KB Vitia

GERTI – DJALI I QYTETIT

.qëu rrit në familjen e Klubit të Basketbollit Vitia.

Çdo hap i tij në parket ishte njëkohësisht edhe një hap në rritjen e klubit.

Gerti nuk ështe vetëm një lojtar; ështe pjesë e historisë së KB Vitia.

Gerti u rrit bashkë me klubin, u formua dhe u bë simbol i një brezi që besoi se me punë, disiplinë dhe zemër mund të arrihet gjithçka.

Ngjyrat e qytetit nuk i veshi vetëm në fanellë. Ai i mbrojti me krenari, me djersë dhe me shpirt në çdo ndeshje. Nuk kurseu asnjëherë veten për ta bërë krenar qytetin e tij. Çdo fitore e tij ishte një buzëqeshje më shumë për Vitinë, ndërsa çdo sfidë e përballuar ishte një dëshmi se sakrifica gjithmonë shpërblehet.

Talenti i tij e çoi edhe më larg. Gerti pati nderin të përfaqësojë qytetin dhe Kosovën me fanellën e kombëtares, duke dëshmuar se ëndrrat e një djali nga Vitia mund të arrijnë skenat më të mëdha. Sot ai është një nga basketbollistët më premtues të brezit të tij, një sportist që frymëzon fëmijët të besojnë në ëndrrat e tyre.

Por madhështia e Gertit nuk matet vetëm me pikët e shënuara apo ndeshjet e fituara. Vetëm 17 vjeç, ai ka zgjedhur të ndërtojë edhe të ardhmen akademike, duke nisur studimet në Fakultetin e Inxhinierisë Kompjuterike. Ai dëshmon se një sportist i vërtetë nuk ndërton vetëm trupin, por edhe mendjen.

I edukuar me vlera të forta familjare, me kulturë, respekt dhe traditë, Gerti është shembulli i djalit që çdo qytet do ta donte ta kishte. I thjeshtë në sjellje, i madh në vepra, i përulur në fitore dhe i fortë në sfida.

Për ne, Gerti nuk është vetëm një basketbollist. Ai është krenaria e qytetit, fytyra e një brezi të ri dhe dëshmia se suksesi lind aty ku bashkohen puna, karakteri dhe dashuria për vendlindjen.

Rrugëtimi i tij sapo ka filluar. Ne besojmë se skenat më të mëdha e presin dhe se emri i tij do të vazhdojë ta bëjë krenare Vitinë, Kosovën dhe të gjithë ata që e njohin.

Vazhdo përpara, Gerti! Qyteti yt është krenar me ty dhe do të jetë gjithmonë pranë teje. Sukseset e tua janë sukseset tona.

KB Vitia në Kampin Nacional 5 ditor të zhvilluar në Republiken e Maqedonies!

Në mesin e qindra basketbollistëve nga klube të ndryshme të rajonit, KB Vitia u përfaqësua me plot 7 lojtarë të talentuar, duke dëshmuar edhe një herë se Vitia vazhdon të ndërtojë të ardhmen e basketbollit.

Gjatë pesë ditëve intensive të kampit, u zhvilluan ndeshje me klube nga rajoni, ku lojtarët tanë treguan disiplinë, karakter, talent dhe shpirt gare.

Krenaria më e madhe erdhi me zgjedhjen e

ERDUAN EMERLLAHUT si lojtari më i mirë i kampit, një vlerësim që nuk vjen rastësisht, por si rezultat i punës së madhe, përkushtimit dhe talentit të jashtëzakonshëm.

Urime Erduanit, urime gjithë lojtarëve tanë dhe stafit të klubit për përfaqësimin dinjitoz!

E ardhmja është bardh e gjelbër!

VITIA 💚🤍🏀

Klubi i Basketbollit Vitia, shpreh krenarinë dhe kënaqësinë e veçantë për ftesën e dy lojtarëve tanë të rinj, Gert Xhelili dhe Art Rexhepi, në grumbullimin e Përfaqësueses së Kosovës U18.

Këta dy talente të klubit tonë kanë treguar performanca të jashtëzakonshme gjatë kampionatit, çka ka bërë që të fitojnë besimin e stafit të Përfaqësueses së Kosovës.

Ftesa e tyre në kombëtare është dëshmi e punës së palodhshme, talentit të tyre dhe zhvillimit të vazhdueshëm që po bëhet në kuadër të KB Vitia.

Këta dy djem nuk janë vetëm lojtarë premtues, por edhe ambasadorë të denjë të qytetit tonë dhe klubit, duke na bërë krenarë me çdo paraqitje të tyre.

KB Vitia do të vazhdojë të mbështesë fuqishëm zhvillimin e tyre dhe të të gjithë të rinjve, me synimin që edhe më shumë talente të arrijnë nivele të larta në basketbollin kosovar dhe ndërkombëtar.

Urime Gertit dhe Artit – suksese me fanellën e Kosovës U18!

KB Vitia 🤍💚

9 Prill – Dita e Kushtetutës 🇽🇰

Sot festuam ditëlindjen e 12-të të Ajanit – një shpresë e madhe dhe një yll në ngritje i basketbollit në qytetin tonë! 🏀✨
Klubi ynë, KB Vitia, i uron nga zemra shëndet, suksese dhe shumë fitore në rrugëtimin e tij sportiv. Urojmë që çdo hap i tij të jetë drejt majave të suksesit dhe që një ditë të na bëjë krenarë të gjithëve!
Gëzuar ditëlindjen, kampion! 🎉💚