Life Academy

Life Academy Contact information, map and directions, contact form, opening hours, services, ratings, photos, videos and announcements from Life Academy, Yoga studio, Улица Никола Тесла бр. 68, Bitola.

Да го промениме она што можеме да го промениме и да го прифатиме она што не можеме да го промениме.
Место за мотивација и инспирација.
Заедница каде секој е поддржан и информиран за настани и содржини што нè прават подобра верзија од себе. Добредојдовте на Facebook страната на Life academy.

Тука ќе Ве информираме за нашите редовни часови, настани, јин курсеви и работилници.

Формулар за запишување https://bit.ly/Life_academy

18/09/2026

Никој друг на светот ја нема твојата генетика, твојот профил на ДНК, ниту точниот облик на твоите коски и еластичноста на лигаментите. Никој ја нема твојата историја на повреди, но ниту твоите победи.

Затоа, воопшто не е важно како изгледа положбата кај некој друг. Важно е само едно — како таа се чувствува во твоето тело.

Оваа недела се посветуваме на колковите и колената за да го истражиме клучното прашање: Каде е границата помеѓу удобноста и растот?

Различни ткива реагираат на различен стимул, затоа комбинираме два пристапи:

• Долготрајно статичко затегнување — за фасцијата, лигаментите и длабокото сврзно ткиво;

• Ритмички, повторувачки притисок и ослободување — за хидратација на ’рскавицата и исхрана на зглобовите.

Научи да го слушаш сопственото тело и да му го дадеш токму она што му е потребно за раст и здравје.

📅 Недела, 20.9.2026 г.
⏰ 19:15 – 20:15 ч. (терминот е пополнет!)

#Битола
#јинјога #лигаментиитетиви #фасција #хондроцити #јога #биомеханика #соматскодвижење

16/09/2026

Древните јогиски текстови често опишуваат одредени положби како „уништувачи на сите болести“. Поради ваквите традиционални ветувања, многу луѓе слепо се обидуваат да ги форсираат своите тела во форми кои едноставно не се наменети за нивната коскена структура.

Современата биомеханика покажува една сосема поинаква реалност: кога една положба се форсира без соодветна анатомија на колковите, таа не ги уништува болестите, но може да ги уништи колената.

Поентата на движењето никогаш не е да го оштетиме телото за да влеземе во некоја „совршена“ форма.

📅 Недела, 20.9.2026 г.
⏰ 18:00 – 19:00 ч.

#битола

#јинјога #биомеханика #соматскодвижење

Дали можете да му се препуштите на искуството без да се обидувате да го промените, да манипулирате со него или да го кон...
14/09/2026

Дали можете да му се препуштите на искуството без да се обидувате да го промените, да манипулирате со него или да го контролирате?

Тоа е суштината на јин јогата.

📅 Недела
⏰ 18:00 – 19:00 ч.
⏰ 19:15 – 20:15 ч.

#јинјога #јога #јогабитола

11/09/2026

Секој ден поминуваме часови во статични и несвесни „јин“ положби, без разлика дали седиме пред компјутер или стоиме во место. Телото се прилагодува на овие положби, што води до скратување на ткивата и намалување на мобилноста во колковите, нозете и ’рбетот.

Оваа недела работиме на компензација и неутрализирање на овие секојдневни обрасци.

Преку контролирана екстензија, надворешна ротација, абдукција и латерална флексија, го изложуваме телото на опсези на движење кои се занемарени во текот на денот.

• 📅 Недела, 13.9.2026 г.
• ⏰ 19:15 – 20:15 ч. (терминот е пополнет)

#битола
#јинјога #биомеханика #мобилност #анатомијанадвижење

09/09/2026

„Само затоа што некој добро го носи товарот, не значи дека не е тежок...“ 🤍

Вратот, рамениот појас и подлактиците се зони каде што најчесто се акумулира мускулен тонус, затегнатост и намален опсег на движење.

