K.Ç. Pro Bike - Prizren

Pamjet nga java e 8-të e koncept-aktivitetit Bike&Akshamisefa!

Çdo të premte mbrëma, rrugët e Prizrenit marrin jetë nga pedalimi i çiklistëve – të rinj, të moshuar, gra, burra e fëmijë. 👨‍👩‍👧‍👦
Kjo nuk është vetëm një ngasje biçiklete… është shoqëri, familjaritet, rekreativitet dhe një mënyrë për të promovuar çiklizmin e sigurt gjatë natës! 🌃🚦

🚴🚴‍♀️

Pas përfundimit me sukses të ceremonisë së shpërndarjes së biçikletave, aktivitetet e projektit po vazhdojnë me trajnime për përfituesit.

Pjesëmarrësit po marrin njohuri dhe aftësi praktike mbi servisimin elementar, mirëmbajtjen dhe përdorimin e sigurt të biçikletës, me qëllim që biçikletat e dhuruara të përdoren në mënyrë të qëndrueshme dhe afatgjatë.

Sepse ne besojmë se një biçikletë nuk është vetëm një mjet transporti, por edhe një mundësi për një jetë më të shëndetshme, më aktive dhe më të gjelbër. 💚♻️

⛅Sezona 2026 vazhdon!
📷Pamjet nga aktiviteti “Ride&Relax” 05👏
📍Ruta: Prizren-Prevallë-Prizren

🚴🚴‍♀️

🚴‍♂️♻️ 50 biçikleta, 50 buzëqeshje, një Prizren më i gjelbër! 💚

E përmbyllëm me sukses ceremoninë e shpërndarjes së biçikletave në kuadër të projektit .

Përgjatë dy muajve të fundit, u grumbulluan 50 biçikleta të papërdorura, të cilat u servisuan, u riparuan dhe u rikthyen në gjendje funksionale. Këto biçikleta gjetën pronarë të rinj dhe nisën një jetë të dytë. 🚲✨

Përfituesit e projektit, të cilët vijnë nga komunitete të ndryshme dhe janë identifikuar me ndihmën e shoqatave humanitare që veprojnë në Prizren, morën trajnime elementare për përdorimin e sigurt, riparimin dhe mirëmbajtjen e biçikletave.

Falënderojmë përzemërsisht Agjencinë Turke për Bashkëpunim dhe Koordinim (TİKA) dhe Fondacionin "Sıfır Atık" (Zero Mbeturina) për mbështetjen e këtij projekti të rëndësishëm, i cili promovon lëvizjen e gjelbër, solidaritetin dhe ripërdorimin.

Një falënderim i veçantë shkon për Koordinatoren e TİKA-s në Kosovë, znj. Fulya Aslan, Konsullin e Përgjithshëm të Republikës së Türkiye në Prizren, z. Fatih Topçu, Kryetarin e Federatës së Çiklizmit të Kosovës, z. Avni Nuha, si dhe të gjithë partnerët, mediat, vullnetarët e klubit dhe qytetarët që kontribuan në realizimin e këtij aktiviteti.

🌱 Nga sot, 50 biçikleta më shumë në rrugë.
💚 50 histori të reja.
♻️ Një hap më afër një komuniteti më të gjelbër dhe më solidar.