Myanmar National League

လူငယ်တွေရဲ့ အားမာန်အပြည့်ဖြင့် အကြိတ်အနယ် ယှဉ်ပြိုင်မှုကို မြင်တွေ့ရမယ့် MNL U20 League 2026 Week-3 ပွဲစဉ်များ...

MNL U20 League 2026 Week-3 တွင် ယှဉ်ပြိုင်သွားမည့် ပွဲစဉ်များ
----------------------------
ပြိုင်ဆိုင်မှုပြင်းထန်ပြီး ပရိသတ်များ စိတ်ဝင်တစား အားပေးမှုရရှိနေသည့် MNL U20 League 2026 ပွဲစဉ်များ ပြန်လည် ရောက်ရှိလာခဲ့ပြီဖြစ်သည်။

ဇွန်လ ၅ ရက်တွင် စတင်သွားမည့် ယခုတစ်ပတ် Week-3 တွင် နိုင်ပွဲရရှိထားခြင်းမရှိသေးသည့် နာမည်ကြီး ဒဂုံစတားယူနိုက်တက်အက်ဖ်စီနှင့် Falcon FC၊ နှစ်ပွဲကစားပြီး တစ်ပွဲနိုင်၊ တစ်ပွဲရှုံးရလဒ်ဖြင့် အဆင့် (၈)နေရာ ရပ်တည်နေသည့် မြဝတီအက်ဖ်စီနှင့် ရလဒ်ကောင်းရရှိရန် ရုန်းကန်နေရဆဲဖြစ်သည့် ရတနာပုံအက်ဖ်စီ၊ Week-2 အပြီး ရာနှုန်းပြည့်နိုင်ပွဲ ပိုင်ဆိုင်ထားသည့် Galaxy FC နှင့် အဆင့် (၃) နေရာက ISPE FC အသင်းတို့ တွေ့ဆုံယှဉ်ပြိုင်ကြမည်ဖြစ်သည်။

အလားတူ ယခုတစ်ပတ်တွင် အမှတ်ပေးဇယားအဆင့် (၁၄) နေရာက ဧရာဝတီယူနိုက်တက်အက်ဖ်စီနှင့် အဆင့် (၂) နေရာက ရန်ကုန်ယူနိုက်တက်အက်ဖ်စီ၊ ဟံသာဝတီယူနိုက်တက်အက်ဖ်စီနှင့် ရှမ်းယူနိုက်တက်အက်ဖ်စီ၊ သစ္စာအားမာန်အက်ဖ်စီနှင့် ရန်ကုန်စီးတီးအက်ဖ်စီ၊ ချင်းလန်းအက်ဖ်စီနှင့် စစ်ကိုင်းယူနိုက်တက်အက်ဖ်စီအသင်းတို့ ယှဉ်ပြိုင်ကြမည့် ပရိသတ်အကြိုက် ပွဲစဉ်များပါဝင်နေသည်။

MNL U20 League 2026 ပွဲစဉ်များအား Myanmar National League YouTube၊ MNL Youth Official YouTube တို့မှ တိုက်ရိုက်ပြသသွားမည်ဖြစ်ပါသည်။

MNL U20 League 2026 အမှတ်ပေးဘောလုံးပြိုင်ပွဲ၏ (Week-1) နှင့် (Week-2) ပွဲစဉ်များတွင် AYA Pay အကောင်းဆုံးကစားသမားဆုရခဲ့သည့်ကစားသမားများ စာရင်းဖြစ်ပါသည်။

ဝါရင့်ကွင်းလယ်လူ မောင်မောင်ဝင်းကို ခေါ်ယူခဲ့သည့် တန်းတက်မြဝတီအက်ဖ်စီ
----------------------------------------------
မြန်မာနေရှင်နယ်လိဂ်တန်းတက် မြဝတီအက်ဖ်စီအသင်းသည် ဒဂုံစတားယူနိုက်တက်အသင်း၏ ဝါရင့်ကွင်းလယ်လူ မောင်မောင်ဝင်းအား ခေါ်ယူခဲ့သည်ကို တွေ့ရသည်။

