22/09/2026
Crónica xornada 1 vs C.F. Dumbría
Tres puntos para o estreo na nova competición.
Arrancamos a tempada na Segunda División Galega (Grupo 3) sumando tres puntos moi traballados ante un C.F. Dumbría (4-0) no Anexo do Roxo.
A primeira xornada, que se disputou baixo unha intensa calor ás 16:00 horas, marcou o ritmo e o esforzo de ambos os dous equipos, que tiveron que xestionar e dosificar esforzos.
A primeira metade foi moi disputada, xa que o C.F. Dumbría plantexaba un comezo de partido no que foron as donas do balón, cunha presión alta e moita intensidade. As nosas tardaron en adaptarse ao ritmo de xogo, pero tras un gran pase ao espazo de Raquel, no minuto 17, Jass conseguía picar o balón e facer o 1-0 no marcador.
Despois do paso por vestiarios, e tras unha primeira parte intensa, o partido comezou a caer do lado local, cunha defensa sólida que neutralizaba os ataques rivais. Co maior dominio do balón, comezaron a chegar numerosas ocasións de gol ao noso favor.
No minuto 58, Sara Fernández poñía o 2-0 tras un pase entre liñas. O 3-0 naceu dunha xogada individual de Sara Fernández, que tras asociarse con Sahara e atopala cun gran pase, deixaba a súa compañeira en posición para poñer o 3-0 no marcador.
No minuto 90, pechábase o marcador cun gol de falta directa de Laura Raña, dando así por rematado o encontro cun resultado final de 4-0.
Un gran esforzo nunha xornada marcada pola calor e ante un rival nada sinxelo.
Tres puntos para comezar e xa coa mirada posta na seguinte xornada.
