香港特殊奧運會 Special Olympics Hong Kong

特殊奧林匹克多年來與獅子會攜手，致力提升智障人士健康水平，建立共融社會。

適逢第108屆獅子會國際年會喺香港亞洲國際博覽館舉行，我哋好榮幸獲邀為來自世界各地嘅獅兄獅姐帶嚟融合滾球體驗，見證運動員練習嘅成果。

特別鳴謝中華基督教會基順學校派出夜光龍隊，為獅兄獅姐們送上非遺項目表演，展示中華文化獨特而豐富嘅內涵。

Thanks for involving us in this grand event🫶
We are proud to showcase our athletes' talent and the power of inclusion with Lions and Leos from all over the world!

【2026香港特奧幼兒運動員計劃 - 照顧者工作坊】

工作坊喺啱啱嘅星期六舉行，參與者透過簡單有趣嘅活動體驗去了解幼兒掌握基本動作技能嘅重要性，並鼓勵佢哋將計劃所學融入家庭、學校及至社區，共享運動樂趣，促進幼兒嘅成長。

特別鳴謝 UPS 基金會資助本地特奧幼兒運動員計劃嘅發展🫶

#香港特殊奧運會
#幼兒運動員計劃

【2026年特殊奥林匹克融合足球世界盃】

四年一度嘅世界盃正進行得如火如荼，而特奧嘅世界盃亦準備上演！

代表團已經喺上星期五晚出發並已抵達法國巴黎為嚟緊嘅賽事準備，我哋獲編配喺C組，嚟緊會同來自加拿大、埃及仲有斯洛伐克嘅特奧代表隊進行競賽，各位隊員記住要加油呀💪天氣炎熱，記得要不時補充水份💦

賽事開幕典禮會喺香港持間7月7日凌晨12:00舉行，並設有線上直播，有時間記住收睇啦😉
https://www.youtube.com//streams

#香港特殊奧運會
#2026年特殊奥林匹克融合足球世界盃

【特奧正能量】

一開始唔需要將目標定得太高，最緊要係搵到自己舒服、順手嘅節奏。
當你喺合適嘅環境入面一步一步向上行，自然會更有動力，做事都會更穩陣。
唔好怕慢，只要方向啱，向上行嘅每一級都會有所得着。
慢慢建立信心，並保持正面心態，咁先可以將每件事做好，亦更容易行得遠😌

---------------------------------------------------
運動員除咗喺賽場上創造紀錄之外，亦為我哋留下唔少觸動人心嘅經典語句，特奧正能量系列希望透過哩啲句子，再配合我哋運動員喺比賽/活動嘅英姿，可以為各位帶嚟滿滿嘅正能量💪

#香港特殊奧運會
#滾球

【第五十屆香港特殊奧運會乒乓球比賽】

三日嘅賽事順利完結，多謝 中國香港乒乓總會主席 余國樑先生 BBS, MH, JP抽空出席賽事開幕典禮，並為今屆賽事揭幕，見證特奧球手喺每一板攻防之間嘅反應速度、手眼協調、步法、旋轉判斷，以及臨場應變能力。

喺度再次恭喜各位得獎嘅運動員，亦感謝各機構同埋義工團體嘅參與、支持和協助，令賽事完滿結束☺️️

嚟緊7月就會迎接暑假，本地比賽會喺暑假後再次展開。喺度同大家預告一下先，9月6-7日我哋會喺啟德體育園嘅Top Bowl舉行2026特殊奧林匹克東亞區區域保齡球比賽，屆時除咗特奧東亞區內嘅成員組織，仲有區外嘅組織派出運動員參賽，大家記住密切留意我哋嘅最新消息呀！

#香港特殊奧運會
#中國香港智障人士體育協會
#乒乓球

【特奧正能量】

用有限嘅身軀，去做無限可能嘅事，哩種精神無論係打波定做人都一樣重要。
唔好因為自己唔完美就畏縮，因為真正嘅力量，係來自堅持、投入同永不放棄。
球場上每一次揮拍，生活入面每一步前行，唔一定要一開始就做到最好，但一定可以愈做愈強😌
相信自己，踏實去拼，平凡都可以創造不平凡💫

---------------------------------------------------
運動員除咗喺賽場上創造紀錄之外，亦為我哋留下唔少觸動人心嘅經典語句，特奧正能量系列希望透過哩啲句子，再配合我哋運動員喺比賽/活動嘅英姿，可以為各位帶嚟滿滿嘅正能量💪

#香港特殊奧運會
#羽毛球

【特奧正能量】

每一次檢討，都係想令自己喺下一次做得更穩、更強。
唔好怕發現缺點，因為知道問題，先有機會進步。
保持心態正面，繼續努力，下一次上場，一定會比而家嘅自己做得更好。

---------------------------------------------------
運動員除咗喺賽場上創造紀錄之外，亦為我哋留下唔少觸動人心嘅經典語句，特奧正能量系列希望透過哩啲句子，再配合我哋運動員喺比賽/活動嘅英姿，可以為各位帶嚟滿滿嘅正能量💪

#香港特殊奧運會
#田徑

【父親節】

父親節快樂🎈

多謝爸爸一直以嚟嘅無私奉獻同體貼照顧，您嘅健康同笑容，就係我哋最大嘅動力！

希望各位爸爸今日舒舒服服享受假期，日日都開開心心、體能爆燈、身體健康💪

嚟緊嘅日子，我哋繼續一齊健康成長、創造更多美好回憶！

#香港特殊奧運會
#父親節2026

【端午節】

今日端午佳節，小編祝大家節日快樂🥳

大家開開心心食糭之餘，記住都要保持運動！一齊做返幾組核心肌群訓練或者簡單伸展，好似扒龍舟咁充滿衝勁，將啲卡路里通通釋放！

你今日又準備做咩運動呢？留言分享畀小編知🤓

#香港特殊奧運會
#端午節2026

【境外集訓】

為咗準備下個月舉行嘅2026年特殊奥林匹克融合足球世界盃，我哋嘅代表隊成員啱啱完成咗喺廣州進行維期三日兩夜嘅集訓，期待各位喺嚟緊嘅賽事可以好好咁發揮，向世界展示共融嘅力量💪⚽

#香港特殊奧運會
#足球