KB Peja

🚨 FIBA EUROPE CUP:

KB Peja do të luaj me skuadrën rumune, Dinamo Bucharest në kuadër të kualifikueseve për FIBA Europe Cup.

Ndeshjet zhvillohen në datat 23 shtator dhe 30 shtator, me sistemin vajtje-ardhje.

Kosh diferenca totale e dy takimeve, vendos skuadrën që do kualifikohet në fazën e grupeve.

EuroPE'JA nights. 🦅

HAJDE PEJË! 💛🖤

Mirëmengjesi Mynih... 🦅

Sot me fillim në orën 12:00, zhvillohet shorti i FIBA Europe Cup për sezonin 2026/27.

KB Peja do të jetë pjesë e fazës kualifikuese, me shpresën dhe motivin e plotë për të arritur fazën e grupeve.

Kundërshtarët e mundshëm të KB Pejës në shortin e sotëm janë:

🇦🇿 Neftchi IK
🇭🇷 KK Samobor
🇷🇴 Dinamo Bucharest

Shortin mund ta ndiqni drejtpërdrejtë në kanalin e FIBA Europe Cup në YouTube.

FORCA PEJË! 💛🖤

KOMUNIKATË ZYRTARE

Përmbledhje e mbledhjes së Bordit të KB Peja

Sot, më 13 korrik 2026, në ambientet e zyrave të klubit tonë në Pallatin e Sporteve “Karagaçi”, u mbajt mbledhja e radhës e Bordit të Klubit të Basketbollit Peja, në të cilën u shqyrtuan çështje me rëndësi për organizimin dhe funksionimin e klubit në prag të sezonit garues 2026/27.

Në hapje të mbledhjes, Bordi u njoftua zyrtarisht me mungesën më arsye të dy anëtarëve të saj. Pas hapjes së mbledhjes dhe përmbushjes së kourumit anetarët u njoftuan për emërimin e dy anëtarëve të rinj të Bordit Ekzekutiv, në përputhje me nenin 23 të Statutit të Klubit. Presidenti z.Fatmir Gashi, shfrytëzoi të drejtën e tij statutare duke e emëruar dy anëtaret e ri të bordit; z.Ardian Gorani dhe z.Dren Zatriqi.

Më pas, u zhvillua diskutimi lidhur me përzgjedhjen e Sekretarit të Klubit. Pas shqyrtimit të propozimeve dhe diskutimeve të zhvilluara, u vendos që procedurat për emërimin e Sekretarit të vazhdojnë në përputhje me dispozitat statutare dhe aktet e brendshme të klubit dhe Sekretar i ri Gjeneral i klubit është zgjedhur z.Bekim Loxha. Bordi i klubit gjithashtu ka emëruar edhe Drejtorin e ri të shkollës Peja-Pressing, i zgjedhuri është z.Vigan Radoni. Drejtori Gjeneral në kordinim më Sekretarin Gjeneral kanë emëruar Team Manager z.Erind Krasniqin.

Në vazhdim, Drejtori Gjeneral, z.Arbër Elshani, prezantoi raportin informues mbi situatën aktuale në klub, duke i njoftuar anëtarët e Bordit për punën intensive që është zhvilluar gjatë javëve të fundit në ndërtimin e plotë skuadrës në kohë rekorde brenda muajit Maj, duke u bërë gati shumë herët për sezonin 2026/27. Raporti i Drejtorit Gjeneral, para bordit përfshiu ecurinë e angazhimit të basketbollistëve vendorë dhe të huaj, gjithë procesin e negociatave, organizimin administrativ dhe hapat e planifikuar për kompletimin e ekipit. Bordi vlerësoi pozitivisht punën e bërë deri më tani dhe shprehu mbështetjen e plotë për finalizimin e plotë të klubit, duke përfshirë lojtaret, shtabin drejtues, teknik, profesional dhe atë medikal.

