Menlo Perdesport

Home
South Africa
Menlo Park
Menlo Perdesport

Perdesport by Die Hoërskool Menlopark

06/09/2026

🐎🏆 Menlo trots! 🏆🐎

Ons kondig met trots ons Menlo-ruiters aan wat gekies is om Gauteng by die 2026 SANESA Nasionale Kampioenskappe te verteenwoordig.

Die pad na 'Nationals' word nie oornag gestap nie. Na maande van kwalifiseerders, vroeë oggende, lang dae in en langs die arena, oomblikke in en dan ewe skielik uit die saal, opwinding, teleurstelling, uitdagings en oorwinnings, het hulle nou hierdie opwindende punt bereik. Hierdie prestasie is die resultaat van baie meer as net talent. Dit verg deursettingsvermoë, dissipline, opofferings en 'n ware liefde vir die sport.

Baie geluk aan:
⭐ Jessi Strydom (Equitation, Show Jumping, Working Hunter)
⭐ Leilanie Potgieter (Equitation, Working Hunter)
⭐ Annebelle Botha (Show Riding, Working Hunter)
⭐ Dea Higgins (Dressage Freestyle)
⭐ Miela Diamond-van Jaarsveld (Show Jumping)
⭐ Kaeley Smith (Show Jumping)
⭐ Annabell Burger (Show Jumping)
⭐ Leah de Wit (Endurance A-span, 80 km)
⭐ Jeante van der Merwe (Working Equitation Rising Stars)
⭐ Gizelle de Bruin (Working Equitation Rising Stars)
⭐ Mila Wiggett (Western Mounted Games)

Die 2026 SANESA Nasionale Kampioenskappe vind as volg plaas:

📍 Core League Nasionale Kampioenskappe
24 tot 27 September 2026 | Kyalami Equestrian Park, Gauteng
📍 Rising Stars Challenge
27 en 28 September 2026 | Kyalami Equestrian Park, Gauteng
📍 Western Mounted Games Nasionale Kampioenskappe
27 September tot 3 Oktober 2026 | Afridome, Parys
📍 Working Equitation Nasionale Kampioenskappe & Rising Stars Challenge
3 Oktober 2026 | Rosefield Equestrian Club
📍 Endurance Nasionale Kampioenskappe & Rising Stars Challenge
24 Oktober 2026 | The Willows, Bloemfontein

‘n Spesiale dankie ook aan al ons ouers, afrigters, ‘grooms’ en ondersteuners wat elke tree van die pad saamgestap het. Dankie vir elke kilometer met ‘n ‘horse box’ op die pad, die vroeë oggende, die laat middae, die eindelose logistiek, kophou met arena skedules, aanmoediging en onvoorwaardelike ondersteuning!
❤🤍💙

07/08/2026

Die SA Youth Championships is een van die mees gesogte jeugperdesport-byeenkomste in Suid-Afrika. Die kampioenskap word buite skoolverband aangebied en gee aan jong ruiters van regoor die land die geleentheid om hul vaardighede, toewyding en sportmangees ten toon te stel op nasionale vlak.

Ons wens graag vir Leilanie Potgieter geluk met haar uitstekende prestasie by die afgelope SA Youth Championships waar sy 'n 1ste plek en 4de plek in die 1m Show Jumping behaal het!

Menlo Perdesport is trots op jou! 🏆🐴🌟

05/08/2026

Ons deel graag die uitslae van ons Die Hoërskool Menlopark-ruiters wat onlangs aan die Sanesa - Gauteng Province streeksfinaal by Kyalami Equestrian Park deelgeneem en hul Gauteng-Noord kleure verwerf het. Hartlik geluk aan elke ruiter met hierdie welverdiende prestasie, ons is trots op wat julle bereik het!

