Durbanville Bellville Rugby Club

21/10/2026

19/10/2026

🔥DURBELL RUGBYKLUB

OPROEP VIR NOMINASIES – RUGBYKOMITEE 2027

WEES DEEL VAN DIE SPAN AGTER DIE SPAN!

Durbell Rugbyklub is meer as net rugby. Dit is 'n klub met 'n trotse geskiedenis, sterk tradisies en 'n besondere kultuur van vriendskap, familie en gemeenskap.
Ons klub se sukses is oor baie jare gebou op die betrokkenheid en onbaatsugtige diens van mense wat bereid was om hul tyd en energie tot voordeel van Durbell op te offer.

Met die oog op ons komende Algemene Jaarvergadering (AJV) nooi ons lede uit om hulself beskikbaar te stel vir die Durbell Rugbykomitee vir 2027.

WIE SOEK ONS?

Ons soek positiewe, toegewyde mense wat:
• 'n Opregte passie vir Durbell en sy toekoms het.
• Bereid is om tyd en energie aan die klub af te staan, veral op wedstryddae en tydens klubaktiwiteite.
• Verantwoordelikheid kan aanvaar, saamwerk en hand bysit.
• Nuwe idees en oplossings bring, maar ook bereid is om dit te help uitvoer.
• Ons tradisies respekteer en terselfdertyd oop is vir verandering en vooruitgang.
• Die belange van die klub en sy mense altyd eerste stel.

Om op die komitee te dien, is nie bloot 'n titel nie, maar 'n voorreg en 'n verantwoordelikheid.
Ons verstaan dat almal werk, gesinne en ander verpligtinge het. Wat saak maak, is nie noodwendig hoeveel tyd jy het nie, maar jou bereidwilligheid om 'n positiewe bydrae te lewer.

NOMINASIES

Nominasievorms is by die klubkantoor beskikbaar en kan, sodra dit voltooi is, weer daar ingehandig of per e-pos gestuur word aan:
[email protected]

Lede word versoek om 'n kort motivering saam met hul nominasie in te dien waarin hulle aandui waarom hulle wil dien en watter bydrae hulle kan lewer.

Sluitingsdatum: Woensdag, 28 Oktober 2026

ALGEMENE JAARVERGADERING (AJV)

Datum: Woensdag, 11 November 2026
Tyd: 18h30
Plek: Durbell Rugbyklub

BELANGRIK: Geen laat nominasies of nominasies op die dag van die AJV sal aanvaar word nie.

ONS TOEKOMS IS ONS ALMAL SE VERANTWOORDELIKHEID

Durbell se toekoms lê in die hande van mense wat bereid is om saam te bou op ons trotse verlede en terselfdertyd ruimte te skep vir nuwe energie en idees.
Dit is maklik om van die kantlyn af 'n mening te hê. Die werklike verskil word gemaak deur diegene wat bereid is om hul hand op te steek en saam te werk.
Ons nooi jou vriendelik uit om deel te word van die span agter die span.
DURBELL RUGBYKLUB

Gebou op tradisie. Gedra deur vriendskap. Versterk deur mense wat omgee.

🔴⚪️🔵

19/10/2026

DURBELL RUGBY | SEISOEN 2026

Na Saterdag se nederlaag in die halfeindstryd van die Gold Cup het ons 15-man-rugbyseisoen tot ’n einde gekom.

Baie geluk aan College Rovers met julle welverdiende oorwinning. Sterkte met die finaal. Ons wens julle alle sukses toe.

Dit was nie die uitslag waarop ons gehoop het nie, en die teleurstelling is groot. Ons het onsself en ons ondersteuners teleurgestel, en dit is nie die standaard waarna ons as klub, bestuur, afrigters en spelers streef nie.