Tutje u diskutuan tema reth ekipit u aprovua kërkësa e Trajnerit Kakiuzois, që stervitjet të fillojnë me 12/08/2026, pastaj u diskutuan edhe temat që kanë të bëjnë me organizimin e klubit, shortin e FIBA EUROPE CUP, kundërshtarët e mundshem. Gjithashtu u diskutua dhe u aprovuan edhe kërkesat e Trajnerit Kakiouzis, për t’i zhvilluar ndeshjet miqësore sa më kualitative më ekipet nga; Greqia, Mali i Zi, Bullgaria, pikërisht për këtë u autorizua Drejtori Gjeneral, që sa më parë t’i kontaktoj ekipet e kërkuara nga Trajneri ynë për ta zhvilluar fazën e ndeshjeve miqësore.

Në pikën “Të ndryshme”, u vazhduan diskutimet për përgatitjet për fillimin e stërvitjeve, aktivitetet promovuese, si dhe koordinimin e detyrave ndërmjet strukturave drejtuese, me qëllim që KB Peja të jetë maksimalisht e përgatitur në të gjitha segmentet për fillimin e sezonit të ri.

Në përmbyllje të mbledhjes, Bordi i KB Peja ritheksoi përkushtimin e tij për të punuar me transparencë, profesionalizëm dhe përgjegjësi, duke ndjekur një vizion të qartë për zhvillimin e klubit. Të gjitha vendimet dhe aktivitetet e ardhshme do të jenë të orientuara drejt ndërtimit të një organizate të qëndrueshme dhe një skuadre konkurruese, që do të përfaqësojë me dinjitet qytetin e Pejës dhe ngjyrat verdhezi në të gjitha garat ku do të marrë pjesë.

Bordi Ekzekutiv i KB Peja!

13/07/2026
Pejë

Our look for the new season. 🦅

Me krenari iu prezantojmë fanellat tona zyrtare për edicionin 2026/27!

Ngjyra e verdhë dhe e zezë, simbol i traditës, pasionit dhe identitetit të KB Peja, vijnë këtë sezon me një dizajn krejtësisht të veçantë – një Special Edition që mishëron historinë, krenarinë dhe ambicien tonë.

Çdo detaj është menduar për të përfaqësuar qytetin, tifozët dhe vlerat që e kanë bërë KB Pejën një nga emrat më të mëdhenj të basketbollit kosovar.

Por kjo nuk është e gjitha…

Brenda pak ditësh do t’iu prezantojmë edhe fanellën e tretë, një krijim unik që do të ketë identitetin e saj të veçantë, ndryshe nga çdo fanellë që KB Peja ka prezantuar ndonjëherë.

Qëndroni me ne. Sezoni 2026/27 sapo ka filluar të shkruajë historinë e tij.

💛🖤

Edhe një Reprezentues i Kosovës Verdhë dhe Zi! 💛🖤

KB Peja ka kënaqësinë të njoftojë se Orges Shatri, është përforcimi më i ri i skuadrës sonë për edicionin 2026-27!

Basketbollisti 21-vjeçar, i gjatë 198 cm, luan në pozitën e shooting guard dhe konsiderohet një nga talentet më premtues të basketbollit kosovar. Ai ka qenë pjesë e grupmoshave të reja të Përfaqësueses së Kosovës, duke përfaqësuar vendin në garat e FIBA U16 dhe FIBA U20 EuroBasket Division B, duke pasur paraqitje mjaftë të mira si ato kundër;
Suedisë(20 pikë), Turqisë(11 pikë), Moldavisë(10 pikë), Irlandës(9 pikë).

Orgesi, është rritur si lojtar te KB Istogu tek trajneri Fikret Shatri dhe në edicionin 2023-24, më Istogun në superligë ka pasur hapesirë dhe ka treguar ndeshje të mira, duke dëshmuar që është talent i madh. Ai ka qenë pjesë edhe një ekipi tjetër, në kohën e trajnerëve Murat Bilge dhe Paco Olmos, të cilët poashtu e kanë vlerësuar talentin e tij.

