Datblygu Hamdden Ffit Conwy

Heddiw, i ddathlu Diwrnod Cefnforoedd y Byd, dyma ddiolch i’n Tîm Swim Safe sy’n rhannu eu gwybodaeth, eu sgiliau a’u cariad llwyr at y môr gyda’r bobl ifanc sy’n dod i ymuno â’n sesiynau ar y traeth.

Lleoedd ar gael ar ein Teithiau Cerdded Tywys i Fenywod ddydd Gwener yma, 12 Mehefin — dewch i ymuno â ni am dro yng nghanol harddwch Coedwig Gwydir.

Archebwch drwy Ap Ffit Conwy neu ffoniwch 0300 456 95 25

Mae ein sesiynau Rhoi Cynnig Arni yn ôl ar gyfer y Haf.

Dewch draw gyda’ch ffrindiau i le cyfeillgar i ymlacio a chymryd rhan ar noson yn ystod yr wythnos.

Bydd Chwarae Allan yn parhau yn ystod y Haf. Dewch i ymuno â ni ledled Conwy ar ôl ysgol wrth i’r tywydd wella. 🌞
Ymunwch â ni am ddigonedd o hwyl yn ein sesiynau chwarae gan gynnwys adeiladu cuddfan, celf a chrefft, chwaraeon, chwarae blêr a chymaint mwy. 🎉

Sesiynau Padlfyrddio i Fenywod a Merched!

Ymunwch â ni ar y dŵr ar gyfer ein sesiwn padlfyrddio wrth sefyll nesaf ar 19 Mehefin.

Boed eich bod yn rhoi cynnig ar rywbeth newydd neu eisoes wrth eich bodd yn bod allan ar y dŵr, mae hwn yn ffordd wych o fod yn egnïol, cael hwyl a mwynhau cwmni gwych!

Yn addas ar gyfer pob gallu – darperir yr holl offer!

Archebwch drwy Ap Ffit Conwy neu ffoniwch 0300 456 95 25

🍊Hoffem ni ddiolch i Siwgr a Sbeis yn Llanrwst, Co-op Llanrwst a Tesco Cyffordd Llandudno am roi fflapjacs, ffrwythau a dŵr ar gyfer sesiynau chwarae i blant ledled Conwy yn ystod hanner tymor mis Mai. Gwnaeth eu caredigrwydd ein helpu ni i ddarparu lluniaeth, a gwnaeth y plant fwynhau’r tameidiau a oedd ar gael i’w bwyta drwy gydol y sesiynau yn fawr iawn 🍏

** DIGWYDDIAD WEDI EI GANSLO - Strafagansa Chwaraeon Traeth Porth Eirias **
Ymddiheuriadau ond oherwydd nifer o faterion ni fyddwn yn gallu cynnal y digwyddiad eleni. Ymddiheurwn am unrhyw anghyfleustra, gobeithiwn fod yn ôl y flwyddyn nesaf ac edrychaf ymlaen at eich gweld chi gyd.

Yfory yw Diwrnod Rhedeg y Byd!

Dathlwch symud mwy – boed yn lonc sydyn, ras 5K gyson neu’ch rhedeg-cerdded cyntaf – mae rhedeg i bawb! Mae’n esgus perffaith i fynd allan a bod yn egnïol.

Dewch â ffrind, ymunwch â grŵp, ewch â’r ci, neu ewch allan ar eich pen eich hun a gweld ble mae’ch rhediad yn eich arwain chi!

𝗦𝘂𝗽𝗲𝗿 𝟭𝘀 𝗖𝗿𝗶𝗰𝗲𝗱 𝗕𝗼𝗯𝗹 𝗶 𝗔𝗻𝗮𝗯𝗹 🏏

Mae ein sesiynau criced i bobl anabl yn parhau, ac rydym bob amser yn hapus i groesawu aelodau newydd. Mae’r sesiynau hyn yn benodol i bobl anabl rhwng 12 – 25 oed ac mae’n gyfle gwych i fagu hyder, gweithio fel rhan o dîm a chymdeithasu mewn awyrgylch hwyliog a chynhwysol. Nid oes angen unrhyw brofiad blaenorol o chwarae criced ac maen nhw’n ddelfrydol i ddechreuwyr.

Cynhelir y sesiynau drwy gydol y flwyddyn, fel arfer yn y neuadd chwaraeon yng Nghanolfan Hamdden y Creuddyn ym Mae Penrhyn. Fodd bynnag, bydd y sesiynau ar 27 Mai a 3 a 10 Mehefin ar y cae 3G yng Nghanolfan Hamdden John Bright Llandudno. Mae’r sesiynau awyr agored yn ddibynnol ar y tywydd, ac rydym yn annog aelodau newydd i gysylltu cyn eu sesiwn gyntaf rhag ofn y bydd unrhyw newid. Bydd y sesiynau’n dychwelyd i Ganolfan Hamdden y Creuddyn o 17 Mehefin ymlaen.

𝗜 𝗴𝗮𝗲𝗹 𝗿𝗵𝗮𝗴𝗼𝗿 𝗼 𝘄𝘆𝗯𝗼𝗱𝗮𝗲𝘁𝗵 𝗳𝗳𝗼𝗻𝗶𝘄𝗰𝗵 𝟬𝟯𝟬𝟬 𝟰𝟱𝟲 𝟵𝟱𝟮𝟱 𝗻𝗲𝘂 𝗮𝗻𝗳𝗼𝗻𝘄𝗰𝗵 𝗲-𝗯𝗼𝘀𝘁 𝗮𝘁 𝗛𝗮𝗺𝗱𝗱𝗲𝗻.𝗟𝗲𝗶𝘀𝘂𝗿𝗲@𝗰𝗼𝗻𝘄𝘆.𝗴𝗼𝘃.𝘂𝗸