Dit was ’n seisoen van gemengde emosies – goeie oorwinnings, besonderse hoogtepunte, moeilike oomblikke en ’n paar geleenthede wat ons nie ten volle benut het nie. Daar is beslis positiewe dinge waarop ons kan voortbou, maar ook lesse wat ons uit die seisoen moet neem. Om tweede in die liga en twee halfeindstryde te bereik, is iets om te waardeer, maar as klub bly ons strewe om nog beter te doen.

Ons gaan nou ’n kort blaaskans neem, hergroepeer en met nuwe energie en vasberadenheid voorberei vir die 2027-seisoen.
Die komende seisoen beloof om ’n groot uitdaging vir ons bestuur, afrigters en spelers te wees. Met ’n uitgebreide ligaprogram, die Presidentsbeker en moontlike deelname aan die Gold Cup, indien ons kwalifiseer, sal dit goeie beplanning, harde werk en toewyding van almal verg.
Ons sal moet harder werk, beter voorberei en as klub nog sterker saamstaan.

Ons doel is om voort te bou op die positiewe aspekte van hierdie seisoen, aandag te gee aan waar ons tekortgeskiet het en as klub sterker en beter voorbereid terug te keer. Ons wil onsself weer in ’n posisie plaas om in elke kompetisie mededingend te wees en ons klub met trots te verteenwoordig.

Aan ons spelers, afrigters, bestuur, borge en getroue ondersteuners: baie dankie vir julle tyd, opoffering, betrokkenheid en ondersteuning deur die hele seisoen. Elkeen speel ’n belangrike rol in die klub, en ons waardeer dit opreg.

Ons sluit 2026 af met gemengde gevoelens – teleurstelling oor wat kon wees, waardering vir wat bereik is en optimisme oor wat voorlê. Ons sal leer, ons sal groei en ons sal sterker terugkom.

Nou is dit tyd om te besin, te leer en weer vorentoe te kyk.

❤️🤍💙

16/10/2026

🔥Hiermee ons span vir môre se semi-finaal 🆚 College Rovers💥

🗓️ Saterdag 17 Oktober
📍 College Rovers - Durban
⏰ 14h00

Baie dankie aan Duane dat hy sy tyd gegee het om ons truie te oorhandig. Ons waardeer sy tyd en betrokkenheid opreg.

Sterkte manne, ons almal staan bankvas agter julle.

🔴⚪️🔵

12/10/2026

💥 Ons speel die komende Saterdag in die semi-finaal 🆚 College Rovers🔥

Sit ons in die Durban boks!

Sterkte aan die span.

🗓️ 17 Oktober
📍 College Rovers
⏰ 14h00

🔴⚪️🔵

11/10/2026

🔥Hiermee ons uitslag van die naweek se 🏉 wedstryd. 💥

Dankie vir almal se ondersteuning. Dit word opreg waardeer.

🔴⚪️🔵

09/10/2026

🔥 Hiermee ons span vir môre se kwarteindrondte 🆚 Roses United.⚡️

🗓️ Saterdag - 10 Oktober
⏰ 16h00
📍 Wellington

Dis n grote! Kom ondersteun gerus die manne.

🔴⚪️🔵

05/10/2026

💥 Ons speel die naweek in die kwarteindrondte van die Gold Cup 🆚 Roses United in Wellington.🔥

🗓️ 10 Oktober
📍 Wellington
⏰ 16h00

Kom ondersteun gerus die manne, hulle sal dit waardeer.

🔴⚪️🔵

04/10/2026

🔥Hiermee ons uitslag van die naweek se Gold Cup Top16💥

Was n riller!

Geluk manne. Ons is baie trots op julle. Julle het alles gegee.

🔴⚪️🔵

02/10/2026

🔥 Ons speel die naweek in die Top 16 🆚 Villagers.💥

🗓️ 3 Oktober
📍 Brookside
⏰ 15h00

Ons toekomstige 0/20 spelers speel tuis om die Durbie manier te beleef.

📍 Tuis
⏰ 13h30

Die Gold Cup wedstryd word uitgesaai op SuperSport - so kom maak gerus n draai by die klub en ondersteun die manne.

🔴⚪️🔵