Golfklúbbur Grindavíkur

Dagana 10.–11. ágúst verður Golfklúbbur Grindavíkur gestgjafi LEK móts golfklúbba 65+ kvk ⛳

Við hlökkum til að taka á móti keppendum víðs vegar að af landinu og óskum þeim góðs gengis.

Vegna mótsins verður Húsatóftavöllur lokaður fyrir almenna umferð báða keppnisdagana.
Keppnin fer fram á efri vellinum (brautir 1–12 og 18).

Á meðan verður unnið að nauðsynlegu viðhaldi á flötum á neðri vellinum, þannig að völlurinn verði í sem bestu ástandi fyrir kylfinga að mótinu loknu.

Við þökkum félagsmönnum og gestum fyrir sýndan skilning 🏌

Stigamót 6 - úrslit ⛳

Erum aðeins að gleyma okkur hérna enda hefur verið mikið um að vera hjá okkur síðustu daga/vikur að við gleymdum að tilkynna úrslitin úr síðasta stigamóti.

1. sæti Hjálmar Hallgrímsson 40p
2. sæti Ágúst Pálsson 40p
3. sæti Haukur Guðberg Einarsson 39p

Besta skor
Helgi Dan Steinsson 71 högg, einu höggi yfir pari vallarins en þó svolítið frá hans besta hring. En það er gaman frá því að segja að Helgi fór holu í höggi á 2. braut síðasta laugardag, það var fjórða draumahöggið hans Helga 🏌

Staðan a stigalistanum er því þannig:

1. Haukur Guðberg Einarsson með 140 stig
2. Ágúst Pálsson með 105 stig
3. Bjarni Andrésson með 87 stig

Stigamót 7 er á dagskrá 18. ágúst - hlökkum til að sjá sem flesta þá! 🏌

🏌 Hola í höggi á 7undu!!

Grindvíkingurinn Friðrik Franz Guðmundsson er tæplega tvítugur kylfingur í GG sem sló draumahöggið nú fyrir stuttu á 7undu braut vallarins.

Friðrik Franz notaði 48°í verkið og sagði að höggið hafi verið frábært!

Það er gaman að segja frá því að þetta er annað draumahöggið sem hann slær en 20. september 2023 fór hann holu í höggi á fjórtándu :)

Til hamingju með draumahöggið 🏌⛳

Minnum á Stigamót 6, þriðjudaginn 28. júlí 🏌️‍♂️⛳

Uppfært -- Fullt er í mótið!

Kæru félagsmenn!

Helgi og Eva hafa áttað sig á því að 72 sæti á þessu móti duga bara ekki! Síminn hefur varla stoppað í vikunni því það vilja allir vera með á laugardaginn.

Við höfum því ákveðið að fjölga um 8 lið (það eru 16 sæti!)
Opnaðu tölvupóstinn, sendu okkur línu á gggolf(hja)gggolf.is og skráðu þig strax. Hér gildir fyrstur sendir fyrstur fær.

Minnum samt á að um innanfélagsmót er að ræða og mótsgjald er 2000 krónur á manninn :)

Formaður skorar á félagsmenn í tveggja manna Texas laugardaginn 25. júlí n.k

Skráning á golfbox litlar 2000 kr í keppnisgjald á mann og aðeins 72 sæti í boði.

Ræst út á öllum teigum kl. 11:00 mæting 10:30

Kveðja
GG

Fjölmennasta meistaramóti í sögu Golfklúbbs Grindavíkur lauk í gær.

124 kylfingar tóku þátt og keppt var í 10 flokkum.

