazhdon faza e përgatitjeve, kurse te mërkurën e luajmë ndeshjen tjetër testuese ku prapë Trajneri jonë Kakiouzis do t’i jep shancë gjithë lojtarëve!

🦅💛🖤

Sot në ora 19:00 në Podgoricë, zhvillojmë ndeshjen tonë të parë miqësore në kuadër të përgatitjeve, përballë ekipit shumë të fortë SC Derby nga Podgorica.

Kjo ndeshje është shumë e rëndësishme për ne, pasi përballemi me një ekip që garon në ABA League 1, një nga kompeticionet më të forta të basketbollit në rajon. SC Derby ka dëshmuar cilësinë e tij në nivelin më të lartë rajonal, duke fituar edhe ABA Super Cup si dhe kupën e Malit të Zi.

Për ekipin tonë, kjo është një mundësi e mirë për të matur nivelin, për të testuar elementet e punuara gjatë përgatitjeve dhe për të vazhduar ndërtimin e formës para fillimit të sezonit.

🦅💛🖤