Die volgende ruiters eindig onder die top 10 in hul onderskeie dissiplines:
Dea Higgins, Dressage Free Style - 1e plek
Jessi Strydom, Performance Hunter - 3e plek
Kaeley Smith, Show Jumping - 3e plek
Leilanie Potgieter, Equitation - 3e plek
Leilanie Potgieter, Working Hunter - 3e plek
Miela van Jaarsveld, Show Jumping - 3e plek
Annabell Burger, Show Jumping - 5e plek
Annebelle Botha, Show Riding 8e plek

Baie geluk ook aan die volgende ruiters wat hul uitstekend van hul taak gekwyt het in die volgende dissiplines tydens die streeksfinaal:
Show Jumping:
Annabell Burger
Jessi Strydom
Kaeley Smith
Micaela Cloete

Equitation:
Jessi Strydom
Desré van der Merwe

Prix Caprilli:
Lisa Fouche

Fox Hunter:
Annebelle Botha

Dressage:
Desré van der Merwe

07/07/2026

Menlo-ruiters in die saal vir SANESA-streekskompetisie

Die Hoërskool Menlopark se ruiters het weereens bewys dat harde werk, toewyding en deursettingsvermoë beloon word. Ons is trots op ons ruiters wat ná uitstekende prestasies tydens die SANESA Tshwane Kernliga-seisoen hul plekke in die Tshwane-streekspan verseker het.

Baie geluk aan die volgende Menlo-ruiters en hul viervoetige spanmaats:
• Annabell Burger
• Annebelle Caro Botha
• Dea Higgins
• Desré van der Merwe
• Jessi Strydom
• Kaeley Smith
• Leilanie Potgieter
• Lisa Fouché
• Marianne van de Vyver
• Micaela Cloete
• Miela Diamond-van Jaarsveld
• Nicola Nortje

Hierdie ruiters sal Menlo in verskeie dissiplines verteenwoordig, waaronder Dressage, Equitation, Prix Caprilli, Performance Riding, Showing, Working Hunter, Working Riding en Show Jumping, tydens die SANESA Tshwane-streekskompetisie wat op 17 en 18 Julie by Kyalami Equestrian Park in Johannesburg plaasvind.

Baie geluk ook aan Mila Wiggett met haar verkiesing tot die SANESA Tshwane Western Mounted Games-span. Die streekskompetisie vind op 25 en 26 Julie by Six Trees plaas. Dit is 'n besondere prestasie en getuig van haar vaardigheid, toewyding en harde werk in hierdie uitdagende dissipline.

Aan elke ruiter: geniet hierdie welverdiende prestasie, wees trots op wat julle reeds bereik het en pak die komende streekskompetisies met dieselfde Menlo-gees aan wat julle tot hier gebring het.

Baie sterkte. Ons staan bankvas agter julle en sien daarna uit om julle die Menlo-kleure met trots te sien verteenwoordig.
🐴❤🤍💙🐎

03/02/2026

Die Menlo-skou was een vir die boeke! Geluk aan al die ruiters wat deelgeneem het - dit was 'n voorreg om julle en julle perde in aksie te beleef! Dankie aan Menlo-ouers, Menlo-personeel en die Parkieraad wat gesorg het dat alles so vlot verloop - julle is 'n inspirasie! Dit was waarlik 'n fees!
❤️ 🏇🏇🏇

19/01/2026

Menlo-ruitersport is oorgehaal en opgesaal vir die jaar! Ons sien uit na die Menlo-skou en hoop om jou daar te sien! ❤️ 🏇🏇🏇

2026 Menlo
https://drive.google.com/file/d/1VhPY-mog7doQ-eJOnt7g4jkYO4N0xP22/view?usp=sharing

Program
https://drive.google.com/file/d/1sNssB2y_E3OPaZ5UgY-jDDAUveJxoIgU/view?usp=sharing

08/10/2025

Sterkte aan al ons Menlo ruiters wat die SANESA Nasionale Kampioenskap aandurf!

Julle het reeds gewys wat deursettingsvermoë en passie beteken. Geniet elke oomblik in die arena en weet ons is trots op julle!

29/08/2025

SANESA Uithourit Nasionale Kampioenskap – Bona Bona | Saterdag 23 Augustus 2025

Wat 'n ongelooflike voorreg om twee talentvolle Menlo-ruiters te hê wat Gauteng met trots by die SANESA Uithourit Nasionale Kampioenskap verteenwoordig het!

🐎Leah de Witt het in Vlak 4 (80km kompeterend) met Sadon Ashwa 'n puik 6de plek behaal.
🐎 Stephan Botha het in Vlak 1 Trapleer (60km) met ZEC Arkab Klapper 'n indrukwekkende 5de plek ingepalm.