На овој час работиме со механички стрес и фасцијално попуштање на горниот дел од телото:

• Мобилност на лопатките и рамениот зглоб;
• Редуцирање на мускулната напнатост (пост-изометриска релаксација и фасцијален притисок во пределот на трапезиусот, ромбоидите, подлактиците и предниот дел на рамениот појас);
• Екстензија и торзија на торакалниот 'рбет;
• Невромобилизација;

📅 Недела, 13.9.
⏰18:00 ч.
📩 Поради ограничен капацитет, пријавувањето е во порака (ДМ)


#Битола
#јинјога #раменпојас #мобилност #невромобилизација #торакаленрбет #анатомијанадвижење #соматскодвижење #здраврбет

Уште од 70-тите и 80-тите години, кога знаењето за јогата се прошири во светот, се учеше дека постои идеално естетско по...
08/09/2026

Уште од 70-тите и 80-тите години, кога знаењето за јогата се прошири во светот, се учеше дека постои идеално естетско порамнување за секоја положба кон кое сите треба да стремиме и дека тоа е единствениот безбеден начин на практикување.

Бевме заведени да веруваме дека за да ја постигнеме „целосната форма“ на некоја положба, мораме да ги порамниме петите, да ја поставиме потколеницата паралелно со горниот раб на подлогата и слично, за да ги имаме сите придобивки од неа.

Благодарение на револуционерната работа на Пол Грили, денес знаеме дека не постои совршен изглед на положбите, затоа што формата на нашите коски значително влијае врз начинот на кој ги изведуваме.

Дали сè уште сметате дека нема да ги имате придобивките ако не изгледате ‚совршено‘?

#функционалнајога #јога #превенцијаодповреди

04/09/2026

Повеќето од нас само попатно забележуваат дека чувствуваат некаква непријатност, на пример во долниот дел на грбот. Но, што ако го „зумирате“ тоа чувство? Што ако ја зголемите резолуцијата на вниманието и ги забележите сите негови детали?

Погледнете навнатре и запрашајте се:

• Дали таа сензација е на самата површина на телото или е подлабоко под неа?
• Дали е во однапред, јасно дефинирана точка или е распространета?
• Дали е константна, дали пулсира или пак доаѓа и си оди?
• Каков е нејзиниот термички квалитет, дали е ладна, топла или чувствувате печење?

Како што вели д-р Џон Кабат-Зин: „Свесноста е она што се раѓа кога намерно, во сегашниот момент и без осудување, го насочуваме нашето внимание.“

Кога ќе ја внесеме оваа пракса во нашиот живот, ја добиваме најдобрата стратегија за справување со притисокот. Учиме како навреме да го препознаеме стресот и како да ја намалиме нашата реакција на тој стресор, без оглед на тоа колку е тој интензивен или болен.

Оваа недела се посветуваме детално на 'рбетот и на развивањето на свесноста за сите суптилни сензации во телото.

📅 Недела, 6.9.2026 г.
⏰ 19:15 – 20:15 ч. (терминот е пополнет!)

#битола
#здраврбет #ЏонКабатЗин #интероцепција

02/09/2026

Повеќето од нас стануваат свесни за 'рбетот дури кога ќе се појави болка или непријатност. Но, вистинската грижа за грбот започнува со градење стабилност, контрола и подлабока свесност за секој сегмент од телото.

Како што вели д-р Стјуарт Мекгил: „Не тренираме за да бидеме силни, туку за да се адаптираме.“

На овој час се посветуваме токму на тоа. Преку свесно движење и зајакнување на трупот, го учиме телото да се адаптира и да го заштити 'рбетот во секојдневието.
На часот ќе ги практикуваме и трите фундаментални вежби „Големите три“ на Мекгил (McGill Big Three) за стабилизација, кои градат отпорност без непотребно оптоварување.

Придружете ни се и научете како да изградите стабилен 'рбет преку паметно и свесно движење.

📅 Недела, 6.9.2026 г.
⏰ 18:00 – 19:00 ч.