Pas një sezoni të shkëlqyer në 2025-26 me KB Istogun në Ligën e Parë, ku regjistroi mesatarisht 17.8 pikë për ndeshje, por edhe paraqitjeve të tij shumë të mira më Kosovën-U20, Orges Shatri vjen te KB Peja i gatshëm për hapin e radhës në karrierën e tij.

KB Peja, krahas 4 përforcimeve të huaja dhe 5 të atyre vendore të nënshkruara këtë edicion, bordi i ri i klubit kanë vendosur që 3 vende në ekip të blindohen për lojtarët e rinjë si; Orgesi, Diari, Eloni të tre këta që vlerësohen si talentët më të mëdhenjë të basketbollit tonë dhe bashkë më trajnerin Kakiouzis, do t’i shtyjmë përpara, duke treguar se kur ka vullnet të klubit mund të përkrahen edhe të rinjët dhe pikërisht kjo është edhe ideja jonë.

Sepse realisht pa të ardhmen nuk ka as të tashme. Pikërisht për këtë arsye, investimi në gjeneratat e reja është një domosdoshmëri, veçanërisht në një kohë kur të gjithë jemi dëshmitarë se basketbolli ynë po përballet me mungesë të lojtarëve cilësorë vendorë.

Vetëm duke u besuar dhe duke u krijuar hapësirë talentëve të ri mund ta forcojmë basketbollin tonë dhe ta ndërtojmë të ardhmen edhe të klubit tonë por edhe të Reprezentacionit të Kosovës.

Mirë se vjen Orges! 🦅

NJOFTIM:

Shorti për fazën kualifikuese të FIBA Europe Cup do të mbahet me 16 korrik, e enjte, në Mynih - ku KB Peja do të zbuloj kundërshtarin me të cilin do të ballafaqohet për një vend në grupet e Europe Cup për edicionin 2026/27.

Kundërshtarët e mundshëm të KB Peja në këtë fazë janë:

🇦🇿 Neftchi IK
🇭🇷 KK Samobor
🇷🇴 Dinamo Bucharest

Ndeshjet zhvillohen me sistemin vajtje ardhje dhe kosh-diferenca totale e dy takimeve do të vendos skuadrën që kualifikohet tutje.

Varësisht nga kualifikimet e Champions League, me shumë mundësi edhe një nga ekipet humbëse do të jetë pjesë e FIBA Europe Cup.

💛🖤

NJOFTIM ZYRTAR | DALIN NË SH*TJE KARTAT SEZONALE 2026/27

KB Peja njofton të gjithë tifozët, përkrahësit dhe partnerët e klubit se, duke filluar nga nesër, fillon sh*tja e kartave sezonale për edicionin 2026/27.

Për këtë edicion, kartat sezonale janë të ndara në tri kategori:

🟡 ULTRA VIP

* Qasje në ballkonin e palestrës.
* E dedikuar për ata që dëshirojnë ta ndjekin çdo ndeshje nga sektori VIP në ballkon.

🟡 MEMBER VIP

* Qasje në parketin e palestrës, pranë aksionit.
* Kjo është karta e duhur për të gjithë ata që dëshirojnë të jenë pjesë e atmosferës ekskluzive në parket.

🟡 SPECIAL GUEST

* Kartë e dedikuar për sponsorët dhe partnerët e klubit, me statusin “Special Guest”(Bëhu sponsor Krenar i KB Peja).

Të gjitha kartat sezonale janë valide për të gjitha ndeshjet që KB Peja zhvillon si vendas, në të gjitha kompeticionet gjatë sezonit 2026/27.

Procedura e blerjes👇

Sh*tja e kartave bëhet ekskluzivisht nga KB Peja.

Pagesa kryhet vetëm përmes xhirollogarisë bankare. Pas realizimit të pagesës, duhet të dërgohet dëshmia e pagesës, ndërsa më pas klubi do ta bëjë dorëzimin e kartës sezonale.

📞 Për informata të tjera dhe rezervime, por edhe secilin detaj tjetër numri kontaktues👇
+383 49 618 240(whatsApp).