Uithouritte is unieke en uitdagende ruitersport wat nie net fisieke uithouvermoë verg nie, maar ook strategiese beplanning, emosionele uithouvermoë en 'n sterk band tussen ruiter en perd. Ruiters moet die afstand voltooi binne 'n sekere tyd en die doel is nie net spoed nie, maar om ruiter en perd veilig en gesond oor die eindstreep te bring. Ruiters moet self fisiek sterk wees, lang ure in die saal verg goeie spierkrag, balans en konsentrasie. Tydens die rit word perde op verskeie punte deur veeartse ondersoek. Ruiters moet weet wanneer om te versnel, wanneer om te rus en hoe om hul perd se energie te bestuur oor die hele afstand.

Leah en Stephan het gewys dat hulle en hul perde nie net die vernuf en karakter het om die langpad met trots aan te durf, maar ook die uithouvermoë en vasberadenheid om op nasionale vlak uit te blink.

Baie geluk – julle is ware Menlo ambassadeurs! 🐎❤️🤍💙🐎

26/08/2025

Menlo Perdesport besoek Rooigras Boerperdstoet

Ons Menlo Perdesportspan het onlangs die voorreg gehad om Rooigras Boerperdstoet te besoek - 'n uitstappie wat nie net leersaam was nie, maar ook terdeë geniet is deur al ons ruiters en hul ouers.

Rooigras Stoet geleë op 'n pragtige plaas net buite Bronkhorstspruit, is in 2004 gestig deur Jan en Christelle Joubert. Die toonaangewende stoet het oor die jare 'n uitstekende reputasie opgebou vir hul toewyding aan die SA Boerperd en ontvang verskeie toekennings, insluitend die SA Stamboek Elite Perdestoet van die Jaar in 2022. Die stoet is bekend vir hul kampioenperde en die bevordering van die SA Boerperd; 'n ras wat trots Suid-Afrikaans is.

Wat hierdie stoet van ongeveer 150 perde nog meer besonders maak, is dat dit 'n ware familie-onderneming is. Kristen en Mia, die Joubert dogters, is betrokke by die stoet en dra by tot die sukses van hul perde in kompetisies en teling.

Die besoek het ons ruiters en ouers waardevolle insig gegee in die daaglikse bestuur van 'n stoet, die versorging van perde en die belangrikheid van goeie telingstandaarde. Ons het ook meer geleer oor die geskiedenis en unieke eienskappe van die SA Boerperd, wat 'n integrale deel van ons land se kultuur en landbou-erfenis vorm.

‘n Paar interessante feite oor die SA Boerperd:
• Die SA Boerperd is die enigste suiwer inheemse perderas van Suid-Afrika en het ontstaan uit 'n mengsel van rasse wat reeds in die 1600’s na die Kaap gebring is.
• Hierdie perde is bekend vir hul uithouvermoë, gehardheid en uitstekende temperament, wat hulle ideaal maak vir beide werk en sport.
• Hulle kan tot vyf verskillende gange (gaits) aanleer: stap, draf, galop, kortgang en trippel - iets wat min rasse kan doen!

Ons opregte dank aan Jan, Christelle en Mia Joubert, asook die hele Rooigrasspan, vir jul gasvryheid en die wonderlike dag wat ons op jul prag plaas kon deurbring. Julle passie vir perde, ruiters en die bereidwilligheid om jul tyd en kennis met ons te deel is van onskatbare waarde!

Dankie vir ‘n heerlike dag vol opwinding en inspirasie! Ons wil nou nie die kar voor die perde span nie, maar ons mag seker noem dat ons reeds uitsien na ons volgende besoek!

01/08/2025

Baie sterkte aan ons Die Hoërskool Menlopark ruiters wat hierdie naweek in die saal is by die Sanesa - Gauteng Province streekfinaal:

Amelia Smit
Anika de Souza
Annebell Pienaar
Annebelle Botha
Jess Strydom
Leah de Witt (Uithouritte)
Libby Pienaar
Lize Coetzee
Lize von Ettinger
Micaela Cloete
Milan Brink
Nina Prinsloo
Paige Durrant
Roi Fourie

Gee alles en geniet elke oomblik.
Menlo staan agter julle met elke tree en sprong!

Address

Atterbury Road
Menlo Park
0081

Telephone

+27123617738

Website

http://www.menlopark.co.za/index.php/sport/perdry

Alerts

Be the first to know and let us send you an email when Menlo Perdesport posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Menlo Perdesport:

Want your business to be the top-listed Gym/sports Facility in Menlo Park?