Potta Tactics

دور علي اي فريق ناجح في الدنيا هتلاقي عنده المبدأين دول

اول مبدأ المدرب يفضل يقول كلمه عائلة بدل من كلمه فريق
تاني مبدأ هو الجماعية و مش هتلاقي نجم اوحد في الفريق

في برشلونة ده بيحصل
في باريس سان جيرمان ده بيحصل
في بايرن ميونيخ ده بيحصل

المدرب الناجح في رايي مش بس اللي بيعرف يوظف و يطلع افضل امكانيات في كل لاعب ، لكن كمان هو اللي بيعرف يعمل علاقة خاصة مع كل لاعب و يفهم طبيعته كانسان اولا قبل ما يفهم طبيعته كلاعب ، و هو ده فليك ببساطه ❤️

الملك ده اتصرف عليه 88 مليون يورو فقط في اخر سنتين في وسط ما دييجو سيميوني اتصرف عليه 370 مليون يورو ، و مدربين ريال مدريد اتصرف عليهم 220 مليون يورو في نفس الفتره

الملك ده حقق دوري و سوبر في ظل غياب ليفاندوفسكي و رافينيا اغلب الموسم و في ظل غياب يامال 12 مباراة بسبب 4 اصابات ، يعني لعب من غير خط هجوم كامل طول الموسم

و برغم ذلك نيم اسبانيا كلها من المغرب و كسب 5 بطولات من اصل 6 و اللي صرفوا اكتر منه ضعفين و تلاته معرفوش يكسبوا اي بطولة في وجوده ، هانز فليك خلي كل مشجع برشلوني فخور النهاردة 👏❤️

احمد حلمي : هو مين اللي بيلعب ؟
مجدي كامل : مصر و نيجيريا
احمد حلمي : احنا السود صح

قلبين دفاع من مستشفى الصدر
خط وسط من مستشفى ابو النمرس
مدرب من سوق الجمعة
نادي من عزبة القرود

2024 : تصدي اورتيجا لانفراد سون جاب الدوري لمانشيستر سيتي علي حساب ارسنال

2026 : تصدي رايا لانفراد فيرنانديز هيجيب الدوري لارسنال علي حساب مانشيستر سيتي

كدة خالصين

هو المفروض جمهور ارسنال يقبل اللي حصل ده في الشوط الاول امام ويست هام ؟

يعني تروسارد مرتين يشمع الكورة بدماغه و المرتين الكرة تخبط في العارضه !

يعني كورة زي اللي قدامك دي و مدافع ويست هام في حاله حركه و غير متوازن كمان ف ينزل علي الارض يوقف الكرة قبل ما تدخل المرمي !

ده غير طبعا اصابه بن وايت و رايس مكمل ظهير ايمن و متفهمش موسكيرا منزلش ليه

الواحد تعب للفريق ده فعلا

يعني بيزيرا يفحت نفسه في الضغط و يقطع الكرة و يراوغ اخر مدافع و يروح انفراد و يحط فينيش ممتاز و يسجل هدف في الدقيقه 94 في قلب الجزائر و هدف يجيب بطولة للزمالك خلاص و يحتفل بشكل هيستيري مع الجمهور

و تيجي في الاخر تقولي الغي كل الهيصة دي عشان في ركلة جزاء نسينا نحسبها قبل هدف بيزيرا و الهدف يتاخد من الزمالك و يروح لاتحاد العاصمه

طب مشجع الزمالك يقبل الدراما دي ازاي

انضف علاقة موجودة في كرة القدم حاليا ❤️

عنده 36 سنة و لسة محافظ علي مرونته و مفاصله لسة حية و بيقدم سحر حرفيا

ياسين براهيمي قفل نادي السد النهاردة في نهائي كاس امير قطر بهاتريك تاريخي كل هدف منه عباره عن اغنيه كرويه

بيرقص بالكعب ، بيستلم اجدعها كرة طويله ، بيكسر الضغط بالتمرير ، بيقاوم الضغط بدوران خيالي ، بيحط كباري في المدافعين ، بيعمل كل حاجة ليها علاقه بالمتعه في الكورة

واحد من اعظم اللاعبين العرب اللي جم في تاريخ اللعبه دي ، براهيمي جزائري اصلي 🇩🇿💚

بيقولك بقي ان ثيو هيرنانديز بيلعب في السعوديه و الظاهرتين فيرلاند ميندي و فران جارسيا بيلعبوا في ريال مدريد ❤️

تخيل تبقي مدرب ريال مدريد و يتقالك في الاخر يا راجل يا قمع