13/07/2026
Të nderuar qytetarë, sportdashës dhe përkrahës të klubit,
Ju njoftojmë se FC Arbana nuk ka përfituar fonde nga Federata e Futbollit të Kosovës që 5 vite, ndërsa mjetet e ndara nga Drejtoria e Sportit në Prizren për vitin e kaluar ende nuk janë ekzekutuar. Për më tepër, kërkesa e klubit për subvencion për vitin 2026 është refuzuar.
Pavarësisht kësaj situate të vështirë financiare, FC Arbana ka arritur të lidhë marrëveshje sponsorizimi me kompanitë Swiss Construction dhe Tesoro, në vlerë totale prej 3,000 €. I falënderojmë këto kompani për besimin dhe mbështetjen e dhënë ndaj klubit tonë.
Megjithatë, kjo shumë nuk është e mjaftueshme për fillimin dhe zhvillimin normal të sezonit të ri garues. Klubi vlerëson se për përfundimin e sezonit nevojiten rreth 20,000 €, mjete që do të mbulonin shpenzimet e garave, transportit, pajisjeve sportive, organizimit dhe funksionimit të përgjithshëm të klubit.
Prandaj, FC Arbana u bën thirrje të gjitha bizneseve lokale, individëve, sportdashësve dhe bashkatdhetarëve tanë në mërgatë që, sipas mundësive të tyre, të ndihmojnë klubin tonë. Çdo kontribut, sado i vogël, është i rëndësishëm për vazhdimin e aktivitetit sportiv dhe për mbështetjen e të rinjve të lagjes sonë.
Të bashkohemi për ta mbajtur gjallë FC Arbanën dhe për t’u dhënë fëmijëve dhe të rinjve mundësinë të vazhdojnë të merren me sport.
Me respekt,
FC Arbana
21/06/2026
27/05/2026
26/04/2026
19/04/2026
05/04/2026