Nomadic Racing

Ард Кредит ББСБ ХК, Nomadic Racing багт хөрөнгө оруулж Nomadic Ard Racing мэргэжлийн мото спортын багтай боллоо.

Номадик Ард Рэйсинг багт МУГТ Э.Халиунболд тэргүүтэй мотокроссын шилдэг тамирчид багтаж буй бөгөөд тамирчид Швед улсын алдарт Husqvarna брэндийн мотоциклоор уралдах бөгөөд тамирчдаа Ард Даатгалын 10,000,000 төгрөийн гэнэтийн ослын даатгалд хамрууллаа.

Номадик Ард Рэйсинг багийн эхний тэмцээн Монголын мотокроссын хамгийн өндөр шагналын сантай үндэсний хэмжээний лиг “Mongol Grand Prix MX League 2026” байх болно.

Mongol Grand Prix MX League 2026 лиг нь зуны турш нийт 5 гараатайгаар явагдах бөгөөд эхний гараа 2026 оны 6 сарын 6–7-ны өдрүүдэд Төв аймгийн Зуунмод хот, Эрдэнэ уулын мотокроссын зам дээр болох ба зөвхөн спортын уралдаан бус энтертайнмент фестиваль хэлбэрээр зохион байгуулагдаж, үзэгчдэд зориулсан шоу, тоглолт зэрэг дагалдах арга хэмжээг хийж буйгаараа онцлог болох юм.

#ХүчтэйХамтдаа #НомадикАрдРэйсинг

Nomadic Racing багийн тамирчин Алтангэрэлийн Төмөрчулуун

А.Төмөрчулуун нь 2021 оноос хойш 6 жилийн турш тасралтүй мотоспортоор тууштай хичээллэж, Мотокросс болон Эндуро ,Ралли төрлүүдэд уралддаг.

А.Төмөрчулууны гаргасан амжилтуудаас товч дурдвал:
2021 онд Шинэ залуу тамирчин
2022 онд Залуучуудын улсын аварга –Дэд байр
2022, 2023 онуудад Эндуро мотоспортын хошой аварга
2023 онд Спринт раллигийн дэд байр
2025 онд Монгол улсын аварга шалгаруулах тэмцээний цуврал гарааны нийлбэр дүнгээр гуравдугаар байр эзэлж байсан.
А.Төмөрчулуун нь
• 2021 онд Спортын 3 дугаар зэрэг
• 2023 онд Спортын дэд мастер
• 2025 онд Спортын мастер цолоор шагнагдсан.

🏁“MONGOL GRANDPRIX MX LEAGUE 2026” МОТОКРОССЫН ЛИГИЙН ХЭВЛЭЛИЙН БАГА ХУРАЛД НОМАДИК РЭЙСИНГ БАГИЙН ТӨЛӨӨЛЛҮҮД ОРОЛЦЛОО.

Багийн ахлагч, МУГТ Э.Халиунболд: Маш сонирхолтой шинэ уралдаан эхэлж байгаа болохоор өөрийн хувь нэмрээ оруулья гэж бодоод оролцохоор шийдсэн. Сайхан өрсөлдөөн гарна гэж бодож байна.

“MONGOL GRANDPRIX MX LEAGUE 2026” нь Монголын мотокроссын спортын хөгжлийг шинэ шатанд гаргах зорилготой үндэсний хэмжээний лиг бөгөөд зуны турш нийт 5 гараатай зохион байгуулагдана.
Эхний гараа 2026 оны 6-р сарын 6–7-ны өдрүүдэд Төв аймгийн Зуунмод хот, Эрдэнэ уулын мотокроссын зам дээр болно.
Уралдаан:
✅450cc
✅250cc
✅85cc
✅65cc
✅50cc
✅Open ангиллаар явагдах бөгөөд мэргэжлийн тамирчид, өсвөрийн тамирчид болон сонирхогчдыг хамарсан өргөн хүрээний оролцоотой байх юм.
450сс буюу мэргэжлийн тамирчдын ангилалд багийн систем нэвтрүүлж, баг бүр 3 үндсэн, 1 сэлгээний тамирчинтайгаар өрсөлдөх ба гараа бүрт оноо цуглуулж, нийлбэр дүнгээр шилдэг тамирчид болон багууд тодорно.
MONGOL GRANDPRIX MX LEAGUE лиг нь зөвхөн спортын тэмцээн бус энтертайнмент фестивал хэлбэрээр зохион байгуулагдах бөгөөд үзэгчдэд зориулсан шоу, хамтлаг, дуучдын тоглолт, нэмэлт арга хэмжээнүүд зэрэг олон сонирхолтой үйл ажиллагаа болно.
Мэргэжлийн тамирчдын уралдах 450сс ангиллын таван гарааны нийт шагналын сан 200 сая төгрөг байна.

Хэвлэлийн бага хурлын үеэр МАМСХ-ны Тэргүүн дэд ерөнхийлөгч Ч.Ганзориг “Монголын мото спорт 70 жилийн түүхэндээ анх удаа мэргэжлийн түвшинд хөгжих эхлэл тавигдаж байна” хэмээн онцлов.

Хэвлэлийн бага хурлын үеэр багуудын төлөөлөл шинэ улиралд өрсөлдөөн өндөр түвшинд өрнөнө гэдгийг онцолж, үзэгчдийг талбай дээрээс уралдааны уур амьсгалыг мэдрэхийг урилаа.

Nomadic Racing багийн тамирчин Алтангэрэлийн Гэрэлсүх

А.Гэрэлсүх нь 26 настай. 2022 оноос хойш 5 дахь жилдээ Мото спортын Мотокросс болон Эндуро кроссоор хичээллэн уралдаж байна. Мото спортын Дэд Мастер цолтой
Түүний гаргасан амжилтуудаас дурдвал
2022 мотокроссын залуучдын ангиллын Аварга
2022 эндурогын залуучдын ангиллын Дэд байр эзэлж байсан.
А.Гэрэлсүх лигт 24 дугаартай өрсөлдөж байна.

Nomadic Racing багийн тамирчин Ганбаатарын Итгэл

Г.Итгэл нь 16 настай. Мотокроссоор 2021 оноос хойш буюу өдгөө 6 дахь жилдээ хичээллэж байна. Түүний гаргасан амжилтуудаас дурдвал
2023 онд 85сс ангилалд Мөнгөн медаль
2025 оны 85 сс ангилалд Улсын аварга болж алтан медаль хүртсэн юм. Мөн 2025 онд хард эндуро ангилалд Улсын аварга болсон. Г.Итгэл нь мотокороссоор хичээллэхээс гадна таеквондогийн Монгол улсын 4 удаагийн аварга.

Nomadic Racing багийн тамирчин Ганхүрэлийн Архад

Г.Архад нь 2020 онд 50сс ангилалд улсын аварга
2021 онд 50сс ангилалд улсын аварга
2022 онд 65сс ангилалд II байр
2023 онд 65сс ангилалд III байр
2024 онд 85сс ангилалд III байр
2025 oнд 85сс ангилалд тусгай байр эзэлсэн бөгөөд 2026 онд улсын аваргын 85сс ангилалд уралдах өсөх ирээдүйтэй залуу тамирчин юм.

STAGE 11 ALULA 107 km - Special > 420 km

STAGE 10 ALULA>ALULA
🏁612km COMPLETED! ✅