Það er óhætt að segja að framtíðin sé björt hjá okkur því sigurvegari Unglingaflokks var að taka þátt í mótinu í fyrsta sinn og eigum við von á því að sjá fleiri keppendur á næsta ári.
1. sæti Örvar Ingi Theódórsson - 334 högg
2. sæti Einar Þór Sævarsson - 353 högg
3. sæti Eiríkur Óli Sævarsson - 378 högg

Í karlaflokki 65 ára og eldri voru spilaðir 3 hringir og röðuðust úrslit þannig:
1. sæti Jósef Kristinn Ólafsson - 248 högg
2. sæti Bjarni Andrésson - 250 högg
3. sæti Jón Halldór Gíslason - 290 högg

Opin flokkur kvenna var æsispennandi alla dagana en allar eiga þær konur sem tóku þátt í mótinu sameiginlegt að vera mestu stuðpinnarnir, þær dönsuðu sig í gang fyrir hring og brostu sínu breiðasta þrátt fyrir að veðrið hafi ekki alltaf verið með þeim í liði.
1. sæti Þórdís Daníelsdóttir
2. sæti Hólmfríður Karlsdóttir
3. sæti Gréta Halldórsdóttir

Í opnum flokki karla voru aðeins 3 punktar sem skildu að efstu 3 sætin.
1. sæti Hlynur Hauksson
2. sæti Sævar Jónasson
3. sæti Grétar Valur Schmidt

3. flokkur karla
1. sæti Arnór Daði Halldórsson - 348 högg
2. sæti Theodór Ingi Þrastarson - 352 högg
3. sæti Kristinn Þorri Þrastarson - 363 högg

2. flokkur karla
1. sæti Pétur Ingi Bergvinsson - 342 högg
2. sæti Þórarinn Gunnlaugsson - 350 högg
3. sæti Bjarki Guðmundsson - 352 högg

Í 1. flokki kvenna var sigurvegarinn enginn nýliði þar sem að hún hefur tekið þátt í öllum Meistaramótum frá stofnun klúbbsins.
1. sæti Hildur Guðmundsdóttir - 358 högg
2. sæti Petra Rós Ólafsdóttir - 375 högg
3. sæti Rannveig Jónína Guðmundsdóttir - 391 högg

Úrslit í 1. flokki karla voru nálægt því að setja lokahóf mótsins í uppnám þar sem úrslitin réðust ekki fyrr en á fimmtu holu í bráðabana.
1. sæti Ingvar Guðjónsson - 320 högg
2. sæti Sigurður Helgi Hallfreðsson - 320 högg
3. sæti Ástþór Arnar Ástþórsson - 321 högg

Þá er komið að þeim sem kepptu um klúbbmeistara titlana 🏆

Meistaraflokkur kvenna
1. sæti Þuríður Halldórsdóttir - 352 högg 🥇
2. sæti Svanhvít Helga Hammer - 358 högg 🥈
3. sæti Stefanía Sigríður Jónsdóttir - 385 högg 🥉

Meistaraflokkur Karla
1. sæti Helgi Dan Steinsson - 283 högg 🥇
2. sæti Jónatan Hróbjartsson - 299 högg 🥈
3. sæti Þorlákur G Halldórsson - 307 högg 🥉

Á fjórða og síðasta degi mótsins var mæld nánd á 18. holu vallarins og voru sigurvegararnir leystir út með gjöfum frá klúbbnum.
Andrea Karen Jónsdóttir var sú kona sem var næst, 5.30
Hávarður Gunnarsson var sá karl sem næstur var holu, 1.20

Starfsfólk Golfklúbbs Grindavíkur þakkar fyrir frábæra viku með félagsmönnum og hlökkum til að sjá ykkur öll á vellinum 🏌️‍♀️🏌️🏌️‍♂️

Nú eru allir kylfingar farnir af stað á öðrum degi meistaramótsins 🏌️🏌️‍♀️
Fyrir áhugasama sem vilja fylgjast með stöðunni þá bendum við á þessa frábæru síðu sem Sigmundur Einar Másson bjó til

Meistaramót — Beint Fallegri, lifandi framsetning á golfmótum úr GolfBox — leaderboard, fuglar og fylgst með leikmönnum.

Að gera fínt fyrir meistaramót.

Minnum á að skráningarfrestur í meistaramótið rennur út á miðnætti í kvöld, ekki missa af frábærri skemmtun!
https://tourentry.golfbox.dk/?cid=5548048