Botolista

رسميًا 🔴⚪️

راشيد غانيمي حارس الفتح الرياضي حارسا جديدا فصفوف الوداد الرياضي.

شكون هو ميزياني موليدا لكتفاوض معاه الوداد 🚨🔴

إدارة الوداد الرياضي داخلة بقوة فالمفاوضات مع ميزياني موليدا 🇰🇲، الجناح الأيسر البالغ من العمر 27 سنة باش يعزز الخط الأمامي فهاد الميركاتو الصيفي.

موليدا تكون ففرنسا، ولعب مع أندية معروفة بحال أولمبيك ليون، نيس، هيرتا برلين الألماني، وهيبيرنيان الإسكتلندي، وآخر محطة ليه كانت مع الخلود السعودي.

فأول موسم ديالو فالسعودية بصم على أرقام قوية بتسجيل 15 هدف، وبدا الموسم اللي فات حتى هو مزيان، سجل 3 أهداف وصنع 3 فـ11 ماتش قبل ما توقفو إصابة خطيرة فشهر يناير أنهات ليه الموسم.

وعلى المستوى الدولي لعب مع منتخب جزر القمر فـ20 مقابلة وسجل 5 أهداف. 🇰🇲🔥

بحال هاد معلومات غادي تلقاوها غير عند botolista ✅🤝

عــــــــاجــــل جـــــداً 🚨

يونس الدحماني رجاوي… والصفقة قريبة جدا من القلعة الخضراء! 🦅💚

بعدما مطالب اتحاد تواركة المالية كانت مرتفعة، الوداد الرياضي صرف النظر على التعاقد مع يونس الدحماني فهاد الميركاتو الصيفي.

وفالمقابل الرجاء الرياضي باقي متشبث بقوة بالصفقة، وحالياً حاط عرض كيوصل لـمليار سنتيم باش يحسم انتقال أفضل جناح فالبطولة بشكل نهائي. 🔥

واش الدحماني كيستحق مليار سنتيم ؟! 🤔

#الرجاءالعالمي

فيصل فجر 🚨

“كانت كاينة مفاوضات مع الرجاء فالميركاتو اللي فات أنا بغيت نهضر مباشرة مع الإدارة بلا وكيل باش نسهل عليهم الأمور ونسرع الصفقة. حتى الراتب اللي كنت غادي ناخذ مع الرجاء كان أقل من اللي كان معروض عليا فالسعودية، وزدت هبطتو أكثر حيث كنحب هاد الفريق.

صيفطت جميع الوثائق القانونية، ومن بعد تفاجأت بلي التواصل تقطع وما بقا حتى شي رد. ومع هاد الشي كامل، الحب ديالي للرجاء باقي كبير وما تبدلش.” 🦅💚

#الرجاءالعالمي

تصريح شاب ودادي من بعد رجع من سبتة المحتلة 🔴🚨

“دخلنا لسبتة على أمل نلقاو شي حاجة ولكن للأسف ملقينا والو. غير باعونا الوهم، وتعرضنا لسوء المعاملة وحتى العنصرية. دابا عرفنا بلي ما كاين أحسن من بلادنا المغرب، وسط ناسنا وخوتنا. الحمد لله على نعمة المغرب وديما وداد 🔴⚪”

#ماتكيدش

عــــــــاجــــــــل ورسميًا 🟠🚨

المدرب بوبيستا مدرب منتخب الرأس الأخضر، واللي قدر يكتب التاريخ بقيادة منتخب الرأس الأخضر للتأهل إلى الدور 32 في كأس العالم لأول مرة في تاريخهم وأفضل مدرب في إفريقيا ، سميًا أصبح المدرب الجديد لنهضة بركان. 🔥

#ماتكيدش

الرجاء كتوجد لينا بونو الجديد 🦅💚

سعد عنترة البالغ من العمر 19 عام، كيبصم على مستويات ممتازة مع المنتخب المغربي لأقل من 20 سنة فدوري كوتيف بإسبانيا.ونجح في الحفاظ على نظافة شباكه أمام فالنسيا فالنصف النهائي وساهم بشكل مباشر فتأهل الأشبال للنهائي.

وزيد عليها سعد قدر ينتزع الرسمية من الحارس الموهوب علاء بلعروش خريج أكاديمية محمد السادس.

عنترة تكوين خالص ديال أكاديمية الرجاء شخصياً كنت متبعوا من سنين مع الفئات السنية لنسور، وبالنسبة ليا هاد الولد مشروع حارس متكامل وعندو مؤهلات كبيرة باش يوصل لمستوى عالي.

سؤال اللي كيطرح أكثر من علامة استفهام هو أنه ملي سافر مهدي لحرار مع المنتخب المغربي لأمريكا، تعطات فرص كثيرة لحارس لعلوي ومع كامل إحترام له كان سبب مباشر فضياع البطولة من الرجاء، بينما سعد ما خداش فرصتو مع الفريق الأول معرفتش علاش مسؤلين الرجاء معطوش فرصة لهاد لكنز لعندهم فأكاديمية .

على أي حال سعد عنترة مازال صغير والمستقبل قدامو كبير كنتمنى ليه كل التوفيق في مساره الرياضي .

#الرجاءالعالمي

نهضة بركان تتوفر على كنز كبير فالأكاديمية 🇲🇦🥶

كنهضر على الجناحين عبد الغفور غوراري وحمزة الراجي. من مدة طويلة وأنأ أتابعهما وكنشوفهم من بين أفضل الأجنحة الصاعدين فالمغرب.

بعدما كانو من الأسباب الرئيسية فصعود رديف نهضة بركان للقسم الوطني هواة، حاليا عندهم دور كبير فتأهل المنتخب المغربي لأقل من 20 سنة لنهائي دوري غوتيف بإسبانيا.

فماتش نصف النهائي ضد فالنسيا حمزة الراجي سجل هدف عالمي بطريقة خرافية، وعبد الغفور غوراري عطى أسيست رائع بعد مجهود فردي كبير.

بصراحة متحمس بزاف نشوف هاد الثنائي الموسم الجاي مع الفريق الأول لنهضة بركان، فراقي ديال بطولة بدون شك غادي يشوفو رعب مع هاد أجنحة 🔥

رضا التكناوتي حارس الجيل الملكي من حفل الاستقبال الملكي بمدينة المضيق 🇲🇦👏🏻

أرقام نجوم ميركاتو إتحاد طنجة ⚪️🔵

أحسن صفقة لفارس بوغاز ؟!