#Битола
#здраврбет #СтјуартМекгил #ГолемитеТри #интероцепција #јинјога #свесност

Што ако започнеме со отстранување на зборот „напреден“? Во современиот свет на јогата, најчесто луѓето мислат дека „напр...
01/09/2026

Што ако започнеме со отстранување на зборот „напреден“? Во современиот свет на јогата, најчесто луѓето мислат дека „напреден“ значи некој со силни физички способности кој може да ги изведе потешките и поинтензивни положби до апсолутно совршенство.

Вистината е дека многу луѓе се благословени со природен, екстремен опсег на движење кој далеку го надминува оној на просечниот човек. Многу од нив спаѓаат во категоријата на хипермобилност, што значи дека воопшто не мораат да се трудат за да ги допрат прстите на нозете или да ја стават ногата зад главата. Тие се родени со коскена структура што им овозможува да го прават тоа со леснотија.

Имам видено многумина кои уште на првиот час и самите се изненадени што можат веднаш да направат одредени положби кои други посветени луѓе не успеале да ги постигнат, и покрај годините редовна пракса.

Дали ова ги прави „напредни“? НЕ.

Има многу луѓе кои можат да ги изведат положбите од таканареченото „ниво 3“, но сепак им недостига самосвесност и способност за емоционална регулација, па затоа тешко се справуваат со животот онаков каков што е.

Па, што ако престанеме автоматски да ги нарекуваме „напредни“ оние со надарени физички способности и наместо тоа се фокусираме на терминот „искусни“?

Ова не само што ќе помогне да се отстрани хиерархијата во светот на јогата, туку и би го поттикнало и негувало личниот развој — и самото патување — пред крајната цел.

Искусна пракса е:
• онаа што е редовна и конзистентна;
• онаа што се фокусира на тоа како се чувствува телото, а не како изгледа положбата;
• онаа што негува самосвесност;
• онаа што се фокусира на истражување на внатрешниот пејзаж;
• онаа што ја почитува индивидуалноста;
• и онаа што разбира дека положбите се само порта кон поважната и подлабока внатрешна работа, кон личната промена.

📩 За повеќе инфо и пријавување, кликнете на линкот во био
📞 076 437 212

#Битола
#ЈинЈога #ФункционалнаЈога #Флексибилност #ЈогаБитола

Понекогаш едвај чекаме час само за нас, во тишина и мир. Но, исто така е многу убаво кога можеме да направиме нешто заед...
30/08/2026

Понекогаш едвај чекаме час само за нас, во тишина и мир. Но, исто така е многу убаво кога можеме да направиме нешто заедничко со децата.

Затоа, секоја сабота вежбаме заедно!

Ова не е класичен детски час, но ниту е час само за возрасни каде што сме сериозни и тивки. Ова е заедничко вежбање преку многу лесни, забавни и по малку смешни положби. Оваа сабота нема да бидеме сериозни — важно е само да ни биде забавно!

Децата не слушаат што им зборуваме, туку гледаат што правиме.

Кога ве гледаат како се грижите за себе, вие станувате нивниот омилен модел за здрави навики.

Затоа, издвојуваме време без екрани и телефони, каде што преку лесни вежби создаваме убави спомени што ќе се раскажуваат уште долго.

🗓Секоја сабота од 11:30 до 12:15 ч.
🚸За деца од 4 до 10 години (со возрасен)
📱Телефон за контакт: 076 437 212
🔗Пополнете ја пријавата најдоцна до петок https://bit.ly/Life_academy

#Битола

#Родителство #ЗаедничкоВреме #КвалитетноВреме #ДецаИРодители #ЗдравиНавики #Флексибилност #СемејниСпомени #јога

Address

Улица Никола Тесла бр. 68
Bitola
7000

Opening Hours

18:00 - 21:00

Telephone

+38976437212

Website

Alerts

Be the first to know and let us send you an email when Life Academy posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Life Academy:

Shortcuts

Share

Category