Moja Ričina - Rječina

  • Home
  • Moja Ričina - Rječina

Moja Ričina - Rječina Ričina, Rečina, Rječina... rika ka je mićišna a istovremeno tako velika da je grad po njoj dobil ime. Moja, tvoja, naša, a prije sega svoja i jedinstvena.

Autor: Zorica Zoretić

11/09/2026

Evo ju!!!
Nakon dva i pol miseca je potekla, pomalo dohaja, čista i bistra!
Palo je fanj dažja, ali ne pu nas aš potokih ni, leh va naših planinah i va delu Slovenije do kud sežu podzemne vode ke su se pomalo napunile i Zvir je potekal.
Korito se puni jako pomalo, puno je virih ki su žejni i ki se moraju napunit. Jutro oko 10.30 je došla do Kućic, oko polna kad je ovo snimjeno do Bare vira...se nizvodno je va to vrime još bilo suho.
Snimili smo i prilog...bit će objavljen uskoro😃

20/08/2026

Suša je, većina korita naše Ričine više sliči cesti leh riki, ali ima mestih na njoj ka su itekako živa.
Preživjavala je Ričina suše i prilagodila se, ni njoj to problem, ali pod jednin uvjeton!
A taj je da ju čovik ne uništava.
Da ju se ne stavja va betonski zidi, da se ne siču drva ka joj delaju hlad i da ju se ne guši i zatrpava z nanosih.
Kako juj lipo čut kako šćuri...

10/08/2026

Malo sunca, puno zelenila, voda ka zvire pod korenon... oaza za vrime suše. Na ovakovih mestih voda ostaje kristalno čista i pravi je spas za razne životinje, od rakih i rib, do bjeloušk, žabićih, vretenc i raznih drugih kukcih...

Kućice, mesto kamo smo se šli kupat kad se j voda zamutila pod trnoviškin jazon i na Belih stenah. Bilo nan je malo duže...
07/08/2026

Kućice, mesto kamo smo se šli kupat kad se j voda zamutila pod trnoviškin jazon i na Belih stenah. Bilo nan je malo duže za hodit (ne malo leh fanj) ali bili smo vela kunpanija i niš nan ni bilo teško. Ričina je bila naša, a mi smo bili njeji.
Ma va to vrime je korito zgjedalo drugačije. Bili su tu dva odvojena vira. Na mestu kadi stojin je bil najdubji vir va ovin delu Ričine, tuliko dubok da je voda va njemu zgjedala škura pa je po temu dobil i ime. Bila je i jako mrzla pa su se va njemu kupali samo deški ki su se teli malo pokazat i ki su skakali z visoka va njega.
Vavik se govorilo da su va njemu najveće pastrve ke su se spušćale na dno po danu. Po nekih štorijah bil je dubok oko 6 metrih.
A onda su jednega dana došli z kamionih i mehanizacijun i nahital va njega debeli kamiki i zatrpali ga tako da dan danas va njemu ni vode do kolena. Zadnjih par let su dodatno i nanosi ke voda nosi z Dubokega jarka skroz prominili celo korito.
I tako sjećanja su ustala, a ča nosi budućnost i to bliska, ćemo videt.

26/07/2026

Jedan lip primjerak bjelonogog raka.
Jako je važno očuvat njihovo stanište, zelene obale, hlad, dovoljno dubine korita va kemu će se zadrzat voda i za najveće suše. Ono ča je morda najbitnije je to da te oaze kadi se voda zadrži imaju zapravo svoj vlastiti mićeri zvir kadi voda stalno dohaja friška i mrzla. Na takovih mestih morete čut tiho žuborenje čak i kad je Ričina va većini svojga toka suha ko barut.


Da vidite zač je za Ričinu jako važno da su joj obale zelene, a ne va betonskih zidih? Vrime je suše, živi svit i živa R...
16/07/2026

Da vidite zač je za Ričinu jako važno da su joj obale zelene, a ne va betonskih zidih?
Vrime je suše, živi svit i živa Ričina se malo pomalo stišću va zelene oaze i va preostali viri. Ali sad Ričinu guše i ogromne količine nanosih ki va nju dohajaju z Dubokega jarka. Z leta va leto se to jako vidi. Viri su se plići a korito se više. Kad se zagrebe vidi se da je pod ovih kamikih zemja. Morete zamislet kulike su to količine zemje kad ih Ričina ne more odnest ća nego ih samo nakupja čak i kad naraste velika po zimi? Ako ne morete prošećite po Studeni i hote na rub njihovega poja pa hitite oko na klizište ko je gori načinjeno ljudskun greškun...i se to kliže va Ričinu

Kad sunce zajde i zrak se pomalo hladi... voda j mrzla, još pomalo teče...
19/06/2026

Kad sunce zajde i zrak se pomalo hladi... voda j mrzla, još pomalo teče...

Bare vir... sunce se nadzira čez zeleni svod, a maglica tanca nad vodun... Ričina je puna bajkovitih prizorih
06/06/2026

Bare vir... sunce se nadzira čez zeleni svod, a maglica tanca nad vodun... Ričina je puna bajkovitih prizorih

Niki deli Ričine su van p**a, tu ni slučajnih niti namjernih šetačih... i baš zato su predivni!
17/05/2026

Niki deli Ričine su van p**a, tu ni slučajnih niti namjernih šetačih... i baš zato su predivni!

Address

Rječina

51218

Website

Alerts

Be the first to know and let us send you an email when Moja Ričina - Rječina posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Gym/sports Facility?

Share