Përparësi për mbajtësit aktualë!

Mbajtësit e kartave dhe ulëseve të sezonit të kaluar do të kenë një përparësi të lehtë për rinovimin e vendeve të tyre. Në rast se ata nuk paraqiten brenda afatit të caktuar(një ditë pas publikimit të këtij postimi), vendet do të lirohen dhe do t’u ofrohen tifozëve të tjerë sipas radhës së aplikimit.

Sezoni i ri po afron dhe dëshirojmë që edhe këtë vit ta kemi përkrahjen tuaj të jashtëzakonshme në çdo ndeshje, kurse pjesa VIP, është gjithmonë e limituar!

Bëhu pjesë e familjes verdhezi dhe siguro vendin tënd për sezonin 2026/27! 💛🖤

RIKTHEHEMI NË SKENËN EVROPIANE! 💛🖤

Historia vazhdon.
Pas një rruge të ndërtuar me punë të palodhur, disiplinë, përkushtim dhe paraqitje dinjitoze në arenën ndërkombëtare, që nga debutimi ynë në FIBA Europe Cup në vitin 2016, kur filluam historinë tonë ndërkombetarisht në ato ndeshjet spektakolare kundër Cluji, nga Rumania pastaj prapë në 2023/24/25(champions league dhe kualifikimi në grupe të FEC), tashme KB Peja rikthehet sërish aty ku i takon — mes klubeve që përfaqësojnë me krenari basketbollin evropian.

Kjo pjesëmarrje është një dëshmi e qartë e zhvillimit të klubit tonë dhe e standardeve që kemi ndërtuar ndër vite. Për KB Pejën, kjo nuk është vetëm një garë sportive, por një mundësi e madhe për të afirmuar identitetin tonë, për të përfaqësuar me dinjitet qytetin e Pejës, tifozët tanë besnikë dhe basketbollin e Kosovës në një skenë të rëndësishme ndërkombëtare.

Me një skuadër të përgatitur për të garuar me seriozitet, karakter dhe ambicie, synimi ynë është i qartë: të paraqitemi me krenari, të luftojmë në çdo ndeshje dhe të japim maksimumin për të arritur sa më larg në këtë rrugëtim evropian.

Ky është një kapitull i ri për klubin tonë, një sfidë që e presim me besim, përgjegjësi dhe vendosmëri.

Çdo ndeshje do të jetë një test i karakterit tonë, çdo minutë një mundësi për të treguar vlerat tona dhe për ta mbajtur lart emrin e Pejës.

Deri më 16 korrik kur në Gjermani, do të tërhiqet shorti, mbesim më shpresë se kjo sezon do të jetë sezona e KB Peja.

Rikthehen netët Evropiane në Karagaçin tonë. 🦅

👀

Arti Hajdari vazhdon me KB Peja!💛🖤

KB Peja ka kënaqësinë të njoftojë se Arti Hajdari do të vazhdojë të jetë pjesë e familjes verdhezi edhe për sezonin e ri.

Një lojtar që nuk ka kursyer asnjëherë djersën për këtë fanellë, duke qenë pjesë e çdo beteje dhe e çdo suksesi të klubit. Gjatë rrugëtimit të tij me KB Pejën, Arti ka kontribuar në fitimin e 3 Kupave të Kosovës, 1 Superkupe të Kosovës dhe super titullin e Kampionit të Kosovës, në 2023 në Mitrovicë, duke e ngritur trofeun si Kapiten e duke u bërë pjesë e një gjenerate që shkroi histori për klubin tonë.

Vazhdimësia e tij është dëshmi e besimit që kemi te vlerat, karakteri dhe mentaliteti fitues që ai sjell në parket.

Sezoni i ri na pret me objektiva të mëdha, ndërsa Arti Hajdari do të jetë sërish aty, i gatshëm të japë gjithçka për ngjyrat verdhezi.

Mirë u pafshim në “Karagaçi”!

Bashkë, për fitore të reja! 🦅