ယင်းမှာ ၂၀၂၆-၂၇ ဘောလုံးရာသီသစ်အတွက်
မြဝတီအက်ဖ်စီအသင်း၏ ပထမဆုံးကစားသမား အင်အားဖြည့်တင်းမှုလည်းဖြစ်သည်။

လက်ရွေးစင်ဟောင်း မောင်မောင်ဝင်းသည် ဇေယျာရွှေမြေ၊ ရခိုင်ယူနိုက်တက်၊ ချင်းလန်း၊ ဇွဲကပင်ယူနိုက်တက်၊ ရန်ကုန်ယူနိုက်တက်နှင့် ဒဂုံစတားယူနိုက်တက်အသင်းတို့တွင် ကစားခဲ့ဖူးရာ ၎င်း၏ အတွေ့အကြုံများဖြင့် မြဝတီအသင်း၏ ရည်မှန်းချက်များကို ကူညီပေးသွားနိုင်မည်လား စောင့်ကြည့်ရမည်ဖြစ်သည်။

MNL U20 League 2026 အမှတ်ပေးဘောလုံးပြိုင်ပွဲ (Week-2) ရလဒ်များနှင့် အမှတ်ပေးဇယား ရပ်တည်မှုဖြစ်ပါသည်။
နှစ်ပွဲဆက် နိုင်ပွဲရခဲ့သည့် Galaxy FC အသင်းသည် ရမှတ် ခြောက်မှတ်ဖြင့် အဆင့် ၁ တွင် ဦးဆောင်နေသည်။

AYA Pay Man Of The Match ဆုကို Sagaing United အသင်းမှ ကျော်မင်းစိုး ကရရှိ
...................
MNL U20 League 2026 အမှတ်ပေးဘောလုံးပြိုင်ပွဲ (Week-2) ပွဲစဉ်တစ်ပွဲအဖြစ် မေ ၃၁ ရက်(ယနေ့) ညနေ သီဟဒီပ(သန်လျင်)ကွင်းတွင် Sagaing United အသင်းနှင့် ISPE အသင်းတို့ ယှဉ်ပြိုင်ခဲ့ပြီး တစ်ဖက်သုံးဂိုးစီဖြင့်သရေ ရလဒ်ထွက်ပေါ်ခဲ့သည်။အဆိုပါပွဲစဉ်၏ AYA Pay Man Of The Match ဆုကို Sagaing United အသင်းမှ ခြေစွမ်းပြကစားကာ အသင်းအတွက်သွင်းဂိုးနှစ်ဂိုးသွင်းယူပေးနိုင်ခဲ့သည့် ကျောနံပါတ်(၁၀) ကျော်မင်းစိုးကရရှိခဲ့သည်။
AYA Pay Man Of the Match အကောင်းဆုံးဆုအတွက် ဆုတံဆိပ်နှင့်အတူ ဆုငွေကျပ်နှစ်သိန်းရရှိခဲ့ပြီး ဆုတံဆိပ်နှင့်ဆုငွေကျပ်ကို အား/ကာသိပ္ပံ ရန်ကုန် ဒုတိယကျောင်းအုပ်ကြီး ဦးသိုင်းထွန်း‌ဇော်ကချီးမြှင့်ပေးခဲ့သည်။
Man of the Match အကောင်းဆုံးကစားသမားဆု ချီးမြှင့်ခြင်အစီအစဉ်ကို မြန်မာနေရှင်နယ်လိဂ်၏ Payment Partner ဖြစ်သည့် AYA Pay မှအဓိက ပံ့ပိုးကူညီပေးထား ခြင်းဖြစ်သည်။

ယနေ့ ယှဉ်ပြိုင်ကစားခဲ့သည့် MNL U20 League 2026 အမှတ်ပေးဘောလုံးပြိုင်ပွဲ ပွဲစဉ်များ၏ ပွဲအပြီးရလဒ်များ ဖြစ်ပါသည်။

ယနေ့ ယှဉ်ပြိုင်ကစားလျက်ရှိသည့် MNL U20 League 2026 အမှတ်ပေးဘောလုံးပြိုင်ပွဲ ပွဲစဉ်များ၏ ပထမပိုင်းရလဒ်များ ဖြစ်ပါသည်။