Leavehomerun

香港馬拉松大滿貫
五個香港馬拉松

香港地小人多，搞場馬拉松都唔易，但係係呢個彈丸之地，就有五個馬拉松：

1）鄉議局100周年北部都會區馬拉松 北部都會區馬拉松

舉行日期：2026年11月1日

組別：
賽事分為全馬、半馬、十公里及1.5公里賽

路線：
全馬賽事以沙田石門的新界鄉議局大樓為起點，經沙田及吐露港海濱長廊，跑入大埔元洲仔及林村河，並踏足首次開放予跑步賽事使用的粉嶺繞道，最後以上水北區運動場為終點。

2）渣打馬拉松 Standard Chartered HK Marathon
舉行日期：2027年1月17日

組別：
全馬、半馬、10公里

路線：
全馬：尖沙咀出發經過三隧三橋，終點維園
半馬：尖沙咀出發，青衣折返，終點維園
10K：東區走廊

3）嘉里香港街馬 香港街馬 HONG KONG STREETATHON

舉行日期：未知
上屆：2025年11月23日

組別：
全馬、半馬、10K

路線：
全馬及半馬由港島東區走廊起步，穿越東區海底隧道至九龍，終點設於中九龍繞道油麻地交匯處
十公里賽事則由調景嶺起步，跑上將軍澳跨灣大橋，直入將軍澳—藍田隧道，再經觀塘繞道跑到觀塘海濱花園終點。

4）中國沿岸馬拉松（China Coast Marathon / CCM）

舉行日期：未知

上屆：2026年1月11日

組別：
全馬及半馬

路線：
起點終點均設於西貢北潭涌，賽道圍繞西貢郊野公園萬宜水庫的服務路而跑，全程符合 AIMS 認證標準

5）皇者之戰

舉行日期：未知
上屆：2026年2月15日（星期日）

組別：
設有馬拉松、半馬拉松、十公里及二公里。

路線特色：
由馬鞍山出發，跑往烏溪沙青年新村折返，之後上梅子林路頂折返，再跑往沙田方向，轉入城門河行人徑延伸至大埔方向再折返。

路線由AI提供

PS. 正式係冇香港馬拉松大滿貫呢樣嘢

後記：有世界馬拉松大滿貫，如果香港都搞個香港馬拉松大滿貫有冇得諗？🤣

跑鞋流出
Adidas Adizero Pro 5

圖片來源：Reddit

後記：Pro 4都未著已經出Pro 5🙈

南非開普敦馬拉松正式成為全球第 8 個 Abbott 世界馬拉松大滿貫賽事，也是首個在非洲大陸舉辦的大滿貫馬拉松

後記：一個都未抽到

6月1日 海灘重開

你有冇一樣野係曾經好鍾意，約定佢會再做，但係最後因為某啲原因，而家已經做唔到呢？

對於跑者嚟講，傷患係身體最大嘅敵人。輕傷，休息幾日冇事。重傷，休息幾個月或者幾年。嚴重受傷，真係會呢世都跑唔到。

係再見機器人裡面，狗狗因為一次疏忽被迫離開機械人，當狗狗想再次接返機械人嘅時候，狗狗已經入唔返沙灘，要等一年之後，即係6月1號，等沙灘重開，先可以救返佢。

當中狗狗佢認為用咗好多方法嘗試救返機械人，例如向政府申請、偷入去，但係都唔成功，最後佢只好選擇放棄，喺雪櫃嘅當眼處貼咗佢同機械人嘅貼紙相，同埋貼Memo紙提醒自己6月1號去救返機械人。

