FC Ararat

Հայաստանի Պրեմիեր լիգայի 3-րդ տուրի ԲԿՄԱ – «Արարատ» հանդիպման ընթացքում գրանցվեցին վիճահարույց դրվագներ, որոնք հարցեր են առաջացնում մրցավարական որոշումների վերաբերյալ։

Մասնավորապես, հանդիպման 60-րդ րոպեին հեռարձակման տեսագրությունից երևում է, որ ԲԿՄԱ-ի ֆուտբոլիստը հարվածում է «Արարատի» ֆուտբոլիստի ոտքին և միայն դրանից հետո տիրում գնդակին։ Այս դրվագին չի արձագանքում գլխավոր մրցավար Զավեն Հովհաննիսյանը, իսկ VAR մրցավար Աշոտ Ղալթախչյանը ևս չի հրավիրում նրա ուշադրությունը հնարավոր խախտման վրա։

Մեկ այլ վիճահարույց դրվագ արձանագրվեց հանդիպման սկզբնամասում, երբ հեռարձակման տեսագրությունից թվում է, որ ԲԿՄԱ-ի պաշտպանը հարված է հասցնում «Արարատի» հարձակվողին։ Դրվագը կարող էր դիտարկվել որպես 11-մետրանոց հարվածի նշանական և կարմիր քարտի հիմք, սակայն մրցավարական անձնակազմի կողմից որևէ խախտում չի արձանագրվել։

Հուսով ենք, որ նշված դրվագներին անդրադարձ կկատարվի ՀՖՖ-ի յութուբյան ալիքով ցուցադրվող «VAR-ից հետո» հաղորդման ընթացքում, քանի որ ցանկանում ենք հասկանալ, թե ինչու չեն նշանակվել 11-մետրանոց հարվածներ այս դրվագներում և ինչու VAR համակարգը չի միջամտել կամ մրցավարի ուշադրությունը չի հրավիրել դրանց վրա։ Հնարավոր է՝ առկա են լրացուցիչ տեսագրություններ կամ դիտանկյուններ, որոնք հեռարձակման կադրերում չեն երևում։

Կարծում ենք, որ այս հարցերի հանրային և մասնագիտական պարզաբանումը կարևոր նշանակություն ունի նոր մեկնարկած առաջնությունում մրցավարական որոշումների նկատմամբ վստահության և արդար մրցակցային միջավայրի ապահովման տեսանկյունից։

Վազիր, Ֆելի՛քս, վազիր: Գի Ֆելիքս Լիմայի անհատական անցումից հետո Պատրիկ Հանձոնգոն դառնում է հաղթական գոլի հեղինակ:

❤️ Երբ ցանկանում ես հարգանք ցույց տալ նախկին ակումբիդ, բայց Պրեմիեր լիգայում առաջին գոլի էմոցիաները խեղդում են: Պետրոս Ալեքյանը բացեց իր գոլերի հաշիվն «Արարատի» կազմում:

📹 Հայաստանի Պրեմիեր լիգա, 3-րդ տուր

ԲԿՄԱ - «Արարատ» 1:2 (1:1)
Գոլերը՝ Դավիթ Հարությունյան 43 - Պետրոս Ալեքյան 36, Պատրիկ Հանձոնգո 53

🎙️ Կարեն Բարսեղյանը՝ ԲԿՄԱ-ի դեմ խաղի մասին

Պատրիկ Հանձոնգոյի գոլը՝ Գի Ֆելիքս Լիմայի հիանալի անցումից հետո