KFA

Við opnum aðeins seinna en venjulega í dag.

Þjónustutími hjá okkur á Hjalteyri er frá kl. 15:30–22:00 í dag.

Komdu, veldu þér áskorun og finndu út hvað býr í þér.

Allir velkomnir.

☀️ Sunnudagur á Hjalteyri ☀️

👧🧒 11:00–16:00 – Lyftingaskóli
Þrautabraut, klifur og hreyfing — börnin takast á við eigin þrautir, finna styrk sinn og læra og þroskast með fjölskyldum sínum.

🔓 11:00–17:00 – Opið hús
Fólkið sem kemur hingað, velur sér áskorun og tekur þátt. Stundum birtist það í þungri stöng, stundum í klifurvegg og stundum í barni sem þorir að reyna einu sinni enn.

Grelli á afmæli í dag og býður gestum upp á köku og kaffi í tilefni dagsins. Verður gaman að sjá hvort hann hafi stækkað í nótt 🤭

Allir velkomnir í Kastalann á Hjalteyri

Í sumar kom Sara Jóna Emily Caird við hjá okkur á Hjalteyri. Heimsóknin endaði á tali um verkefni sem hefur beðið í næstum þúsund ár.

Sara er listakona, sjósundskona og Húnvetningur með skoskar rætur og fyrsta konan sem synti Grettissundið. Hún hefur síðan endurtekið afrekið og þekkir leiðina því betur en flestir.

Hún er nú búsett í Skagafirði og var á æfingaferð um Norðurland þegar hún kom við hjá okkur. Það leið ekki á löngu þar til talið barst að Gretti sterka.

Grettissundið liggur frá Drangey að Reykjanesi á Reykjaströnd og dregur nafn sitt af Gretti Ásmundarsyni, sem samkvæmt Grettis sögu synti þessa leið fyrir nær þúsund árum.

Þegar Sara synti leiðina tók sundið rúmar þrjár klukkustundir, án blautbúnaðar.

Sagan af Gretti hefur fylgt Grella frá barnsaldri. Amma hans sagði honum sögurnar af Gretti við hvert tækifæri. Drangey var reglulega heimsótt og frá austanverðum Skagafirði var horft út til hennar.

Ein sterkasta æskuminningin tengist þó Grettistakinu í Grafarósá, sunnan við Hofsós, á slóðum afa hans við Grafargerði. Þar urðu sögurnar af Gretti einhvern veginn áþreifanlegar fyrir litlum dreng.

Grettir fylgdi svo með norður.

Árið 2021 teiknaði Grelli mynd af honum á vegginn í æfingasalnum. Þar hefur Grettir síðan setið á bak við stangirnar og fylgst með því sem fram fer.

Í sumar hefur Grelli sjálfur svo eytt góðum hluta tímans í löng leynileg sund hér fyrir utan Hjalteyjuna.

Það vakti því nokkra kátínu þegar Sara heyrði af þeirri hálfkæringslegu kenningu sem hefur lengi fylgt Grella: að ætli hann sér að gera tilkall til arfleifðar Grettis sterka og titilsins „sterkasti Skagfirðingur sögunnar“, þá sé eitt próf enn eftir.

Grettissundið.

Eftir fjögur ár verða liðin þúsund ár frá sundi Grettis samkvæmt sögunni.

Þá væri gaman að safna saman hópi undir leiðsögn Söru, halda út í Drangey og synda heim að Reykjanesi.

Þúsund árum eftir Gretti sterka.

Á morgun er fjölskylduhátíðin á Hjalteyri! 🎉

Það verður nóg um að vera:
🏋️ Kraftlyftingar
🥋 Karate
🛶 Kayak
🧗 Klifur
🔥 Kyndilganga
🎨 Opin stúdíó, verkstæði og verbúðir
🛍️ Kaupfélagið
☕ Kaffi og meðlæti
🍬 Karamellukast
🪨 Kúlusteinar
🎆 Flugeldasýning

Við verðum með opið frá kl. 11:00 til 17:00.

Komið, eigið skemmtilegan dag og njótið alls þess sem Hjalteyri hefur upp á að bjóða! 💛

☀️ Sunnudagur á Hjalteyri ☀️

🧒👧 11:00–16:00 – Lyftingaskóli
Leikur, jafnvægi og hreyfifærni með Huldu

🔓 11:00–17:00 – Open Gym
Þrautabrautir, drop-in og fjölskylduvænt andrúmsloft.

Enginn þjónustutími í dag.

Grelli og stelpurnar eru lögð af stað austur í Mývatnssveit og Laugar.

Sögur herma að þar leynast sterkir krakkar og hundrað manna foringi á hverjum bæ.