喺跑者受傷嘅過程，我哋都會覺得自己用盡辦法去拯救自己雙腳，例如物理治療、衝擊波、Cross training，希望可以喺比賽之前（約定之日）救返自己隻腳。

終於到咗6月1日， 狗狗遵守承諾，一早去咗沙灘，可惜佢搵咗好耐，最終都搵唔到機械人。

有啲受過傷嘅跑者，等咗好耐好耐，以為自己隻腳唔痛可以跑返，但係跑咗一段時間又再次痛返。對於一個真正鍾意跑步嘅人嚟講，最痛苦莫過於係做唔到自己鍾意做嘅嘢。

之前訪問陳敏儀，毫無疑問跑步係佢最擅長，都係最鍾意嘅運動。可惜因為傷患，一跑就會斷腳，佢被迫放棄自己最鍾意嘅野，係無可奈何之下被迫退役。

有人話再見機械人係講成長，有人都話跑步必定會受傷。

面對分離，最好係唔好離開，好似如果狗狗一開始無返屋企，係沙灘等到第二朝，佢地就唔洗分開。

面對傷患，最好係唔比佢發生，例如做S&C、控制強度、周期化訓練、Recovery。

預防勝於治療。但係如果已經受傷，就應該放下以前嘅成績，係呢個漫長嘅等待變成自己成長嘅養分，等待康復嘅來臨，保持希望，期待你嘅6月1號，重返運動場。

後記：香港叫汪汪夢裡人，但係我比較鍾意台灣譯名，因為用機械人嘅角度出發，都似返英文戲名Robot Dreams

今次訪問香港傳奇跑手，奧運代表陳敏儀 ，邀請佢講下佢嘅長跑哲學。全部訓練跑嘅速度及休息時間都放左係足本版，值得課金睇。

傳送門
https://youtu.be/0W640RC19Wk

另外佢暑假會幫飛達執教2026暑期長跑精英特訓班
https://www.pacers.org.hk/summerlong-distance-runningelitetraining/

另外佢都接受Online Coaching，歡迎搵佢（唔知收幾錢🙈）

後記：好開心可以做到呢個訪問🥹，基本上有問必答，多謝Maggie

Hyrox係香港越嚟越流行，今次再搵左有跑步背景 嘅Oscar，由跑者嘅角度出發，講下點樣準備Hyrox同埋比賽策略
Oscar背景：曾經到肯雅集訓2年
Hyrox Pro Men 成績為65分鐘，排名香港第3
10K成績：34分

再次多謝Oscar第二次上嚟接受訪問同無私分享🙏🏻

後記：好多跑者趁休季都會去玩吓，喺沉悶嘅跑步道路上尋求下啲轉變，我都覺得係
對跑者係一個好事，唔使咁齋淨係跑步，有時跑下山玩吓Hyrox都係一個幾好嘅轉變，去到賽季嘅時候又返返嚟跑長跑，咁成個人都會全面啲，有時候放鬆會跑得仲好

另外，點解會有Youtube嘅跑步有偈傾podcast呢？係因為當時啱啱移民，發現咗唔同地方都有唔同嘅跑步文化，希望透過訪問嘅形式，令到我自己多啲了解唔同地方嘅跑步文化
雖然唔同地方語言不一，但係跑步好似成為咗大家嘅共同語言，無遠弗屆

Hyrox 跑鞋矩陣

Hyrox 越嚟越流行，據我所知而家只係得兩個牌子出咗Hyrox專用嘅跑鞋：Puma 、Adidas

Adidas：Adidas Adizero Dropset Elite
Puma：
高階：PUMA x HYROX Deviate Nitro Elite 4
中階：Puma X Hyrox Deviate NITRO™ 4
初階：PUMA × HYROX Velocity NITRO ™ 4

呢個post只列出Hyrox 專用跑鞋，其實唔用Hyrox 專用都得，但係最好揀比較穩定，即係溫和型碳板比賽鞋或者中底Firm嘅練習鞋+同埋鞋底高grip嘅跑鞋，例如有啲粒粒

後記：Hyrox會越嚟越流行，如果各大廠商唔跟風，就會比市場遠遠拋離

感謝跑者設計師 .art 幫手畫
支持本地非AI製作

感謝跑者設計師 .art 幫手畫
希望你快啲達成目標😁