Ætlið þið að kíkja við? Þá er bara að nota aðgangsorðið eða lyklakortið 💪🏻

Sunnudagur á Hjalteyri

🧒👧 11:00–16:00 – Lyftingaskóli
Leikur, jafnvægi og hreyfifærni með foreldrum

🔓 11:00–17:00 – Open Gym
Þrautabrautir, drop-in og fjölskylduvænt andrúmsloft.

Aðgangur 1000kr fyrir barn, eða áskrift.

Sumar byrjendanámskeið - hefst mánudag 13. Júlí

Námskeiðið er ætlað öllum sem vilja kynnast lyftingum á faglegan, öruggan og uppbyggilegan hátt – hvort sem markmiðið er meiri styrkur, betri tækni, heilsuefling eða undirbúningur fyrir frekari þjálfun.

Á námskeiðinu verður farið yfir:

• Grunnatriði og tækni og útfærslum
• Hagnýttar teygjur, mótvægisæfingar
• Kennarar af báðum kynjum á staðnum

✔ Þátttakendur fá útprentað námsefni
✔ Engin fyrri reynsla nauðsynleg
✔ Þér er mætt á þeim stað sem þú ert

Aldurstakmark: 25 ára og eldri

🗓 Tími: Mánudagar og miðvikudagar
⏰ Kl.: 18:30–19:45
⏳ Lengd: 4 vikur
💰 Verð: 39.900 kr.

📅 Hefst: mánudaginn 13. Júlí

Kennari:
Grétar Skúli Gunnarsson

👉 Skráning hér: [email protected]

Hjalteyri iðaði af lífi í dag þegar fyrsta Guttormsmótið í bekkpressu fór fram á Hjalteyri. Keppendur úr ýmsum áttum komu saman til að reyna með sér, bæta eigin árangur og njóta samverunnar í góðum félagsskap.

Mótið fór fram á nýja sviðinu í lyftingasalnum þar sem keppendur reyndu með sér undir vökulum augum dómara og áhorfenda. Stemningin var afslöppuð en jafnframt keppnisleg og mátti sjá marga glíma við eigin met fremur en andstæðinga.

Hann Hans tvíbætti eigið færeyskt met í fullorðinsflokki þegar hann lyfti fyrst 185 kg og síðan glæsilegum 190 kg. Hans varð stigahæstur í karlaflokki þrátt fyrir að vera í miðju uppbyggingartímabili eftir Færeyska meistaramótið í maí.

Í kvennaflokki varð Alexandra Guðlaugsdóttir stigahæst. Alexandra, sem er margfaldur Íslandsmeistari og landsliðskona með langan og farsælan feril að baki, sýndi glæsilega frammistöðu með 80kg á kjötinu.

Alexandra mætti til keppni ásamt fjögurra mánaða syni sínum, Hauki Snæ, og tryggði sér jafnframt þátttökurétt á heimsmeistaramótinu í lyfjaprófaðri bekkpressu sem fram fer í haust.

Guttormsmótið markaði jafnframt tímamót fyrir Kraftlyftingar á Íslandi, en þetta var fyrsta opinbera kraftlyftingamótið sem haldið er undir merkjum IDFPA. Samtökin leggja áherslu á lyfjaprófaðar keppnir, sjálfboðastarf, samfélagsþátttöku og að varðveita grasrótar-, menningarhefðir og tjáningu styrks með kraftlyftingum sem verkfæri.

Að sögn aðstandenda fellur sú nálgun vel að þeirri sýn sem hefur mótað starf KFA frá upphafi. Félagið lítur á kraftlyftingar sem hluta af stærri menningu þar sem íþróttir, félagsstarf, sjálfsrækt og samfélag fara saman. Markmiðið er ekki aðeins að skapa afreksfólk heldur einnig vettvang þar sem fólk getur komið saman, byggt sig upp og tekið þátt á eigin forsendum.

Að lokinni keppni var verðlaunaafhending haldin á sviðinu þar sem sigurvegarar og þátttakendur fögnuðu saman góðum degi. Líkt og tíðkast hefur á Hjalteyri undanfarin ár var áherslan ekki aðeins á afrek heldur einnig á samfélag, vináttu og þátttöku þar sem allir eru velkomnir.

Mótið markar upphaf nýrrar hefðar á Hjalteyri og ber nafn Guttorms, hins víðfræga nauts sem lengi hefur átt sérstakan sess í sögu íslenskra kraftlyftinga. Stefnt er að því að gera Guttormsmótið að reglulegum viðburði þar sem fólk á öllum getustigum getur komið saman og reynt með sér á hreinum og opnum keppnisvettvangi.

Dagurinn endaði með brosum, myndatökum og góðum sögum og verður eflaust lengi í minnum hafður meðal þeirra sem lögðu leið sína á Hjalteyjuna. Fyrir KFA var hann jafnframt tákn um nýjan kafla þar sem kraftur er ekki aðeins mældur í kílóum, heldur einnig í samfélagi, þátttöku, sögu og þeirri menningu sem byggist í kringum lyftingarnar á Íslandi.